வேகப்பந்துவீச்சுக்கு சாதகமான மைதானத்தில் இந்திய வீரர்களுக்கு பயிற்சி!

இந்திய அணியில் இடம்பெற போகும் இளம் வீரர்களுக்கு வேகப்பந்துவீச்சுக்கு சாதகமான தர்மசாலாவில் உள்ள அகாடமியில் பயிற்சியளிக்க இந்திய கிரிக்கட் வாரியம் முடிவு செய்துள்ளது.

இந்திய அணி சமீபத்தில் நடந்த இங்கிலாந்து மற்றும் அவுஸ்திரேலியாவிற்கு எதிரான டெஸ்ட் தொடரில் மோசமான தோல்வியை சந்தித்தது.

அணியின் துடுப்பாட்ட வீரர்கள் வேகம் மற்றும் சுவிங் பந்துகளை சந்திக்க தடுமாறினர். இதனையடுத்து தொடர் தோல்வி குறித்து தர்மசாலாவில் உள்ள அகாடமியில் இளம் வீரர்களுக்கு பயிற்சியளிக்க முடிவு செய்துள்ளனர்.

தர்மசாலாவில் உள்ள ஆடுகளம், வேகப்பந்து வீச்சுக்கு சாதகமானது. பந்து நன்றாக சுவிங் ஆகும். இதில் பயிற்சி பெறும் பட்சத்தில் இவ்வகை பந்துகளை எப்படி கையாள்வது என்று கற்றுத் தேறலாம்.

இதுதவிர இங்கிலாந்து, அவுஸ்திரேலியா மற்றும் நியூசிலாந்து நாடுகளுக்கு செல்லும் முன் இங்கு பயிற்சி செய்வர் என்று தெரிகிறது. இதுகுறித்து இறுதி முடிவு வரும் செப்டம்பர் மாதம் நடக்கவுள்ள ஆண்டு பொதுக்குழு கூட்டத்தில் எடுக்கப்படலாம்.

இதுகுறித்து இந்திய கிரிக்கட் வாரியம் இணைச் செயலர் அனுராக் தாக்கூர் கூறுகையில், தென் ஆப்ரிக்கா, அவுஸ்திரேலியா போன்ற நாடுகளுக்கு செல்லும் முன் இதுபோன்ற ஆடுகளங்களில் பயிற்சி செய்ய வேண்டும் என ஏற்கனவே சிலர் தெரிவித்து இருந்தனர்.

எதிர்வரும் ஏப்ரல் மாதத்தில் அவுஸ்திரேலியாவில் நடைபெறவுள்ள நான்கு நாடுகள் பங்கேற்கும், 19 வயதுக்குட்பட்ட அணியினருக்கான தொடருக்கு தயாராகும் விதத்தில் சில ஏற்பாடுகளை செய்துள்ளோம் என்றார்.

http://www.thedipaar.com/news/news.php?id=40680

ஆமாம் பயிற்சி முடிச்ச பொரகு பாருங்க எங்க ஆளுங்க இன்னாமா அடிபாங்கணு