வெயிலும் படவேண்டும், அளவோடு!

தாமு · தாமு Thu Oct 01, 2009 6:19 am

சிலர் தோற்றத்தில் பலமானவர்கள்போல் காணப்படுவார்கள். சட்டென்று குனிந்தால் உடலில் எங்கோ வெடுக் என்று சத்தம் கேட்டதுபோல் இருக்கும். இதற்கு காரணம் எலும்பு மெலிவு நோய்தான்.

ஆண்களைவிட பெண்கள்தான் இந்த பாதிப்புக்கு அதிகம் ஆளாகுகிறார்கள்.

இன்றைய சூழ்நிலையில் பெண்களில் பலர் வீடுகளுக்குள்ளேயே முடங்கிக் கிடக்கிறார்கள். அதனால், அவர்கள் மீது சூரிய கதிர்வீச்சுகள் படும் வாய்ப்பு குறைவாகவே இருக்கிறது.

இதன் காரணமாக அவர்களது உடலில் வைட்டமின்-டி குறைபாடு ஏற்படுகிறது. அதன்தொடர்ச்சியாக எலும்பு மெலிவு ஏற்படுவதோடு, எலும்பானது உறுதியற்ற நிலைக்கும் போய்விடுகிறது.

பொதுவாக, எலும்பு மெலிவு நோயை எந்த அறிகுறிகளை வைத்தும் உடனே கண்டுபிடித்துவிட முடியாது. நாம் உஷாராக இருந்தால்தான் அந்த பாதிப்பில் இருந்து தப்பிக்கலாம்.

அதற்கு என்ன செய்யலாம்?

* காலை அல்லது மாலை வெயில் உடலில் படும்படி சிறிது நேரமாவது `வாக்கிங்' போக வேண்டும். அல்லது, உடற்பயிற்சி செய்ய வேண்டும்.

* எலும்பு உறுதித்தன்மைக்கு காரணமான வைட்டமின்-டி மற்றும் சுண்ணாம்புச்சத்து கிடைக்க பால், தயிர், மீன், முட்டை, வெண்ணெய் ஆகியவற்றுடன் முளை கட்டிய கொண்டைக்கடலையையும் சாப்பிட்டு வருவது நல்லது.

* வெளிநாட்டினர் `சன் பாத்' (சூரிய குளியல்) எடுப்பதுபோல் நாமும் எடுக்கலாம், அதுவும் அளவோடு!
* முட்டைக்கோஸ், தவிடு நீக்காத கோதுமை மாவில் செய்யப்பட்ட சப்பாத்தி, தண்டுக்கீரை, கேரட், ஆரஞ்சு, பாதாம் பருப்பு, வால்நட் பருப்பு ஆகியவற்றை அடிக்கடி உட்கொண்டு வருவதும் எலும்பை உறுதியாக்கும்.

வெயிலும் படவேண்டும், அளவோடு!

வெயிலும் படவேண்டும், அளவோடு!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக