இன்று முதல் 8 மணி நேரம் மின்வெட்டு

First topic message reminder :

பற்றாக்குறை அதிகரிப்பால், மாநிலம் முழுவதும், அறிவிக்கப்பட்ட மின்வெட்டு, 8 மணி நேரமாக, இன்று முதல் உயர்த்தப்பட உள்ளது. கோடைக்காலம் துவங்கும் நேரத்தில், அதிகரிக்கப்பட உள்ள இந்த மின்வெட்டு, மக்களுக்கு மிகப்பெரிய அதிர்ச்சியை ஏற்படுத்தும். மின் பற்றாக்குறையால், ஏற்கனவே தமிழகம் புழுங்கி வருகிறது. புதிய மின் திட்டங்கள் அமலாக, இன்னும் நான்கு அல்லது ஐந்து மாதங்கள் ஆகும். செயலில் உள்ள திட்டங்களிலும், சொல்லிக்கொள்ளும்படியாக உற்பத்தி இல்லை. ஆனால், பயன்பாட்டு அளவு, நாளுக்கு நாள் அதிகரித்துக் கொண்டே வருகிறது.உற்பத்திக்கும், பயன்பாட்டுக்கும் இடையிலான வித்தியாசத்தை ஈடுகட்ட முடியாமல், தமிழக மின் வாரியம் திணறி வருகிறது.

இதை சமாளிக்கும் வகையில், சென்னை உள்ளிட்ட பெருநகரங்களில், 1 மணி நேரம், புறநகர் மற்றும் பிற நகர்ப்பகுதிகளில், 3 மணி நேரம், கிராமப்புறங்களில், 6 மணி நேரம் என, மூன்று விதமாக, அறிவிக்கப்பட்ட மின்வெட்டு அமல்படுத்தப்பட்டது.அறிவிக்கப்பட்டது தான் இவ்வளவே தவிர, பெரும்பாலான இடங்களில், இதை விடவும் அதிகமான நேரம் மின்வெட்டு அமல்படுத்தப்படுகிறது.

பாகுபாடு கிடையாது:
நிலைமை இன்னும் மோசமானதைத் தொடர்ந்து, இன்று முதல், தலைநகர் சென்னை தவிர, மாநிலம் முழுவதும், 8 மணி நேரம் மின்வெட்டை அமல்படுத்த, வாரியம் உத்தரவிட்டுள்ளது.இதில், நகர்ப்பகுதி, கிராமப்பகுதி என்ற பாகுபாடே கிடையாது. எல்லா இடங்களிலும், 8 மணி நேரம், "கரன்ட் கட்' இருக்கப் போகிறது. சென்னையில், அறிவிக்கப்படாமல், 2 மணி நேரம் வரை மின்வெட்டு இருக்கும் என, எதிர்பார்க்கப்படுகிறது. அதிகாரப்பூர்வமாக அறிவிக்கப்பட்டதே, 8 மணி நேரமாகிவிட்ட நிலையில், சிறு நகரங்கள் மற்றும் கிராமப்புறங்களில், அதை விடவும் அதிகமாகவே மின்வெட்டு இருக்கும் என அஞ்சப்படுகிறது.

எந்த நேரம்?இந்த புதிய மின்வெட்டு, இரண்டு விதங்களில் அமல்படுத்தப்பட உள்ளது. காலை, 6 முதல், 9 மணி வரை, 3 மணி நேரமும்; பகல், 12 முதல், மாலை, 3 மணி வரை, 3 மணி நேரமும்; மாலை, 6 முதல், இரவு, 7 மணி வரை மற்றும் 8 முதல், 9 வரை, தலா 1 மணி நேரம் என, மொத்தம், 8 மணி நேரம் மின்வெட்டு வருகிறது.

இன்னொரு முறைப்படி, காலை, 9 மணி முதல், 12; மாலை, 3 முதல் 6; இரவு, 7 முதல், 8 மற்றும் 9
முதல், 10 என, 8 மணி நேரம் இருட்டில் மூழ்கப் போகிறது.மின்வெட்டு நேரம் அதிகரிக்கப்பட்டு விட்டாலும், மக்களிடையே அதிருப்தியை ஏற்படுத்தும் என்பதால், இது வெளிப்படையாக அறிவிக்கப்படவில்லை. குளிர்காலம் முடிந்து, கோடைக்காலம் துவங்கும் நேரம் இது; சும்மாவே, புழுக்கத்துக்கு பஞ்சமிருக்காது. மாணவர்களுக்கான தேர்வுக் காலமும் நெருங்கிவிட்டது; பரீட்சை பதட்டத்தில் இருக்கும் அவர்களுக்கும், இந்த மின்வெட்டு ஓர் இடியாகவே இறங்கும். பற்றாக்குறையும், பயன்பாடும் அதிகரித்து வருவதால், தமிழக அரசுக்கும் வேறு வழியில்லாதது போல் தான் தெரிகிறது.

