காலையில் சிரிப்பு... மாலையில் அழுகை- பெண்களைத் தாக்கும் புதிய மனநோய்

தாமு · தாமு Thu Oct 01, 2009 6:59 am

சந்தோஷம், துக்கம், கோபம், விரக்தி, பயம் போன்ற உணர்ச்சிகள் எல்லோருக்கும் பொதுவானவை. இந்த உணர்ச்சிகள் சிலரிடம் அதிகமாக இருக்கும், சிலரிடம் குறைவாக இருக்கும். இதுபோன்ற உணர்ச்சிகளுக்கு அடிமையாகாமல் மனதை நம்முடைய கட்டுப்பாட்டுக்குள் வைத்துக் கொள்ள வேண்டும்.

நாம் ஒவ்வொரு நாளும் பலரை சந்திக்கிறோம். சிலர் காலையில் கல்யாண வீடு போல் கலகலப்பாக இருப்பார்கள். மாலையில் புயலடித்து ஓய்ந்தது போல் அமைதியாக இருப்பார்கள். இவர்கள் எப்போது சந்தோஷமாக இருக்கிறார்கள், எப்போது துக்கமாக இருக்கிறார்கள் என்பது யாருக்கும் தெரியாது. காரணமே தெரியாமல் துக்கமாகவும், சந்தோஷமாகவும் இருக்கும் மனபாதிப்பை `பைபோளர் மானியாக் டிப்ரசன்' என மனநல மருத்துவர்கள் அழைக்கின்றனர்.

இவர்கள் வழிதெரியாமல் காட்டுக்குள் ஓடும் மானைப் போன்றவர்கள். மனதை ஒருநிலைப்படுத்தத் தெரியாது. வாரத்தில் 3 நாள் மகிழ்ச்சியாக இருப்பார்கள், 3 நாள் துக்கமாக இருப்பார்கள். இவர்களிடமுள்ள கோபம், விரக்தி, ஆத்திரம் போன்ற எதிர்மறை எண்ணங்களால் சந்தோஷம், தன்னம்பிக்கை, உற்சாகம் போன்ற நேர்மறை எண்ணங்கள் குறைந்து காணப்படும்.

இதனால் சிந்தனை மாறுபட்டு தவறான பழக்க வழக்கங்களுக்கு ஆளாக நேரிடும். இவர்களை சந்தேகப் பேய் பிடித்து ஆட்டும். இதனால் உறவுகளுக்குள் பிரச்சினைகள் ஏற்படுகின்றன. பெரும்பாலும் ஆண்களை விட பெண்களே அதிகமாக மனபாதிப்புக்கு ஆளாகின்றனர்.

`ஒருவர் சாதாரணமான சம்பவத்துக்கே அதிக மகிழ்ச்சியடைவார். அதேபோல சிறிய இழப்புக்கே துவண்டுபோய் விடுவார். இவரைப் போன்றவர்கள் மனதால் பாதிக்கப்பட் டுள்ளார்கள் என்பது அர்த்தம். உதவி, அனுசரணை, தன்னம்பிக்கை, வேலை போன்றவை இல்லாதவர்கள் எளிதில் இவ்வாறு பாதிக்கப்படுகிறார்கள். இவர்கள் எதன்மீதும் பற்று இல்லாமல், சோர்வுடன் காணப்படுவர்.

முகம் இருண்டுபோய் இருக்கும். சிந்தனையில் தெளிவிருக்காது. இரவில் தூக்கம் வராமல் தவிப்பர். தனிமையையே அதிகம் விரும்புவர். எப்போதும் எதிர்மறையான சிந்தனையுடனே இருப்பர்' என மனதால் பாதிக்கப்பட்டவர்களின் அறிகுறிகளை பட்டியலிடுகின்றனர் மனநல மருத்துவர்கள்.

இவர்கள் மனநல நிபுணர்களிடம் ஆலோசனை பெற்று, அவர்கள் பரிந்துரைக்கும் மருந்துகளை தொடர்ந்து உட்கொண்டு வர வேண்டும். இதன்மூலம் நிரந்தர தீர்வு கிடைக்கும் என கூற முடியாது. மறுபடியும் மனபாதிப்பு வரலாம். எனவே மருந்து, மனசிகிச்சை எனும் `காம்பினேஷன் தெரபி' இவர்களுக்கு அவசியம். மருந்து இல்லாமலும் மனபாதிப்பிலிருந்து விலக முடியும். அதற்கு தன்னம்பிக்கை தேவை. தனக்கு ஏற்படும் பிரச்சினைகளை அலசி ஆராய்ந்து, பிரச்சினைக்கான காரணத்தை கண்டுபிடித்து முறையான தீர்வு காண வேண்டும்.

மனபாதிப்புக்கு ஆளானவர்களிடம் எப்போதும் நேர்மறையான எண்ணங்களையே வளர்க்க வேண்டும். மற்றவர்களிடம் அன்பு செலுத்தவும், நட்பு கொள்ளவும் பழக்கப்படுத்த வேண்டும். புத்தகம் படித்தல், கடிதம் எழுதுதல் போன்றவற்றில் ஆர்வம் ஏற்படச் செய்ய வேண்டும். சமூகப் பணிகளில் ஈடுபடுத்த வேண்டும். தனிமையை நாட விடாமல் எப்போதும் ஏதாவது வேலை செய்து கொண்டிருக்கும்படி செய்ய வேண்டும்.

சிலருக்கு சர்க்கரை நோய் பாரம்பரியமாக வருவதுபோல் மனபாதிப்பும் பாரம்பரியமாக வருகிறது. மேலும், தினசரி ஏற்படும் மன அழுத்தம், நெருக்கமானவர்களின் மரணம், வேலையிலுள்ள பிரச்சினை, பொருளாதார பிரச்சினை, குடும்ப சிக்கல், காதல் தோல்வி, தாழ்வு மனப்பான்மை, நண்பர்கள் இல்லாத நிலை போன்றவை மன பாதிப்பு ஏற்பட காரணமாக அமைகின்றன.

பெண்கள் எளிதில் உணர்ச்சி வசப்படுவதால் பிரச்சினைகளை சமாளிக்க முடியாமல் திணறுகின்றனர். சீரியல் பார்க்கும் பெண்கள் நமக்கும் இப்படிப்பட்ட பிரச்சினை வருமோ என தேவையற்ற சிந்தனைகளை வளர்த்துக் கொள்கின்றனர். இதனால் எளிதில் மன பாதிப்புக்கு ஆளாகின்றனர். சில குழந்தைகள் கூட மனதால் பாதிக்கப்படுவதாக உளவியல் அறிஞர்கள் கூறுகின்றனர். இதில் முக்கியமாகக் கவனிக்க வேண்டியது வயது ஏற ஏற பாதிப்பின் தன்மையும் அதிகரிக்கும் என்பதே.

காலையில் சிரிப்பு... மாலையில் அழுகை- பெண்களைத் தாக்கும் புதிய மனநோய்

காலையில் சிரிப்பு... மாலையில் அழுகை- பெண்களைத் தாக்கும் புதிய மனநோய்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக