200 ஆண்டுகளுக்குத் தேவையான எரி பொருள் - மன்னார் வளைகுடா வில்

**இளமாறன்** · **இளமாறன்** Tue Feb 07, 2012 12:33 pm

200 ஆண்டுகளுக்குத் தேவையான எரி பொருள்

மன்னார் வளைகுடா கடலில், 200 ஆண்டுகளுக்குத் தேவையான எரி பொருள் உள்ளது என, கடல்சார் துறை, தென் மண்டல இயக்குனர் விஜயன் பேசினார்.

ராமநாதபுரம் மாவட்டம், கீழக்கரை முகம்மது சதக் இன்ஜினியரிங் கல்லூரியில், மரைன் மாணவர்களுக்கான பயிற்சிப் பட்டறை, முகம்மது சதக் அறக்கட்டளை தலைவர் ஹமீது அப்துல் காதர் தலைமையில், தாளாளர் யூசுப் சாகிப் முன்னிலையில் நடந்தது.

கடல் சார் துறை தென் மண்டல இயக்குனர் விஜயன், ‘’இந்தியாவில், 12 பெரிய துறைமுகங்கள், 215 சிறிய துறைமுகங்கள் உள்ளன.

கடலில், 14 மீட்டர் ஆழம் இருக்கும் பகுதிகளில் தான், சரக்குக் கப்பல்கள் செல்ல முடியும். ஆழம் குறைவு காரணமாக, நீர் வழிப் போக்குவரத்தில், சரக்குகள் கொண்டு செல்வதில், தொய்வு காணப்படுகிறது.

இருப்பினும், ஆண்டுக்கு, 10 லட்சம் டன் சரக்குகள் ஏற்றிச் செல்லப்படுகின்றன.

மன்னார் வளைகுடா கடலில், "ஹைட்ராய்டு' என்ற எரிபொருள், 200 ஆண்டுகள் பயன்படுத்தும் அளவிற்கு இருப்பதாக, ஆய்வில் தெரிய வந்துள்ளது.வரும் காலங்களில், பெட்ரோல், டீசலை நம்பி இருக்க முடியாது. 3.23 கடல் மைல் தூரத்தில், பூமிக்கடியில் கிடக்கும் எரிபொருளை, ராட்சத குழாய்கள் வழியே கொண்டு வர, அதிகம் செலவாகும்’’என்று கூறினார்.

நக்கீரன்