மாலை, 6 மணிக்கு மேல், வர்த்தக நிறுவனங்கள், ஜெனரேட்டரைத் தான் பயன்படுத்த வேண்டும்; அரசின் மின்சாரத்தைப் பயன்படுத்தக் கூடாது. மின் உற்பத்தி சீராகும் வரை, புதிய இணைப்புகள் வழங்கப்படாது என்பன போன்ற முடிவுகளை மின்வாரியம் எடுத்தால், பற்றாக்குறையை ஓரளவு சமாளிக்க முடியும். அப்பாவி பொதுமக்களும், தொழில் துறையும் பாதிக்கப்படாமல் தடுக்க முடியும்.

தினமலர்

கருணாநிதியின் ஆட்சி கவிழ்ந்ததன் முக்கிய காரணம் மின்வெட்டுத்தான் என்பதை ஜெயா உணரவில்லை போலும்.

இந்த 8 மணி நேர மின்வெட்டு கூடங்குளம் அணு உலையைத் திறக்க தடையாக உள்ள போராட்டங்களை மக்கள் வெறுக்க வேண்டும் என்பதற்காகத்தான்.

நிலை மாறும் உலகில் நிலைக்கும் என்று கனவில் வாழும் தமிழர் சாதி அதில் வாழ்வதில்லை நீதி ...

மின்சாரம் இல்லாத சமயங்களில் புத்தகங்கள் வாசியுங்கள் .. சமுக பொது கூட்டங்களில் , போரட்டங்களில் கலந்து கொள்ளுங்கள் இளையோர்களே ...

கணினிக்கும் , அலை பேசியும் விட்டு விட்டு வீதிக்கு வந்து களம் காணுங்கள் ... மின் வெட்டு புதிய விடியல் ஆகட்டும்

புரட்சி wrote:நிலை மாறும் உலகில் நிலைக்கும் என்று கனவில் வாழும் தமிழர் சாதி அதில் வாழ்வதில்லை நீதி ...

மின்சாரம் இல்லாத சமயங்களில் புத்தகங்கள் வாசியுங்கள் .. சமுக பொது கூட்டங்களில் , போரட்டங்களில் கலந்து கொள்ளுங்கள் இளையோர்களே ...

கணினிக்கும் , அலை பேசியும் விட்டு விட்டு வீதிக்கு வந்து களம் காணுங்கள் ... மின் வெட்டு புதிய விடியல் ஆகட்டும்

சரியான தீர்ப்பு!

தமிழ் நாட்டில் என்ன மக்கள் தொகை குறைவா, பரிகாரம் காண இப்படி மின்சார வெட்டை நடத்துகிறார்களோ?

சிவா wrote:கருணாநிதியின் ஆட்சி கவிழ்ந்ததன் முக்கிய காரணம் மின்வெட்டுத்தான் என்பதை ஜெயா உணரவில்லை போலும்.

இந்த 8 மணி நேர மின்வெட்டு கூடங்குளம் அணு உலையைத் திறக்க தடையாக உள்ள போராட்டங்களை மக்கள் வெறுக்க வேண்டும் என்பதற்காகத்தான்.

சரியா சொன்னீங்க... கூடங்குளத்தை திறக்கத்தான் எல்லாரும் சேர்ந்து போடுகின்ற நாடகம் இது

மாணிக்கம் நடேசன் wrote:தமிழ் நாட்டில் என்ன மக்கள் தொகை குறைவா, பரிகாரம் காண இப்படி மின்சார வெட்டை நடத்துகிறார்களோ?

இந்த ரணகளதுளையும் உங்களுக்கு கிளுகிளுப்பு கேட்குது

மகா பிரபு wrote:

அய்யம் பெருமாள் .நா wrote:
ராஜா அண்ணாவிடம் உதவிகேட்டு அந்த தேங்க்ஸ் அ திருப்பி வாங்கிக்கங்க இல்லேன கொன்றுவேன்

நானும் அதான் நினைக்கிறேன். ஆனால் அதற்கு வாய்ப்பு இல்லாத பட்ச்சத்தில் நீங்க எனக்கு ஒரு தேங்க்ஸ் ஐ கிளிக் செய்து பழிவாங்கிக்கங்க.

இது ஓகே...

புதிய மின்வெட்டு, இரண்டு விதங்களில் அமல்படுத்தப்பட உள்ளது. காலை, 6 முதல், 9 மணி வரை, 3 மணி நேரமும்; பகல், 12 முதல், மாலை, 3 மணி வரை, 3 மணி நேரமும்; மாலை, 6 முதல், இரவு, 7 மணி வரை மற்றும் 8 முதல், 9 வரை, தலா 1 மணி நேரம் என, மொத்தம், 8 மணி நேரம் மின்வெட்டு வருகிறது.

8 மணி நேரமா தாங்குமா எலெக்ட்ரிக் எலெக்ட்ரானிக்ஸ் பொருள்கள் ??

எல்லோரும் மெழுகுவர்த்தி மண்ணெண்ணெய் விளக்கு பயன்படுத்துங்க. விரைவில் அதற்கும் விலை ஏறும்.
இவங்களுக்கு கொள்ளை அடிக்க பணம் வேண்டாமா?