விவேகாவின் வெற்றி ரகசியம்!

தமிழ்சினிமாவில் நம்பர் 1 இடத்தை அடைய ஓய்வு இல்லாமல் ஓடிக்கொண்டிருப்பவர்கள் ஹீரோக்கள். தற்போது பாடலாசிரியர்கள் மத்தியிலும் இந்த போட்டி தொடரவே செய்கிறது. ஒரு நாளைக்கு ஒரு புதிய பாடலாசியர் என்று அறிமுகமாகிக் கொண்டிருக்கும் தமிழ்திரையில் பேனா எடுத்தவன் எல்லாம் பாடலாசிரியர் என்ற நிலை உருவாகிவிட்டது.



ஆனால் சரக்கில்லாமல் எழுத வருபவர்கள் ஒன்றிரண்டு பாடல்களோடு காணாமல் போகிறார்கள். புதிதாக எழுத வந்த கடந்த இரண்டு தலைமுறையில் தற்போது நா.முத்துகுமார், விவேகா, தாமரை, யுகபாரதி, கபிலன், மதன் கார்க்கி, சினேகன் என வெகுசிலரே பாடல்துறையில் தனி பாதை வகுத்துக் கொண்டு தடுமாறாமல் பயணம் செய்கிறார்கள்.

இதனால் யார் நம்பர் ஒன் இளம் பாடலாசியர் என்பதில் இங்கே கடுமையான போட்டி நிலவுகிறது. அதில் அதிகம் ஆங்கிலக் கலப்பு எழுதாமல் மொழிக்கு முன்னுரிமை தருகிறவர்களாக இந்த கவிஞர்கள் இருக்கிறார்கள் என்பதுதான் ஆச்சர்யமான உண்மை!

தற்போது நா.முத்துகுமாரைத் தொடர்ந்து அதிகம் கவனிக்கப்படும் பாடலாசிரியராக மாறியிருக்கிறார் விவேகா! ’நண்பன்’ படத்தில் இவர் எழுதிய “என் நண்பன் போல யாரு மச்சான்” என்ற பாடல் பட்டிதொட்டி எங்கும் இளைஞர்களின் விருப்பத்துக்குரிய பாடலாக ஒலிப்பதிவில் முன்பை விட உற்சாகமாகியிருக்கிறார்.

காதலைப் பற்றிப் பேச விவாதிக்க கொண்டாட குறிப்பிட்ட வயது என்கிற தகுதி தேவைப்படும். ஆனால், நட்பைப் பற்றிப் பேசவும் கொண்டாடவும் வயது வரம்பு தேவையில்லை. அதனால்தான் இன்று `என் நண்பன் போல போல யாரு மச்சான்` மாபெரும் வெற்றி பெற்றிருக்கிறது. இந்த ’நண்பன்’ படப்பாடல் நண்பர்கள் உலகத்தில் தேசிய கீதமாகிவிட்டது. இந்த பாடலை எழுத வாய்ப்பளித்த இயக்குனர் ஷங்கருக்கும், இசையமைப்பாளர் ஹாரிஸ் ஜெயராஜுக்கும் நன்றியைத் தெரிவித்துக்கொள்கிறேன்” என்று நெகிழும் விவேகாவிடம். உங்கள் வெற்றியின் ரகசியம் கேட்டால்,

“திரையில் நம்மை, நமது வாழ்க்கையை பிரதிபலிக்கும் கதாபாத்திரங்களை பார்த்தால், அந்த கதாபாத்திரம் நமக்கு பிடித்துப் போய்விடும் இல்லையா? அதே உத்தியைத்தான் நான் சினிமா பாட்டுக்கும் பயன்படுத்துகிறேன். எனக்கு கொடுக்கிற பாடல் சூழ்நிலைக்கு, நம் எலோருக்குமான வாழ்கையில் இருந்து வரிகளை போட விழைகிறேன். அதில் கிடைத்த வெற்றிதான் இது என்கிறார்”! விவேகா.…!

தகவல் பகிர்வு - தமிழ் வாரஇதழ் செய்திகள்... ARRKAY BLOGSPOT ...