அதிக பாசமும் உடலை குண்டாக்குகிறது!

தாமு · தாமு Thu Oct 01, 2009 6:36 am

`ஒபிசிடி' என்கிற உடல் பருமன் பிரச்சினை இந்தியாவில் மட்டுமல்ல; உலக அளவிலும் பெரும் பிரச்சினையாக இருந்து வருகிறது. குழந்தைகள் முதல் பெரியவர்கள்வரை பலரும் இந்த உடல் பருமன் பிரச்சினைக்கு ஆளாகுகிறார்கள்.

இப்படி உடல் பருமன் பிரச்சினை உலக நாடுகள் அனைத்தையும் பயமுறுத்திக் கொண்டிருக்க, ஆஸ்திரேலியாவில் ஆண்களைக் காட்டிலும் பெண்கள் அதிக அளவில் உடல் பருமனுக்கு ஆளாகி வருவது கண்டுபிடிக்கப்பட்டு உள்ளது. இதற்கு பெற்றோர்களின் அதிக பாசம்தான் காரணம் என்பதும் தெரிய வந்துள்ளது.

இந்த தகவலை அந்த நாட்டின் முதன்மை மருத்துவ அதிகாரி டாக்டர் கிறிஸ்டின் பென்னட் வெளியிட்டு இருக்கிறார். இதுபற்றி அவர் கூறியிருப்பதாவது:-

"அதிகப்படியான பாசம் காரணமாக ஆஸ்திரேலிய பெற்றோர், தங்களது ஆண் குழந்தைகளைக் காட்டிலும் பெண் குழந்தைகளுக்கு அதிக முக்கியத்துவம் கொடுக்கிறார்கள். சிறு வயது முதலே அவர்களுக்கு ஊட்டச்சத்துகள் அதிகம் கொண்ட உணவு வகைகளை ஊட்டி விடுகிறார்கள். இந்த நேரத்தில் இந்த உணவைத்தான் உட்கொள்ள கொடுக்க வேண்டும் என்பதை மறந்து, தங்கள் விருப்பப்படி கொடுக்கிறார்கள்.

இதனால், அந்த பெண் குழந்தைகள் சிறு வயதிலேயே உடல் பருமன் பிரச்சினைக்கு ஆளாகிவிடுகிறார்கள்.

இப்படி வளரும் குழந்தைகளின் வாழ்க்கை முறையும் பின்னாளில் மாறிவிடுகிறது. அடிக்கடி பார்ட்டிகளில் பங்கேற்கிறார்கள். அங்கும் அதிக கலோரி கொண்ட உணவை உட்கொள்கிறார்கள். இதன் காரணமாகவும் அவர்கள் எளிதில் உடல் பருமன் பிரச்சினைக்கு ஆளாகுகிறார்கள்'' என்று கூறியுள்ளார் கிறிஸ்டின் பென்னட்.

இதுதவிர, ஆஸ்திரேலிய பெண்கள் பற்றிய இன்னொரு அதிர்ச்சியான தகவலையும் அவர் வெளியிட்டுள்ளார்.

அதாவது, ஆஸ்திரேலிய ஆண்களுக்கு 5.5 கிலோ உடல் எடை அதிகரிக்கிறது என்றால், பெண்களின் எடையோ ஏறக்குறைய இரு மடங்காக 10.3 கிலோ அதிகரிக்கிறதாம்.

நாமும் இது விஷயத்தில் உஷாராக இருப்பதுதான் நல்லது. ஏனென்றால், இங்கேயும் `பீப்பாய்' மாதிரி காணப்படுவோரை அதிக அளவில் பார்க்க முடிகிறது.

அதிக பாசமும் உடலை குண்டாக்குகிறது!

அதிக பாசமும் உடலை குண்டாக்குகிறது!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக