சென்னை விபத்து! ஏர்போர்ஸ் பேரீச்சம்பழம் கொடுத்து பிளேன் வாங்கியதா?

சென்னை விபத்து! ஏர்போர்ஸ் பேரீச்சம்பழம் கொடுத்து பிளேன் வாங்கியதா?
on Thursday, February 2, 2012 | 0 Comment

இந்திய விமானப்படைக்கு சொந்தமான விமானம் ஒன்று நேற்று (செவ்வாய்க்கிழமை) சென்னைக்கு அருகே விபத்துக்குள்ளாகி உள்ளது. சமீப காலமாக இந்திய விமானப்படை விமானங்கள் தொடர் விபத்துக்குள்ளாவது பாதுகாப்பு அமைச்சுக்கு சங்கடத்தை ஏற்படுத்தியுள்ள நிலையில், இந்த விபத்து நடைபெற்றுள்ளது.

சென்னையில் இருந்து 35 கி.மீ. தொலைவில் உள்ள உரப்பாக்கம் கிராமத்துக்கு அருகே காலை 11 மணிக்கு விபத்து நடைபெற்றுள்ளது.விபத்து நடைபெற்ற பகுதியில் இருந்து கிடைத்த தகவல்களின்படி, மிகக் குறைந்த உயரத்தில் (தரையில்இருந்து சுமார் 200 மீட்டர் உயரத்தில்) பறந்து சென்று, ஐயன்சேரி குளத்தில் வீழ்ந்தது விமானம். குளத்துக்கு அருகிலுள்ள கோதாவரி நகரில் வசிக்கும் மக்கள் திகிலுடன் இந்தக் காட்சியைக் கண்டனர்.

சென்னை அருகே நேற்று (செவ்வாய்கிழமை) விபத்துக்குள்ளான விமானம்


தாம்பரம் விமானப்படை தளத்தில் இருந்து புறப்பட்டுச் சென்ற விமானம் அது.இந்திய விமானப்படையில் இருந்து கிடைக்கும் மட்டுப்படுத்தப்பட்ட தகவல்கள், விமானம் தொழில்நுட்ப கோளாறு காரணமாக விபத்துக்குள்ளானது என்றே காட்டுகின்றன. இந்த குறைவான உயரத்தில் பறந்த நிலையிலும், விமானிகள் இருவரும் இஜெக்ட் செய்யப்பட்டு உயிர் தப்பியுள்ளது, விமானிகள் திறமைசாலி என்பதையே காட்டுகிறது.

மேலை நாட்டு விமானப்படைகளில் விமானி சீட்டில் இருந்து இஜெக்ட் செய்யப்படுவதற்கு பாதுகாப்பான அதிகுறைந்த உயரம் 425 மீட்டர் என்று ஸ்டான்டர்ட் ப்ரொசீச்சர் உள்ளது.விபத்துக்குள்ளான விமானத்தின் விமானிகள், வெளியே குதிக்கும் முடிவை எடுப்பதற்குமுன் விமானத்தை எலிவேட் செய்ய (உயரத்தை அதிகரிக்க) முயற்சிக்கவில்லை. ஒருவேளை அவ்வாறு முயற்சித்திருந்தால், விமானம் குளத்தில் விழாமல், அருகிலுள்ள குடியிருப்புகளில் வீழ்ந்திருக்க சான்ஸ் உள்ளது.

விமானிகள் கடைசி நிமிடத்தில் எடுத்த புத்திசாலித்தனமான முடிவால், நல்லவேளையாக அப்படி நடைபெறவில்லை.விமானிகளின் திறமை எப்படியிருந்தாலும், இந்திய விமானப்படை விமானங்களில் தொழில்நுட்பக் கோளாறுகள் இருப்பதுதான் அச்சுறுத்தும் விஷயமாக உள்ளது. ஆறு வாரங்களுக்கு முன்பு, டிசம்பர் 13-ம் தேதி இந்திய விமானப்படையின் சுகோய்-30 ரக விமானம் ஒன்று பூனே லொஹாகோன் விமானத் தளத்துக்கு அருகே விபத்துக்குள்ளானது. அந்த விபத்தும் கிட்டத்தட்ட இதே போன்ற விபத்துதான்.

தொழில்நுட்ப கோளாறு காரணமாக விமானம் செயலிழந்து போக, விமானிகள் விமானத்தில் இருந்து இஜெக்ட் ஆகி வெளியே குதித்து உயிர் தப்ப வேண்டியதாகி விட்டது.இந்திய விமானப்படையில் உள்ள ரஷ்ய தயாரிப்பான சுகோய் ரக விமானங்களில் ஏற்பட்ட 3-வது விபத்து அது.அது மட்டுமல்ல, கடந்த வருடத்தில் இந்திய விமானப்படை விமானங்களுக்கு ஏற்பட்ட 8-வது விபத்தும் அதுதான். அதற்கு 10 நாட்களுக்கு முன்னர்தான், டிசம்பர் 2-ம் தேதி, இந்திய விமானப்படையின் மிக்-21 ரக விமானம் ஒன்று ஹரியானாவின் சிர்சா பகுதியில் விபத்துக்குள்ளாகியது. மிக் விமானமும் ரஷ்ய தயாரிப்பே!

கடந்த 3 வருடங்களில், இந்திய விமானப்படை 30 போர் விமானங்களையும், 10 ராணுவ ஹெலிகாப்டர்களையும் விபத்துகளில் பறிகொடுத்துள்ளது. இந்த விபத்துகளில் பாதுகாப்பு படைகளைச் சேர்ந்த மொத்தம் 26 பேர் உயிரிழந்தனர். அதில் விமானப்படையின் 13 விமானிகளும் அடக்கம்.

ராணுவத் தளபதியின் பிறந்த தேதி நிஜமா போலியா என்ற சர்ச்சையில் மிக பிசியாக உள்ளது பாதுகாப்பு அமைச்சு!

தகவல் பகிர்வு - தமிழ் வாரஇதழ் செய்திகள் ARRKAY BLOGSPOT - viruvirupu.com

இன்னும் இறண்டு வருடகள் களித்து பிளாஷ் நியூஸ் : இந்திய விமானப்படை விமானங்கள் வாங்கியதில் ஊழல்,பழைய விமானங்கள் வாங்கி புது பெயிண்ட் அடித்ததாக தெரியவந்துள்ளது

இந்திய விமானப்படையில் உள்ளவைகள் மிகப் பழமையான விமானங்கள். இவற்றை மாற்ற வேண்டும். இல்லையென்றால் பக்கத்தில் உள்ள பங்களாதேஷுடன் கூட சண்டையிட்டு வெற்றி பெற முடியாது.

சிவா wrote:இந்திய விமானப்படையில் உள்ளவைகள் மிகப் பழமையான விமானங்கள். இவற்றை மாற்ற வேண்டும். இல்லையென்றால் பக்கத்தில் உள்ள பங்களாதேஷுடன் கூட சண்டையிட்டு வெற்றி பெற முடியாது.

இந்த பிரச்சினையை வைத்து தான், "ரங் தே பசந்தி" என்ற படம் எடுத்தார்கள், இது போன்ற தரமற்ற விமானப் படை விமானங்கள் பல சிறந்த விமானிகளின் உயிரை காவு வாங்கியிருக்கிறது.

நம் விமானிகள் புத்திசாலிகள், ஆனால், விமானம்