ஒபாமாவுக்கு இண்ட்ராப் வேண்டுகோள்: கமுந்திங் முகாமையும் மூடுங்கள்

**Admin** · **Admin** Tue Jan 20, 2009 11:04 pm

மலேசியாஇன்று

•கைதுகளை தவிர்ப்பதற்கு நால்வரடங்கிய கூட்டம்
•வாஷிங்டனில் ஒபாமாவிடம் மனு

பேரா, கமுந்திங்கில் உள்ள தடுப்புக் காவல் முகாமை மூட உதவும்படி, அமெரிக்க அதிபராகப் பொறுப்பேற்கும் பராக் ஒபாமாவை, இண்ட்ராப் கேட்டுக் கொண்டுள்ளது.

இன்று வெளியிட்ட பத்திரிகை அறிக்கையில், நான்கு இண்ட்ராப் உறுப்பினர்கள் இந்த வேண்டுகோளை விடுத்தனர்.

குவாந்தனாமோ விரிகுடாவில் ஐயத்துக்குரிய தீவிரவாதிகளை தடுத்து வைக்கும் முகாமை மூடுவதென்ற ஒபாமாவின் முடிவை தாங்கள் வரவேற்பதாக அவர்கள் கூறினர்.

இன்று காலை, கோலாலம்பூர் ஜாலான் துன் ரசாக்கில் உள்ள அமெரிக்கத் தூதரகத்துக்கு வெளியே நடத்திய, 15 நிமிட ஆட்சேப கூட்டத்தில் அந்த நால்வரும் சுலோக அட்டையை ஏந்தியிருந்தனர்.

அப்போது, அங்கு நிறுத்தி வைக்கப்பட்டிருந்த சுமார் 100 போலீஸ்காரர்கள், மிகச் சிறிய எண்ணிக்கையில் கூடிய கூட்டத்தினரைக் கண்டு ஆச்சரியமடைந்தனர்.

நான்கிற்கும் மேற்பட்டவர்கள் கூடும்போது போலீஸ் பெர்மிட் தேவைப்படுகிறது, இந்த கட்டுப்பாட்டை முறியடிப்பதற்கு இண்ட்ராப் இத்தகைய முயற்சியை மேற்கொண்டது.

மலேசிய நேரப்படி இன்று நள்ளிரவுக்குப் பின்னர், ஒரு மணியளவில், அதிகாரப்பூர்வமாகப் பொறுபேற்கும் ஒபாமாவுக்கு இண்ட்ராப் வாழ்த்து கூறுவதாயும் அந்த அறிக்கை குறிப்பிட்டது.

இதனிடையே, நியு யார்க்கில் உள்ள இண்ட்ராப் பேராளர் ஆர். ஷான், இன்று வாஷிங்டனில், ஒபாமாவிடம் ஒரு மனுவைச் சமர்ப்பிப்பாரென்று எதிர்பார்க்கப்படுகிறது.

இதே போன்றதொரு மனு, வரும் மார்ச் மாதம் மலேசியப் பிரதமராகவிருக்கும் நஜிப் அப்துல் ரசாக்கிடமும் சமர்ப்பிக்கப்படும்.

ஒபாமாவுக்கு இண்ட்ராப் வேண்டுகோள்: கமுந்திங் முகாமையும் மூடுங்கள் Obama11

ஒபாமாவுக்கு இண்ட்ராப் வேண்டுகோள்: கமுந்திங் முகாமையும் மூடுங்கள் Obama11

ஒபாமாவுக்கு இண்ட்ராப் வேண்டுகோள்: கமுந்திங் முகாமையும் மூடுங்கள்

ஒபாமாவுக்கு இண்ட்ராப் வேண்டுகோள்: கமுந்திங் முகாமையும் மூடுங்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக