சிங்கப்பூர்-திருச்சி ஏர் இந்தியா விமானிக்கு புரியாத ஆங்கில உத்தரவு!

ஏற்கனவே ஏர்-இந்தியா தொடர்பாகவும், அவர்களது விமானிகள் தொடர்பாகவும் குளறுபடியான பல செய்திகள் உலாவிக் கொண்டிருக்கும் நேரத்தில், ஏர்-இந்தியா எக்ஸ்பிரஸ் விமானிகள் இருவர் தொடர்பான விசாரணை ஒன்று சிங்கப்பூரில் நடைபெறும் செய்தியும் வெளியாகியுள்ளது.

சிங்கப்பூர் ஏர் ட்ராஃபிக் கன்ட்ரோல் டவரின் உத்தரவுகளை புரிந்து கொள்வதில் இவர்களுக்கு சிரமம் இருந்தது என்கிறார்கள்.

அவர்கள் எதையோ சொல்ல, இவர்களை வேறுவிதமாகப் புரிந்து கொண்டு விமானத்தை செலுத்த, இவர்கள் இயக்கிய விமானம் டேன்-ஆஃப் செய்வதை நிறுத்துமாறு உத்தரவு கொடுத்திருந்தது சிங்கப்பூர் ஏ.டி.சி. டவர்!சிங்கப்பூரில் இருந்து திருச்சிக்கு செல்ல வேண்டிய விமானத்துக்கே இந்தக் கதி ஏற்பட்டுள்ளது.ஏர் இந்தியா எக்ஸ்பிரஸின் போயிங் 737-800 விமானம் 90 பயணிகள் மற்றும் சிப்பந்திகளுடன் சிங்கப்பூர்


பானல் பட்டனை போட்டு, குத்துங்க எசமான்.. குத்துங்க

சாங்கி விமான நிலையத்தில் இருந்து திருச்சிராப்பள்ளி விமான நிலையத்துக்கு புறப்பட தயாராகியிருக்கிறது. ஏர்போர்ட் கேட்டில் இருந்து டாக்ஸி-வேக்கு வந்த விமானம், ரன்வேயின் ஒரு முனையில், டேக்-ஆஃப் அனுமதிக்காக காத்திருந்தது.

சிங்கப்பூர் விமான நிலையத்தில் சராசரியாக 4.5 நிமிடங்களுக்கு ஒரு விமானம் தரையிறங்கும் அல்லது மேலேறும் நேரத்தில், இவர்கள் டேக்-ஆஃப் பொசிஷனில் விமானத்தை கொண்டுவந்து விட்டதாக ஏர் ட்ராஃபிக் கன்ட்ரோல் டவருக்கு தெரிவித்திருக்கிறார்கள். “டேக்-ஆஃப் கிளியரன்ஸ் கிடைக்கும்ரை ஸ்டான்ட்-பையில் காத்திருங்கள்” என்ற உத்தரவு டவரில் இருந்து கொடுக்கப்பட்டிருக்கிறது.

ஏர்-இந்தியா விமானிகள் உடனே விமானத்தை ரன்வேயில் ஓட விட்டிருக்கிறார்கள்.

திகைத்துப் போன ஏ.டி.சி. டவர், உடனடியாக டேக்-ஆஃப் செய்வதை நிறுத்துமாறு கூறியிருக்கிறது. நல்ல வேளையாக இவர்களது விமானம் அப்போதுதான் ரன்வேயில் வேகம் எடுக்கத் தொடங்கியிருந்தது. ‘V-1′ வேகத்தை அடைந்திருக்கவில்லை. விமானத்தின் வேகத்தைக் குறைத்த விமானிகள் ரன்வே முடிவதற்குள் விமானத்தை நிறுத்திவிட, விமானத்தை உடனடியாக ரன்வேயில் இருந்து அகற்றுமாறு டவர் உத்தரவிட்டது. (‘V-1′ வேகத்தை அடைந்திருந்தால், டேக்-ஆஃப் செய்வதை அபார்ட் பண்ண முடியாது. மேலேறியே தீரவேண்டும்)

விமானம் மீண்டும் ஏர்போர்ட் கேட்டுக்கு கொண்டுவரப்பட்டு, விமானிகள் இருவரும் இறக்கப்பட்டனர். அவர்கள் மீதான விசாரணை செய்யப்பட வேண்டும் என்பதால், தொடர்ந்து விமானத்தை இயக்க அவர்கள் அனுமதிக்கப்படவில்லை. சில மணிநேரம் தாமதிக்கப்பட்ட விமானம், ஏர் இந்தியாவின் புதிய இரு விமானிகளால் திருச்சிக்கு இயக்கப்பட்டது.

டவரின் உத்தரவுகளை புரிந்துகொள்ள முடியாத நிலையில் விமானிகள் இருந்தால், எஃப்.ஏ.ஏ. நடைமுறையின்படி தொடர்ந்து அந்த விமான நிலையத்தில் இருந்து பறக்க அனுமதிக்கப்பட மாட்டார்கள். வழமையாக கொரிய விமானிகள்தான் இப்படியான பாஷை பிரச்னைகளில் சிக்கிக் கொள்வது வழக்கம். இப்போது ஏர்-இந்தியா விமானிகளும் பட்டியலில் இணைந்து விட்டார்கள்!

தகவல் பகிர்வு - தமிழ் வாரஇதழ் செய்திகள்... ARRKAY BLOGSPOT ...