2012ஆம் ஆண்டுக்கான பத்ம விருதுகள் அறிவிப்பு!

மகா பிரபு · மகா பிரபு Wed Jan 25, 2012 5:09 pm

2012ஆம் ஆண்டிற்கான பத்ம விருதுகளின் பட்டியலில் உள்ளவர்களை மத்திய அரசு இன்று அறிவித்தது. மேலும், மத்திய அரசின் இந்த பட்டியலில் 5 பேருக்கு பத்ம விபூஷன், 27 பேருக்கு பத்ம பூஷன் மற்றும் 77 பேருக்கு பத்மஸ்ரீ விருதுகள் வழங்க இருப்பதாக மத்திய அரசு அறிவித்துள்ளது. மத்திய அரசின் இந்த பட்டியலில், தமிழக வயலின் கலைஞர் எம்.எஸ்.கோபாலகிருஷ்ணன், முருகப்பா குழுமத்தின் வெள்ளையன், மும்பை வாழ் தமிழர் பாலசுப்ரமணியன் முத்துராமன் ஆகியோர் பத்மபூஷன் விருதுக்கும், கூத்துப்பட்டறை என். முத்துசாமி, தமிழக சமூக சேவகர் பி.கே.கோபால், மருத்துவர் வி.எஸ்.நடராஜன் ஆகியோர் பத்ம ஸ்ரீ விருதுக்கும் மத்திய அரசால் தேர்வு செய்யப்பட்டிருப்பது குறிப்பிடத்தக்கது.

9 தமிழக வீரர்களுக்கு பத்ம விருதுகள்:

2012ஆம் ஆண்டிற்கான பத்ம விருதுகளின் பட்டியலில் தமிழகத்தை சேர்ந்த 9 பேர் தேர்வாகி உள்ளனர். அதில் ஒருவருக்கு பத்ம விபூஷன் விருதும், 4 பேருக்கு பத்ம பூஷன் விருதும், 4 பேருக்கு பத்ம ஸ்ரீ விருதும் அறிவிக்கப்பட்டுள்ளது.

பத்ம பூஷன் விருதுபெறும் தமிழர்கள்!
தமிழக இசைக்கலைஞர் டி.வி.கோபாலகிருஷ்ணன், தமிழக வயலின் கலைஞர் எம்.எஸ்.கோபாலகிருஷ்ணன், மும்பை வாழ் தமிழர் பாலசுப்ரமணியன் மற்றும் முத்துராமன் ஆகியோர் பத்மபூஷன் விருதுக்கு தேர்வாகி உள்ளார்கள்.

பத்ம ஸ்ரீ விருதுபெறும் தமிழர்கள்!

சமூக சேவகர் பி.கே.கோபால், கூத்துப்பட்டறை என். முத்துசாமி, மருத்துவர் வி.எஸ்.நடராஜன், மற்றும் நீரிழிவு நோய் நிபுணர் வி.மோகன் ஆகியோர் பத்ம ஸ்ரீ விருதுக்கு தேர்வாகி உள்ளார்கள்.

பத்ம விபூஷன் விருதுபெறும் தமிழர்கள்!

உ.பி. முன்னாள் ஆளுனர் டி.வி.ராஜேஸ்வர் பத்ம விபூஷன் விருதுக்கு தேர்வாகி உள்ளார்.

தினகரன்

**ந.கார்த்தி** · **ந.கார்த்தி** Wed Jan 25, 2012 5:17 pm

**கேசவன்** · **கேசவன்** Wed Jan 25, 2012 8:56 pm

பகிர்விக்கு நன்றி

**இளமாறன்** · **இளமாறன்** Wed Jan 25, 2012 11:22 pm

டெல்லி: 2012ம் ஆண்டிற்காக பத்ம விருதுகளை மத்திய அரசு அறிவித்துள்ளது. அதில் பத்ம விபூஷன் விருது பெற 5 பேர் தேர்வு செய்யப்பட்டுள்ளனர்.

தமிழகத்தில் இருந்து ஏழு பேரும் பத்ம பூஷன், பத்மஸ்ரீ விருதுகளுக்கு தேர்வு செய்யப்பட்டுள்ளனர்.

இந்த ஆண்டிற்கான பத்ம விருதுகளை மத்திய அரசு அறிவித்துள்ளது. அதில் கலை ஓவியத்துறையில் சிறந்த பணி ஆற்றியதற்காக மேற்கு வங்கத்தைச் சேர்ந்த கே.ஜி. சுப்ரமணியன், கோவாவைச் சேர்ந்த கார்டூனிஸ்ட் மறைந்த மரியோ டி மிராண்டா, அஸ்ஸாம் மாநிலத்தைச் சேர்ந்த வாய்ப்பாட்டு கலைஞர் மறைந்த பூபேன் ஹசாரிகா, மகாராஷ்டிராவைச் சேர்ந்த எலும்பு சிகிச்சை நிபுணர் காந்திலால் ஹஸ்திமால் சன்செட்டி, டெல்லியைச் சேர்ந்த ஐ.ஏ.எஸ் அதிகாரி டி.வி.ராஜேஸ்வர் ஆகிய ஐவருக்கு பத்மவிபூசன் விருதுகள் அறிவிக்கப்பட்டுள்ளன.

