வரலாறு தெரிஞ்சுப்போம்...

வந்தே மாதரம்...

நம் நாட்டின் புகழ்பெற்ற தேசப்பாடல் வந்தே மாதரத்துக்குப் பெரிய வரலாறு இருக்கின்றது தெரியுமா?

பங்கிம் சந்திரர் என்பவர் வங்காளத்தில் மாவட்டத் துணை ஆட்சியராகப் பணிபுரிந்தார்.

அப்போது ஒருமுறை ராமகிருஷ்ண பரமஹம்சரிடம் வாழ்த்துப் பெறச் சென்றார்.

இராமகிருஷ்ணர் அவரிடம், "உன் பெயர் என்ன?' என்று வினவினார்.

"என் பெயர் பங்கிம் சந்திரர்' என்று பதிலளித்தார் அவர்.

"அப்படியென்றால் நீ வளைந்த சந்திரனா? அதாவது தேய்பிறையா? ஒருவேளை ஆங்கிலேயரிடம் வேலை செய்தே இப்படி வளைந்து போய்விட்டாய் போலும்' என்று கேலியாகக் கேட்டார். (வங்காள மொழியில் பங்கிம் என்றால் வளைந்த என்று பொருள்)

அப்போதுதான், தன் மதிப்பை இழந்து அடிமையாக வேலை செய்கிறோம் என்ற உணர்வு பங்கிம் சந்திரருக்கு ஏற்பட்டது.

உடனே அந்த வேலையை ராஜினாமா செய்துவிட்டார். நாட்டு விடுதலை இயக்கத்தில் தன்னை இணைத்துக் கொண்டு அன்று

முதல் சுதந்திரத்துக்காகப் பாடுபட்டார்.

அப்போது அவர் எழுதிய நூல்தான் ஆனந்தமடம். அந்த நூலில் இடம்பெற்ற பாடல்தான் வந்தே மாதரம். அதுவே பிற்காலத்தில் தேசியப் பாடலாக உருவெடுத்தது.

-வி.நி.ரிஸ்வானா, கிடங்கில்.

வரலாறு படைத்த மொசார்ட்



இசை அறிஞர் மொசார்ட் 1756-ம் ஆண்டு ஜனவரி 27-ம் நாளில் லியோ பால்ட் - அன்னா மரிய தம்பதிக்கு வியன்னாவில் பிறந்தார்.

கண்ணகி கால் சிலம்போடு பிறந்தாள்... கர்ணன் கவச குண்டலங்களோடு பிறந்தான் என்று சொல்வது போல மொசார்ட் இசையறிவோடு பிறந்தார் என்றுதான் கூற வேண்டும். அந்த அளவுக்கு இசைஞானம் அவருக்கு இருந்தது. தனது மூன்றாவது வயதிலேயே இசைக் கருவியை மீட்டத் தொடங்கினார்.

நான்காவது வயதிலோ இசை நூல்களைக் கற்கத் தொடங்கி, பல நூல்களைக் கற்றார். தனது ஐந்தாவது வயதில் தானே பாடல்களை இயற்றி அவற்றுக்கு இசையமைக்கவும் செய்தார்.

ஏழாவது வயதில் சொனாட்டா எனப்படும் இசை வடிவங்களை எழுதினார். பத்து வயதில் வியன்னாவின் மகாராணி அரண்மனையில் இசை நிகழ்ச்சியை நடத்தி அரசியின் பாராட்டுதல்களைப் பெற்றார்.

உலகின் பல நாடுகளில் மொசார்ட்டின் இசை ஆற்றல் பற்றி வியந்து பேசப்பட்டது.

போப் ஆண்டவரின் செவாலியர் விருதினைப் பெற்றவர்.

இசைஞானி மொசார்ட்டுக்கு முன்பும் பின்பும் எந்த இசை மேதையும் இத்தகைய சாதனைகளைச் செய்ததாக எந்தவித வரலாறும் இல்லை!

-சு.இலக்குமண சுவாமி, திருநகர்.

பகிர்வு - தினமணி