ஒத்து வராது, ஒத்து வராது -ஒன்றுக்கூட ஒத்துவராது

சதாசிவம் · சதாசிவம் Mon Jan 30, 2012 6:03 pm

First topic message reminder :

மாப்பிள்ளை அப்பாவுக்கு வழுக்கை,
மாப்பிள்ளை ஒத்து வராது
மாப்பிள்ளை உடன்பிறந்தோர் இருவர்
பெரிய குடும்பம், ஒத்து வராது
மாப்பிள்ளை சாப்பாட்டு பிரியராம்,
பெண்ணென்ன சமையல்காரியா ஒத்து வராது
மாப்பிள்ளை வெளிநாட்டில் கைநிறைய ,
பெண்ணை பிரிய முடியாது ஒத்துவராது
மாப்பிள்ளைக்கு முப்பத்தஞ்சு தொடங்கியாச்சு
பொண்ணுக்கு முப்பத்திமூணு தானே, ஒத்து வராது
மாப்பிள்ளைக்கு சனியும் அலுவல் உண்டாம், ஒத்து வராது

கண்ணோரம் கருமை படர்ந்தாச்சு
காதோரம் வெண்மை வளர்ந்தாச்சு
கழுத்தோரம் சதைகள் கணத்தாச்சு
காத்து காத்து கசந்தாச்சு
காதல் காலம் கடந்தாச்சு
வயசு பார்த்து உடைஞ்சாச்சு
செம்பால் தயிராய் திரிஞ்சாச்சு

பத்து வருடம் பார்த்தாச்சு
பார்த்து பார்த்து அலுத்தாச்சு
பாங்க் பூரா சேர்த்தாச்சு
பங்குச் சந்தையிலும் போட்டாச்சு
ஒத்து வராது, ஒத்து வராது
ஒன்றுக்கூட ஒத்துவராது

முதிர்க்கன்னியாய் ஆக்கப்பட்டேன்
முழுபாசத்தால் தாக்கப்பட்டேன்
பெத்த மணம் கல்லு,
இது இன்றைய சொல்லு
குறைந்தது 21,
அதிகபட்சம் அரசு பரிசீலிக்குமா ?
என் பெற்றோருக்காக ....................

மகா பிரபு · மகா பிரபு Mon Jan 30, 2012 10:46 pm

கே. பாலா wrote:பெண் சம்பாதிப்பவராக இருந்தால்.....சில பெற்றோர் தட்டிக்கழிப்பதும் ...நடக்கிறது ...மாத மாத ..வரும் பணத்தை இழக்க ..விரும்பாமையும் ஒரு காரணம் இதன் !....சதவீதம் குறைவு என்றாலும்...நடப்பது நிஜம் !
கவிதை அருமை

இப்படியும் இருப்பார்களா சார். பாவம் அது அவர்கள் வாழ்க்கை. சோகம்

**இளமாறன்** · **இளமாறன்** Mon Jan 30, 2012 11:07 pm

கவிதையில் உண்மை மட்டுமே அலங்கரிக்கிறது வாழ்த்துகள் சதாசிவம் மகிழ்ச்சி

எதையோ ஒண்ணு மனசுல நினைச்சு கிட்டு மனக்கோட்டை கட்டி ராஜகுமாரன் குதிரையில் வருவானு காத்திருப்பது எவ்வ்லவு நாளைக்கு தான் ....அருமையான கேள்வி அன்பு மலர்

சார்லஸ் mc · சார்லஸ் mc Mon Jan 30, 2012 11:11 pm

கட்டுரையாக எழுதுவதை விட, கவிதையாக எழுதினால் மக்களை வெகுவேகமாக சென்றடைகிறது எந்த செய்தியானாலும்.

முதிா்கன்னியின் வேதனை கவிதை ஒத்து வராது, ஒத்து வராது -ஒன்றுக்கூட ஒத்துவராது - Page 2 224747944