மருத்துவர்கள் பொறுப்பில்லாமல் இருப்பதை யார் கேள்வி கேட்பது? நோயாளிகள் புலம்பல்!

**சிவா** · **சிவா** Tue Feb 14, 2012 4:41 pm

தமிழகத்தில் ஆம்புலன்ஸ் வசதிக்கு 108 என்ற எண் இருப்பதை போல அரசு மருத்துவ கல்லூரி மற்றும் அரசு தலைமை மருத்துவமனைகளில் அரசின் காப்பீட்டு திட்டத்தை செயல்படுத்தப்படும் வார்டுக்கு 500 என பெயர் வைத்துள்ளதாக தமிழக சுகாதாரத்துறை அமைச்சர் டாக்டர் விஜய் கூறியுள்ளார்.

வேலூர் அரசு மருத்துவக்கல்லூரி மருத்துவமனையில் ஆய்வு மேற்கொண்டபின் இத்தகவலை அவர் கூறினார். அதோடு ஆய்வு மற்றும் மருத்துவர்களோடு ஆலோசனையின் போது 9 மருத்துவர்கள் வரவில்லை. அவர்கள் முக்கிய பொறுப்பில் இருப்பவர்கள் கூட. இதில் கோபமான அமைச்சர் அவர்களுக்கு மெமோ வழங்கும்படி இயக்குநருக்கு உத்தரவிட்டார்.

சில ஆண்டுகளுக்கு முன் மருத்துவமனைக்கு வந்து கையெழுத்துபோட்டுவிட்டு இரயில் மூலம் தங்களது இருப்பிடம் உள்ள சென்னைக்கு போய்க்கொண்டு இருந்த டாக்டர்களை கவனித்து அவர்களை பிடித்து போலிஸாரிடம் ஒப்படைத்தனர் பொதுமக்களும் விடுதலை சிறுத்தை கட்சியனரும்.

அதன்பின் சில வாரங்கள் அமைதியாக இருந்த அந்த மருத்துவர்கள் மீண்டும் வழக்கம் போல் கையெழுத்துபோட்டுவிட்டு தங்களது ஊருக்கு போய் சொந்த கிளினிக் பார்த்துக்கொள்வதை வழக்கமாக கொண்டுயிருந்தனர்.

அமைச்சர் ஆய்வின் போதும் அப்படியே நடந்தது. இதையடுத்து பணிக்கு வராத மருத்துவர்களுக்கு மெமோ வழங்க உத்தரவிட்டதாக கூறப்படுகிறது.

சேவை செய்ய வேண்டிய மருத்துவர்கள் இப்படி பொறுப்பில்லாமல் இருப்பதை யார் தான் கேள்வி கேட்பது என மருத்துவமனை ஊழியர்களும், நோயாளிகளும் புலம்புகின்றனர்.

நக்கீரன்

மருத்துவர்கள் பொறுப்பில்லாமல் இருப்பதை யார் கேள்வி கேட்பது? நோயாளிகள் புலம்பல்!

மருத்துவர்கள் பொறுப்பில்லாமல் இருப்பதை யார் கேள்வி கேட்பது? நோயாளிகள் புலம்பல்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக