நோய் எதிர்ப்பு சக்தி!

தாமு · தாமு Thu Oct 01, 2009 6:01 am

மருத்துவத்தில் புதிய புதிய சாதனைகளும், மருந்துகளும் பெருகப் பெருக... நமது உடலில் நோய் எதிர்ப்பு சக்தியும் குறைந்து வருகிறது என்கிறார்கள் மருத்துவ வல்லுனர்கள். அதற்கு முக்கிய காரணம்... உடல் உழைப்பு இல்லாததும், சத்தான உணவுகளை சாப்பிடாததும் தான்.

நம்மை நோய்கள் தாக்குவதற்கு முக்கிய காரணமே இந்த நோய் எதிர்ப்பு சக்தி குறைவது தான். நமது உடலில் நோய்கிருமிகள் நுழையும் போது, அதை எதிர்த்து வெள்ளை அணுக்கள் அழிக்க முயலும். உடலில் நோய் எதிர்ப்பு சக்தியை அதிகரித்து வைத்துக் கொள்வதே நம் உடலுக்கு நாம் கொடுக்கும் தற்காப்பு ஆகும்.

நமது உடலில் நோய் எதிர்ப்பு சக்தியை அதிகரிக்க என்ன செய்யலாம்? மேலே படியுங்கள்...

கணவன், மனைவி இருவரும் வாரத்துக்கு ஒரு முறையாவது உடலுறவு வைத்துக் கொள்ள வேண்டும். இதனால் செல்கள் அதிகரித்து நோய் எதிர்ப்பு சக்தி ஆற்றல் அதிகரிக்கும். வயது முதிர்ந்தவர்கள்... குறுக்கெழுத்துப் போட்டிகளை தொடர்ந்து செய்து கொண்டிருந்தால் மூளையின் நினைவு ஆற்றல் செல்களின் அளவை பெருக்கும். வீட்டில் உள்ள சுவர்களில் பெயிண்ட் அடிக்கும்பொழுது அதில் அதிகமாக ஈயம் இல்லாதவாறு பார்த்துக் கொள்ளுங்கள்.

வயது அதிகமாக... உடம்பின் தாது சத்துகள் குறையாமல் பார்த்துக் கொள்ளுங்கள். தினமும் குறிப்பிட்ட நேரம் நன்றாக தூங்கவும். இதனால் உடலில் நோய் எதிர்ப்பு சக்தி அதிகரிக்கும்.

மன இறுக்கம், மது, புகை, சத்து குறைந்த உணவு இவை அனைத்தும் உடலை பலவீனப்படுத்தும். இவற்றை தவிர்ப்பது நல்லது. தூய்மையான நீரை குடியுங்கள். இதனால் உடலில் புதிய ஆற்றல் ஏற்படும். குளிர் பானங்களை குடிப்பதை தவிர்க்கவும்.

தானிய வகைகளான கோதுமை, தவிடு போன்ற உணவை சாப்பிட்டால் மக்னீசியம், செலேனியம், துத்தநாகம் போன்ற சத்துகளை அதிகரிக்கச் செய்யும். அதேபோல் ஈரல்(கோழி) சாப்பிட்டால் நோய் தடுப்பு சக்தி அதிகரிக்கும்.

மீன் சாப்பிடுவது உடலுக்கு மிகவும் நல்லது. கடல் உப்பு நீரில் பதப்படுத்தப் பட்ட உணவு என்பதால் மீன் சாப்பிடுவோருக்கு நோய் எதிர்ப்பு சக்தி அதிகரிக்கும். இதிலும் சத்து அதிகம் என்கிறார்கள் மருத்துவ ஆய்வாளர்கள்.

தினமும் ஒரு மணி நேரமாவது நடைப் பயிற்சி செய்தும், இளைஞர்கள் வேகமாக ஓடியும் நோய் எதிர்ப்பு சக்தியை பெறலாம். மனதுக்கு பிடிக்காத வேலையை எப்போதும் செய்ய வேண்டாம். வேண்டா வெறுப்பாக வேலை பார்க்கும்போது உடலில் உள்ள ஆற்றல் இழந்து... நோய் எதிர்ப்பு சக்தியும் குறையும்.
இவை எல்லாவற்றையும் விட முக்கியமானது மனதுக்கு புத்துணர்ச்சியை வழங்கினால் உடலும் ஆரோக்கியமாகி, நோய் எதிர்ப்பும் அதிகரிக்கும். உதாரணமாக... சோகமான சினிமாக்களை பார்ப்பதைவிட... மனதுக்கு மகிழ்ச்சியை வழங்கும் நகைச்சுவை படங்களை அடிக்கடி பார்த்தால் மனதும் உடலும் சந்தோஷமடைந்து நோய் எதிர்ப்பு சக்தி அதிகரிக்கும்.
தனியாக... தன்னந்தனியாக எங்கேயும், எப்போதும் இருக்காதீர்கள். பல நண்பர்களை சம்பாதித்துக் கொள்ளுங்கள். நண்பர்களிடம் ஒன்றாக கலந்து பேசுங்கள். வாய்விட்டு சிரித்து மகிழுங்கள். மனதில் ஏதேனும் உறுத்தல் ஏற்பட்டால் அதை நம்பிக்கையானவரிடம் மனம் விட்டு பகிர்ந்து கொள்ளுங்கள்.

எப்போதும் உடலையும், மனதையும் ரிலாக்சாக வைத்திருந்தால் நமது உடலில் உற்பத்தியாகும் கார்ட்டிசல் என்ற ஹார்மோன் குறையும். இதனால் நமது உடலில் நோய் எதிர்ப்பு சக்தி அதிகரிக்கும். எப்போதாவது... வசதி இருந்தால் உடலை மசாஜ் செய்து கொள்ளுங்கள். இதனால் உடலும், உள்ளமும் உற்சாகமாகி நோய் எதிர்ப்பு சக்தி அதிகரிக்கலாம். இது மருத்துவ ரீதியாக நிரூபிக்கப்படவில்லை என்றாலும், செய்வது நல்லது.

இப்படி பல வகைகளிலும் நம்முடைய உடலை பாதுகாத்து வந்தால் வாழ்நாளில் மருந்து, மாத்திரைகளுக்கு அவசியம் இருக்காது.

நோய் எதிர்ப்பு சக்தி!

நோய் எதிர்ப்பு சக்தி!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக