மத்திய பிரதேசத்தில் இளைஞரின் கை-கால்கள் கோடாலியால் வெட்டி துண்டிப்பு

**சிவா** · **சிவா** Tue Jan 31, 2012 12:52 pm

மத்திய பிரதேச மாநிலம், ராஜ்கார் மாவட்டம், பகாரி பங்களா கிராமத்தை சேர்ந்த தலித் இளைஞர், ஜெகதீஷ் (வயது 27). அவருடைய விவசாய நிலத்தில் இருந்த மின்சார மோட்டார் திருடு போய் விட்டது. அது குறித்து அர்ஜூன் தாகூர் உள்பட 3 பேர் மீது அவர் போலீஸ் நிலையத்தில் புகார் செய்தார்.

இதனால் ஏற்பட்ட ஆத்திரத்தில், அவர்கள் மூன்று பேரும் சேர்ந்து ஜெகதீஷின் கை-கால்களை கோடாலி மற்றும் கூர்மையான ஆயுதத்தால் வெட்டி துண்டித்தனர். உயிருக்கு ஆபத்தான நிலையில் ஜெகதீஷ் போபால் ஆஸ்பத்திரியில் சிகிச்சைக்காக சேர்க்கப்பட்டு இருக்கிறார். கை-கால்களை துண்டித்த 3 பேரையும் போலீசார் வலைவீசி தேடி வருகிறார்கள்.

தினதந்தி

**சிவா** · **சிவா** Tue Jan 31, 2012 12:55 pm

மது குடித்து விட்டு மாணவிகளை ஆட வைத்த ஆசிரியர் `சஸ்பெண்டு'

மத்தியப்பிரதேச மாநிலம், பேட்டுல் மாவட்டத்தில் உள்ள தேவ்சவுக்கி என்ற கிராமத்தில் உள்ள அரசு தொடக்கப்பள்ளிக்கூடத்தில் ஆசிரியராக வேலை பார்த்து வந்தவர் மகேஷ் மாளவியா.

இவர் கடந்த 23-ந் தேதியன்று மது குடித்து விட்டு பள்ளிக்கூடத்துக்கு போதையில் வந்தார். மாணவிகளை நடனமாட வைத்தார். பூட்டிய அறை என்பதால் மாணவிகள் சரியாக ஆட வில்லை போலிருக்கிறது. அதற்கு அவர்களை ஆசிரியர் பிரம்பாலும் அடித்தார். பத்தே வயதான ஒரு மாணவரிடம் பணம் கொடுத்து மது பாட்டில் வாங்கி வரும்படியும் கூறினார்.

இது குறித்து பாதிப்புக்குள்ளான மாணவ, மாணவிகளின் பெற்றோர் கடும் அதிர்ச்சி அடைந்தனர். இதற்கு முடிவு கட்டியே ஆக வேண்டும் என கருதி அவர்கள், மாவட்ட கலெக்டர் சந்திரசேகர் போர்க்கரிடம் புகார் செய்தனர். அதையடுத்து கலெக்டர் விசாரணை நடத்தி அவரை சஸ்பெண்டு செய்து உத்தரவிட்டார்

மத்திய பிரதேசத்தில் இளைஞரின் கை-கால்கள் கோடாலியால் வெட்டி துண்டிப்பு

மத்திய பிரதேசத்தில் இளைஞரின் கை-கால்கள் கோடாலியால் வெட்டி துண்டிப்பு

Re: மத்திய பிரதேசத்தில் இளைஞரின் கை-கால்கள் கோடாலியால் வெட்டி துண்டிப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக