நாளைய போட்டியில் ஆஸி. அணிக்கு இந்தியா பதிலடி கொடுக்குமா?

First topic message reminder :

அடிலெய்டு, பிப். 11-
இந்தியா, ஆஸ்திரேலிய இலங்கை ஆகிய 3 நாடுகள் பங்கேற்கும் கிரிக்கெட் போட்டி ஆஸ்திரேலியாவில் நடைபெற்று வருகிறது. இதில் ஒவ்வொரு அணியும், மற்ற அணிகளுடன் தலா 4 முறை மோத வேண்டும்.

புள்ளிகள் அடிப்படையில் முதல் 2 இடங்களை பிடிக்கும் அணிகள் இறுதிப் போட்டிக்கு தகுதி பெறும். கடந்த 5-ந்தேதி நடந்த தொடக்க ஆட்டத்தில் ஆஸ்திரேலியா 65 ரன்னில் இந்தியாவை தோற்கடித்தது.

8-ந்தேதி நடந்த 2-வது ஆட்டத்தில் இந்தியா 4 விக்கெட் வித்தியாசத்தில் இலங்கையை வீழ்த்தியது. நேற்று நடந்த 3-வது லீக் ஆட்டத்தில் ஆஸ்திரேலியா 5 ரன்னில் இலங்கையை தோற்கடித்தது. 4-வது “லீக்” ஆட்டம் அடிலெய்டில் நாளை நடக்கிறது. இதில் இந்திய - ஆஸ்திரேலிய அணிகள் மீண்டும் மோதுகின்றன.

இந்திய அணி ஆஸ்திரேலியாவுக்கு சரியான பதிலடி கொடுக்குமா? என்று ஆவலுடன் எதிர்பார்க்கப்படுகிறது. இந்திய அணி ஆஸ்திரேலியாவிடம் 4 டெஸ்டிலும் தோற்று இருந்தது. இரண்டு 20 ஓவர் போட்டியில் ஒரு தோல்வியை சந்தித்து இருந்தது.

பெர்த்தில் நடந்த முதல் ஒரு நாள் ஆட்டத்தில் 65 ரன்னில் தோற்றதால் அதற்கு பழி வாங்கும் வகையில் நாளைய ஆட்டத்தில் வெற்றி பெற வேண்டிய நெருக்கடி இந்திய வீரர்களுக்கு உள்ளது.

இந்த 3 நாடுகள் போட்டியில் தொடக்க வீரர்கள் சுழற்சி முறையில் வாய்ப்பு அளிக்கப்பட்டு வருகிறார்கள். ஆஸ்திரேலியாவுக்கு எதிரான ஆட்டத்தில் ஷேவாக் நீக்கப்பட்டார். தெண்டுல்கர் - காம்பீர் தொடக்க வீரர்களாக ஆடினார்கள்.

இலங்கைக்கு எதிராக காம்பீர் நீக்கப்பட்டு தெண்டுல்கர்-ஷேவாக் தொடக்க வீரர்களாக விளையாடினார்கள். இந்த சுழற்சி முறைப்படி பார்த்தால் தெண்டுல்கருக்கு நாளை ஓய்வு கொடுக்கப்பட வேண்டும். சீனியர் வீரர் என்பதால் அவருக்கு ஓய்வு அளிக்கப்பட மாட்டாது என்றே தெரிகிறது.

முன்னாள் கேப்டன் கவாஸ்கர் ஏற்கனவே சுழற்சி முறைக்கு எதிர்ப்பு தெரிவித்து இருந்தார். இதனால் காம்பீருக்கு நாளைய ஆட்டத்தில் வாய்ப்பு கிடைக்குமா? என்ற சந்தேக நிலை உள்ளது. அவர் இடம்பெற்றால் ரோகித் சர்மா கழற்றி விடப்படலாம்.

இலங்கைக்கு எதிராக வீராட் கோக்லி, தெண்டுல்கர், அஸ்வின், ஜாகீர் கான் ஆகியோர் தங்களது பங்களிப்பை வெளிப்படுத்தினார்கள். அதே நேரத்தில் ஆஸ்தி ரேலிய அணி 'ஹாட்ரிக்' வெற்றியைப் பெறும் முனைப்பில் உள்ளது.

மைக்ஹஸ்சிக்கு நாளைய ஆட்டத்தில் ஓய்வு கொடுக்கப்படும் என்று தெரிகிறது. பேட்டிங், பந்துவீச்சு, பீல்டிங் ஆகிய 3 துறைகளிலும் ஆஸ்திரேலிய அணி சிறப்பாக செயல்படுகிறது.

அடிலெய்டில் இரு அணிகளும் மோதிய 4 ஆட்டத்திலும் ஆஸ்திரேலியாவே வெற்றி பெற்றது. பகல்-இரவாக நடைபெறும் இந்த ஆட்டம் இந்திய நேரப்படி நாளை காலை 8.50 மணிக்கு தொடங்குகிறது. தூர்தர்சன், ஸ்டார்போர்ட்ஸ் கிரிக்கெட்டில் நேரடியாக ஒளிபரப்பு செய்யப்படுகிறது.

இந்தியா: டோனி (கேப்டன்), தெண்டுல்கர், ஷேவாக், காம்பீர், வீராட் கோக்லி, ரெய்னா, ரோகித் சர்மா, ரவிந்திர ஜடேஜா, அஸ்வின், ஜாகீர்கான், பிரவீண் குமார், வினய் குமார், ராகுல் சர்மா, உமேஷ் யாதவ், மனோஜ் திவாரி, இர்பான் பதான், பார்த்தீவ் பட்டேல்.

ஆஸ்திரேலியா: மைக்கேல் கிளார்க் (கேப்டன்), பாண்டிங், வார்னர், மைக் ஹஸ்சி, டேவிட் ஹஸ்சி, மேத்யூ வாடே, கிறிஸ்டியன், மைக்கேல் மார்ஷ், ஹாரிஸ், ஸ்டார்க், மெக் காய், ஹில்பென் ஹாஸ், டோகர்ட்டி, பீட்டர் பாரஸ்ட்.

இரு அணிகளும் நாளை மோதுவது 107-வது போட்டியாகும். இதுவரை நடந்த 106 போட்டியில் இந்தியா 36 ஆட்டத்திலும், ஆஸ்திரேலியா 62 ஆட்டத்திலும் வெற்றி பெற்றுள்ளன. 8 ஆட்டம் முடிவு இல்லை.

மாலைமலர்

78/1 16 ஓவேஸ்

90/2 கொஹ்லி அவுட்

வெற்றி பெறுமா இந்தியா?

155/2 - 30 overs
*Gautam Gambhir(lhb) 77Runs 96Balls
Rohit Sharma(rhb) 31Runs 35Balls

மகா பிரபு wrote:வெற்றி பெறுமா இந்தியா?

வெற்றி பெரும் என்று நம்புவோம்... இது வரை நன்றாக தான் விளையாடுகிறார்கள்

166/3 rohit அவுட் 33 runs

Cricinfo Quote

Rajesh: "Dhoni' s inablity to milk around the ball for singles has created unnecessary pressure on the run chase. Hes responsible for turning a very gettable chase to a panicky one."

இந்தியா வெற்றி பெற்றது

இந்தியா அபார வெற்றி.
தோனியின் இமாலய சிக்ஸ் மற்றும் மெக்கேயின் நோபாலின் உதவியால் வெற்றி. தொடக்கத்தில் சொதப்பல் ஆட்டம் ஆடிய தோனி தம் பெயரை இந்த வெற்றியின் மூலம் காப்பாற்றிக் கொண்டார்.

ஜெய்கிந்த்

மகா பிரபு wrote:இந்தியா அபார வெற்றி.
தோனியின் இமாலய சிக்ஸ் மற்றும் மெக்கேயின் நோபாலின் உதவியால் வெற்றி. தொடக்கத்தில் சொதப்பல் ஆட்டம் ஆடிய தோனி தம் பெயரை இந்த வெற்றியின் மூலம் காப்பாற்றிக் கொண்டார்.

ஜெய்கிந்த்

இந்தியா வெற்றி பெற்றது - ஓ‌கே
அபார வெற்றி எல்லாம் ரொம்ப ஓவர்... இந்தியா தோற்றுவிடும் என்று எண்ணுவதற்கு காரணமே தோனியின் மோசமான ஆட்டம் தான் காரணம்... நாம் வெற்றி பெற கடைசி ஓவர் வரை விளையாட காரணமே தோனி தான்...

கடைசி ஓவரில் ஒரு சிக்ஸ் அடித்தது மட்டும் தான் தோனியின் ஆட்டதில் பார்க்க கூடியதாக இருந்தது....