மாணவன் ஆசிரியையைக் கொல்லலாமா?

yarlpavanan · yarlpavanan Fri Feb 10, 2012 12:02 am

அம்மா, அப்பா, ஆசிரியர் ஆகியோர் கடவுளாம்
(மாதா, பிதா, குரு தெய்வம்)
அன்றொரு நாள் படித்த நினைவு...
இன்றெங்கு பார்த்தாலும்
தலை கீழாகத் தான் நடக்கிறதே!
அன்று
அன்னையும் பிதாவும் முன்னறி தெய்வம்
இன்று
அன்னையும் பிதாவும் பின்னடிக்கு இடைஞ்சல்
என்றாகிப் போனதால்
முதியோர் இல்லங்களுக்கு உள்ளே
பெத்தவங்களையே தள்ளி விடுகிறாங்களே!
சரி... சரி...
பெத்தவங்களைத் தான் விடுவோம்
ஆசிரியர்கள்
மாணவர்களைக் கெடுப்பது போய்
மாணவர்கள்
ஆசிரியர்களைக் கொல்ல வந்தாச்சு என்றால்
நாடு எப்படி ஐயா உருப்படும்?
அன்று
ஆசிரியர் - மாணவி
ஆசிரியை - மாணவன்
தகாத உறவு பற்றிய செய்தியை
கேட்டிருப்போம்... படித்திருப்போம்...
இன்று சென்னையில்(09/01/2012)
மாணவன் ஒருவன்
ஆசிரியை ஒருவரை
கொலை செய்த செய்தியைக் கேட்டு
உலகமே சிலிர்த்துப் போய்விட்டது!
உலகைக் கலக்கும் செய்தியாக
திரைபடங்களில் வரும் காட்சியாக
சீர் கெட்ட குழுச் செயலாக
மக்களாய(சமூக)த்திற்கு எச்சரிக்கையாக
நிகழ்ந்துவிட்ட கொலைச்செயலைப் பார்த்தாயினும்
மக்களாய(சமூக)ம் விழிப்படைய வேண்டுமே!
மக்களாய(சமூக) மேம்பாட்டுக்காக பாடுபடும் எவரையேனும்
கொல்ல முயற்சி எடுப்போரையும்
கொல்லத் தூண்டுபவரையும்
மக்களாய(சமூக)மே உணர்ந்து கட்டுப்படுத்தாவிடின்
எங்கும் எதிலும் கொலைவெறியே!

**உமா** · **உமா** Fri Feb 10, 2012 11:24 am

நல்ல கேள்வியுடன் ஒரு விழிப்புணர்வு வரிகள்.
மாணவன் ஆசிரியையைக் கொல்லலாமா? 440806

என்ன ஒரு அவலம்...எவ்ளோ அசிங்கமான செய்திகளை தினமும் படிக்க வேண்டிய நிலைமை இன்று.
மாறும் மாறும் என்று நினைக்க கூட முடியவில்லை.தினம் தினம் அதிகமாக இப்படி பட்ட செய்திகளே தொடர்கின்றன.

yarlpavanan · yarlpavanan Sat Feb 11, 2012 2:19 pm

உமா wrote:நல்ல கேள்வியுடன் ஒரு விழிப்புணர்வு வரிகள்.
என்ன ஒரு அவலம்...எவ்ளோ அசிங்கமான செய்திகளை தினமும் படிக்க வேண்டிய நிலைமை இன்று.
மாறும் மாறும் என்று நினைக்க கூட முடியவில்லை.தினம் தினம் அதிகமாக இப்படி பட்ட செய்திகளே தொடர்கின்றன.

இந்நிலை மாற வேண்டும்.
சமூக மாற்றமே இன்றைய தேவை.

kalidasan காளிதாசன் · 20/06/2011

மக்களும் மக்களை ஆள்பவர்களும் உறுதியாக முன்னேற்றத்தை கருத்தில் கொண்டு முடிவுகளை எடுக்கும் வரை இவை நிகலத்தான் செய்யும். நான் போராட வருகிறேன் என்று சொன்னால் தன் சுயநலதிர்க்காக என்னை கொள்ளாதுடிக்கும் ஒருவன் நான் போராடுவது எனக்கு அல்ல நமக்கு நாம் பிள்ளைகளுக்கு என்று என்னும் பட்சத்தில் நல்லவை நடக்கும்

subhajothi · subhajothi Sat Feb 11, 2012 3:03 pm

இச்சமுதாய சீர்கேடுகள் அகல இளைஞர் சமுதாயமே ஒத்துழைக்க முன் வர வேண்டும்

**ரா.ரா3275** · **ரா.ரா3275** Sat Feb 11, 2012 3:22 pm

மக்கள் திருந்தினால்தான் உண்டிங்கு மாற்றம்...
அற்புதமான-இயல்பான கருத்துண்மை உங்கள் வரிகளில்...

yarlpavanan · yarlpavanan Sat Feb 11, 2012 3:24 pm

மதிப்புக்குரிய காளிதாசன், சுபஜோதி, RaRa3275 ஆகியோரது கருத்தை வரவேற்கிறேன்.

**அகிலன்** · **அகிலன்** Sat Feb 11, 2012 6:01 pm

மாணவன் ஆசிரியையைக் கொலைசெய்ததற்கு காரணம் எதுவாக இருந்தாலும், அதர்க்கான பொறுப்பை ஆசிரிய உலகம் ஏற்றுக்கொள்ள வேண்டும். ஆசிரியர்கள் மாணவர்களை சரியாக வழி நடத்தியிருந்தால் இப்படி நடந்திருக்குமா?

**இளமாறன்** · **இளமாறன்** Sat Feb 11, 2012 6:20 pm

நல்ல கேள்வி ... ஆங்காங்கு சில பதர்கள் இப்படி கிளம்பி கலக்கம் செய்வது எப்பொழுதும் உண்டு நண்பரே ...முழுவதுமாக சமுதாயம் அழிந்து விட வில்லை ... இன்னும் சில இடங்களில் மாணவர்கள் அடிமைகளாக படித்து படித்து அதிக மதிப்பெண் பெற வேண்டும் எனவும் பள்ளி பெயர் பெற வேண்டும் எனவும் அழுத்த நிலையில் வாழ்வின் எதிர்பார்ப்புகளோடு இருந்து கொண்டு தான் இருக்கிறார்கள்

**ரா.ரா3275** · **ரா.ரா3275** Sat Feb 11, 2012 6:26 pm

இளமாறன் wrote:நல்ல கேள்வி ... ஆங்காங்கு சில பதர்கள் இப்படி கிளம்பி கலக்கம் செய்வது எப்பொழுதும் உண்டு நண்பரே ... முழுவதுமாக சமுதாயம் அழிந்து விட வில்லை ... இன்னும் சில இடங்களில் மாணவர்கள் அடிமைகளாக படித்து படித்து அதிக மதிப்பெண் பெற வேண்டும் எனவும் பள்ளி பெயர் பெற வேண்டும் எனவும் அழுத்த நிலையில் வாழ்வின் எதிர்பார்ப்புகளோடு இருந்து கொண்டு தான் இருக்கிறார்கள்