மனித எந்திரம்

கவினா · கவினா Fri Jan 27, 2012 10:25 am

First topic message reminder :

பணத்தை துரத்தி
நீயும் நானும்
ஓடிக்கொண்டே இருக்கிறோம்
தடுக்கி விழுந்தவனை
தூக்கி விடவோ
'சாரி' சொல்லவோ
அவகாசமில்லை நமக்கு.
அவன்
நமது கால் இடறி
விழுந்தவனாய் இருந்தால் கூட.

கைக்கு எட்டாத நாகரிகத்தை
கற்றுக் கொள்வதிலேயே
காலம் தள்ளுகிறோம்.
பொருளோடு பிணைந்ததுதான்
நாகரிகமென்பதை மறந்துபோய்.

உன்வீட்டு விஷேஷத்திற்கு
வந்துபோக எனக்கோ
என் வீட்டு விஷேஷத்திற்கு
வந்துபோக உனக்கோ
நேரமில்லாமல் போய்விட்டது.

இரண்டு சம்பளமென்பதால்
ஞாயிற்று கிழமைகளைகூட
தொழிற்சாலையிலேயே
தொலைத்துவிட்டு வருகிறோம்.

எந்திரங்களுக்குள்
நீயும் நானும்
சக்கையாகிபோனோம்.
அதுவும்
நமது வியர்வையையே
எண்ணெய்யாக தந்து.

இந்த எந்திரவாழ்க்கையில்
பலகோடி எந்திரங்களோடு
மனிதனுமொரு எந்திரமாய்
மழுங்கி போனான்.

நாம்
ஒருவருக்கொருவர்
அந்நியமாகி போனோம்.
உலகமே வீடாக
வாழ்ந்த மனிதனின்று
வீடே உலகமாக
சுருங்கிபோனான்.

இதில்
எப்போதாவது ஒருமுறைதான்
ஒருவரையொருவர் பார்த்து
ஹலோ சொல்லிக்கொள்கிறோம்.

சிரிப்பைகூட
சிக்கனமாய்தான்
செலவு செய்கிறோம்.
ஒரு நாகரிகத்திற்காக.

"எப்படி இருக்கீங்க" என்றால்
"ஏதோ இருக்கேன்" என்கிறோம்
நமது பெருமூச்சின் அர்த்தம்
நாம் விரும்பும் வாழ்க்கை
இது இல்லையென்பதுதானே?

கவினா · கவினா Wed Oct 24, 2012 1:06 am

sinthiyarasu wrote:உண்மைதான் நண்பரே, இந்த அவசர உலகினுள் எத்தனையோ அழகிய அவசியமான மனிதப் பண்புகளை மறந்து போய் வாழ்ந்து வருகிறோம் என்பதை நினைத்தால் வருத்தமாகத்தான் இருக்கிறது.

நன்றி நண்பரே

வாஞ்சையுடன் சுந்தரபாண்டி

கவினா · கவினா Wed Oct 24, 2012 1:08 am

உதயசுதா wrote:உண்மைதான் இன்னிக்கு யாரும் யாரை பார்த்தும் சிரித்து பேச கூட நேரம் இல்லை. அந்த அளவுக்கு பொருளாதார நிலை அவர்களை துரத்துகிறது.

நன்றி நண்பரே

வாஞ்சையுடன் சுந்தரபாண்டி

கவினா · கவினா Wed Oct 24, 2012 1:15 am

solomon wrote:உண்மைதான்...................... சாமியோ!!!!!!!!!!!!! :farao:

நன்றி நண்பரே

வாஞ்சையுடன் சுந்தரபாண்டி

கவினா · கவினா Wed Oct 24, 2012 1:19 am

முஹைதீன் wrote:முற்றிலும் உண்மையான கருத்துக்கள்.
மனதை தொலைத்து பணத்தை தேடிக்கொண்டிருக்கிறோம்.

கருத்தைப் பதிவு செய்ததற்கு நன்றி நண்பரே

வாஞ்சையுடன் சுந்தரபாண்டி

கவினா · கவினா Wed Oct 24, 2012 1:26 am

ஜேன் செல்வகுமார் wrote:இரண்டு சம்பளமென்பதால்
ஞாயிற்று கிழமைகளைகூட
தொழிற்சாலையிலேயே
தொலைத்துவிட்டு வருகிறோம்.

உண்மை நிலையை உணர்த்தும் யதார்த்தமான வரிகள்...நன்று

நன்றி நண்பரே

வாஞ்சையுடன் சுந்தரபாண்டி

sureshyeskay · sureshyeskay Wed Oct 24, 2012 11:37 am

இம்மாதிரியான எந்திரத்தனத்திலிருந்து விடுபட நமது வலைத்தளம் பெருமளவு நம்பிக்கையினை எனக்கு அளித்துள்ளது அன்பரே.

கவினா · கவினா Wed Oct 24, 2012 12:26 pm

sureshyeskay wrote:இம்மாதிரியான எந்திரத்தனத்திலிருந்து விடுபட நமது வலைத்தளம் பெருமளவு நம்பிக்கையினை எனக்கு அளித்துள்ளது அன்பரே.

ஈகரைக்கும் இனிய நண்பர் உங்களுக்கும் நன்றி நண்பரே

வாஞ்சையுடன் சுந்தரபாண்டி

Sponsored content · Sponsored content

மனித எந்திரம்

மனித எந்திரம்

Re: மனித எந்திரம்

Re: மனித எந்திரம்

Re: மனித எந்திரம்

Re: மனித எந்திரம்

Re: மனித எந்திரம்

Re: மனித எந்திரம்

Re: மனித எந்திரம்

Re: மனித எந்திரம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக