கல்கியின் கையெழுத்து !!!

balakarthik · balakarthik Sat 5 May 2012 - 14:18

மறைந்த எழுத்தாளர் பேராசிரியர் கல்கி தன் கையெழுத்தைப் பற்றி தாமே விமர்சனம் செய்து கொள்வார் என்று அப்புசாமி டாட் காமில் படித்தேன். அதற்கு அவர் ராபர்ட் ப்ரவிநிங்கின் (யாருக்குமே அர்த்தம் புரியாதாம்!) கவிதைகளை மேற்கோள் காட்டி சொல்லியிருப்பது படிக்க சுவாரஸ்யமாக இருந்தது.

கல்கியின் கையெழுத்து பற்றி ஒரு பழைய கல்கி இதழில் நான் படித்த துணுக்கு ரொம்ப சுவாரஸ்யமானது.

கல்கி அப்போது விகடனில் ஆசிரியராக இருந்தார்.

கல்கியின் நண்பர் ஒருவர் தான் பல கதைகள் அனுப்பியும் பிரசுரமாகாதது குறித்து வருத்தத்தைத் தெரிவித்தாராம். வாங்கிப் படித்துப் பார்த்த கல்கி,

“நல்லாத்தானே இருக்கு. இது எப்படி பிரசுரமாகாமல் போயிற்று” என்று வியந்து,

“சரி, நான் பர்சனலா ரெகம்மண்ட் பண்ணி பப்ளிஷருக்கு அனுப்பறேன்” என்று வாங்கிக் கொண்டாராம்.

பல வாரங்கள் ஆயிற்று கதை பிரசுரமே ஆகவில்லை.

நண்பர் மறுபடி கல்கியை சந்தித்தார்.

தான் சிபாரிசு செய்தும் பிரசுரமாகாதது கல்கிக்கு குழப்பத்தை உண்டு பண்ணியது.

பப்ளிஷரை அழைத்தார். வந்திருந்தவர் பெயரைச் சொல்லி, அவர் எழுதின கதையின் பெயரைச் சொல்லி,

“ஞாபகம் வருதா?” என்று கேட்டார்.

“ஏன் வராம, நீங்க காமென்ட் கூட எழுதி அனுப்பியிருந்தீங்க”

“என்ன ஆக்ஷன் எடுத்தீங்க?”

“கிழிச்சி குப்பைலே போட்டுட்டேன்”

“என்னது?”

“ஆமாம் சார், rubbish ன்னு எழுதி அனுப்பினா குப்பைலே போடாம என்ன பண்றது?”

“அட ராமா, நான் publish ன்னு இல்லே எழுதியிருந்தேன்!”

நன்றி:- இதயம் பேசுகிறது