பத்ம விருதுகள் பெறும் தமிழர்கள்:

மேலும் தமிழகத்தைச் சேர்ந்த 7 பேரும் பத்ம பூஷண், பத்மஸ்ரீ விருதுகளுக்குத் தேர்வு செய்யப்பட்டுள்ளனர்.

பத்ம பூஷண் பெறும் தமிழர்கள்:

எம்.எஸ்.கோபாலகிருஷ்ணன்- வயலின் கலைஞர்

டாக்டர் திருப்பூணித்துரா விஸ்வநாதன் கோபாலகிருஷ்ணன் - வாய்ப்பாட்டுக் கலைஞர்

சுப்பையா முருகப்ப வெள்ளையன் - வணிகம் மற்றும் தொழில்துறை

பத்மஸ்ரீ விருது பெறும் பெறும் தமிழர்கள்:

நடேசன் முத்துசாமி கலை-நாடகம்

டாக்டர் பி.கே.கோபால்- சமூகப் பணி

சர்க்கரை நோய் நிபுணர் டாக்டர் விஸ்வநாதன் மோகன்- மருத்துவம்

டாக்டர் வல்லார்புரம் சென்னிமலை நடராஜன்-முதியோர் நல மருத்துவம்

இவர்களுக்கு மார்ச் அல்லது ஏப்ரல் மாதத்தில் குடியரசுத்தலைவர் மாளிகையில் நடைபெறும் விழாவில் விருதுகளை குடியரசுத்தலைவர் வழங்குவார்.

தட்ஸ் தமிழ்

**இளமாறன்** · **இளமாறன்** Wed Jan 25, 2012 11:28 pm

2012ம் ஆண்டிற்காக பத்ம விருதுகளை மத்திய அரசு அறிவித்துள்ளது. 5 பத்மவிபூஷன், 27 பத்மபூஷன், 77 பத்ம ஸ்ரீ உள்ளிட்ட மொத்தம் 109 பேருக்கு விருதுகள் வழங்க குடியரசுத்தலைவர் ஒப்புதல் அளித்துள்ளார். இதில் 19 பேர் பெண்கள் ஆவர்.

இந்தியாவின் உயரிய விருதுகளாக கருதப்படும் பத்ம விருதுகள் இந்த ஆண்டிற்கு அறிவிக்கப்பட்டுள்ளன. நடிகை ஷபானா ஆஸ்மி, சினிமா இயங்குனர் மீரா நாயர், இசை கலைஞர்கள் டி.வி. கோபாலகிருஷ்ணன், எம்.எஸ். கோபால கிருஷ்ணன், மற்றும் பிரபல இதய சிகிச்சை நிபுணர் தேவி பிரசாத் ஷெட்டி உள்ளிட்ட 27 பேர் பத்ம பூசன் விருதுக்கு தேர்வு செய்யப் பட்டுள்ளனர்.

பத்ம ஸ்ரீக்கு 77 பேர்

பத்ம ஸ்ரீ விருதுக்கு இதில் ஹாக்கி அணியின் முன்னாள் கேப்டன் ஸபர் இக்பால், பெண்கள் கிரிக்கெட் அணியின் கேப்டன் ஜூலன் கோஸ்வாமி, வில்வித்தை வீரர் லிம்பா ராம், டாக்டர்கள் வி.எஸ். நடராஜன், வி. மோகன், சமூக ஆர்வலர் பி.கே.கோபால் உள்பட 77 பேர் அறிவிக்கப்பட்டுள்ளனர். ஆண்டுதோறும் குடியரசு தினத்தன்று இந்த விருதுகள் அறிவிக்கப்படுவது வழக்கம். இந்த விருது வழங்கும் விழா மார்ச் அல்லது ஏப்ரல் மாதத்தில் குடியரசுத் தலைவர் மாளிகையில் நடைபெறும் விழாவில் வழங்கப்படும்

Sponsored content · Sponsored content

2012ஆம் ஆண்டுக்கான பத்ம விருதுகள் அறிவிப்பு!

2012ஆம் ஆண்டுக்கான பத்ம விருதுகள் அறிவிப்பு!

Re: 2012ஆம் ஆண்டுக்கான பத்ம விருதுகள் அறிவிப்பு!

Re: 2012ஆம் ஆண்டுக்கான பத்ம விருதுகள் அறிவிப்பு!

Re: 2012ஆம் ஆண்டுக்கான பத்ம விருதுகள் அறிவிப்பு!

Re: 2012ஆம் ஆண்டுக்கான பத்ம விருதுகள் அறிவிப்பு!

Re: 2012ஆம் ஆண்டுக்கான பத்ம விருதுகள் அறிவிப்பு!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக