நாளை(ய) சூரிய வெளிச்சம்

**ரா.ரா3275** · **ரா.ரா3275** Sat 11 Feb 2012 - 21:10

என்னரும் ஈகரை உறவுகளே!

வணக்கம்.

இதோ வந்துவிட்டது சூரிய தினம்(ஞாயிறு).வடிந்துவிட்டது இடைவெளி.
வழி விட்டுவிட்டது காலம்.வரவேற்புப் பதாகையுடன் நிற்கிறது வழியில் சென்னை.

வெளிச்சப் புள்ளிகள் எல்லாம் வெளிச்சப் பிரளயமாகும் நாளை.

தமிழர்கள் கூடுவதால் தரையெங்கும் பூக்கள் கொட்டியும் கொட்டாமலும் குதூகலிக்கும் மலர்ச்சி.
பூமியின் இண்டு இடுக்குகளிலெல்லாம் நண்டூர்வது போன்ற குறுகுறுப்பு கொஞ்சம் கொஞ்சமாய்.
வங்கக் கடல், வாலையும் தலையையும் ஒருசேரத் தூக்கித் தூக்கித் தாக்கி அடிக்கிறது தன் கரைகளை மகிழ்ச்சியில்.

பிரிந்து கிடக்கும் தமிழன் கூடினால் பிரியம் காட்ட, இயற்கை எப்போதும் தன் எல்லாப்பக்கங்களிலும் றெக்கைக் கட்டித் துள்ளி நிற்பது ஒன்றும் பெரிதல்லவே.

இது, இனிமேல் ஒன்றிணைந்துக் கூடப்போகும் தமிழ்த் திரட்சிக்கான ஒரு சிறு அத்தாட்சி.
அதை எவனும் இனி தடுக்க இயலாது.அதற்கு இதுவே சாட்சி.

பரிசுக்குத் தேர்ந்தெடுக்கபட்ட நண்பர்களுக்கும்,விழாவிற்கேப் பரிசாக வரப் போகும் நண்பர்களுக்கும்
அன்பு வரவேற்பு.

முகங்களும் முரண்களும் அகமகிழக் கூடட்டும்.
அன்பில் அதிசயம் நிகழ்த்தட்டும்.

கூடிப் பிரிகிறக் காகக் கூட்டமல்ல.
கூடிப் பொழிகிற மேகக் கூட்டம் நாங்கள் என்று புரிய வைப்போம்.

வாருங்கள் தோழர்களே.
நாளை நமதே!

அன்பு மலர்