கால்ஷீட்டை மாற்றிக்கொடுத்த ஹீரோ கதறும் சினிமா குழுவினர்

கால்ஷீட்டை மாற்றிக்கொடுத்த ஹீரோ கதறும் சினிமா குழுவினர்

மறுபடியும் ஒரு விக்ரம் நியூஸ். போனிலும், இ மெயிலிலும் காறித்துப்பும் ரசிக மகா ஜனங்கள் மறுபடியும் ஒரு முறை மன்னிக்கவும். நாம் எப்போதுமே நியாயத்தின் பக்கம்தான்.

கரிகாலன் படத்திற்காக கொடுத்திருந்த இருபத்தைந்து நாள் கால்ஷீட்டை அப்படியேதூக்கி தாண்டவம் படத்திற்கு கொடுத்துவிட்டாராம் விக்ரம்.


இந்த திடீர் அடியால் செமத்தியாக நொறுங்கிப் போயிருக்கிறாராம் கரிகாலன் தயாரிப்பாளர். விக்ரம் ஏன் இப்படி ஒரு முடிவெடுத்தார் என்பதை பிறகு பார்க்கலாம். தயாரிப்பாளர் தரப்பில் செய்யப்பட்ட அத்தனை முன்னேற்பாடுகளும் முடங்கிப் போயிருப்பதுதான் பரிதாபம்.


சரித்திரக்கதை என்றாலே பணமும் வரலாறு காணாத அளவுக்கு செலவாகும். கரிகாலன் அப்படிப்பட்ட கதை என்பதால் காஸ்ட்யூமுக்கும் செட்டுக்குமே பல கோடிகளை இரைத்துக் கொண்டிருக்கிறார்கள். இந்த நிலையில் பிரபல இயக்குனரான சேகர் கபூரிடம் காஸ்ட்யூமராக இருந்தவரிடம் சொல்லி ராஜா காலத்து உடைகளையெல்லாம் கொண்டு வந்துவிட்டார்கள். புளு மேட்டில் படம் பிடிக்கவும் ரெடியாகிவிட்டது யூனிட். இந்த நிலையில்தான் இப்படி ஒரு முடிவெடுத்திருக்கிறார் விக்ரம்.


கரிகாலன் கதை என்னுடையது என்று ஒருவர் நீதிமன்றத்தில் வழக்கு தொடுத்திருக்கிறார் அல்லவா? முதலில் அந்த பிரச்சனையை சரி செய்துவிட்டு வாங்க. பிறகு பார்க்கலாம் என்கிறாராம் விக்ரம். தஞ்சாவூர், கும்பகோணம் என்றெல்லாம் தலைப்பு வைக்க யாருக்கும் உரிமை உண்டல்லவா? அதுபோலதான் இந்த கரிகாலன் தலைப்பும். முதலில் முந்திக் கொண்டவருக்குதான் வாய்ப்பு. அதுமட்டுமல்ல, ராஜா காலத்து கதைக்கு யார் உரிமை கொண்டாடுவது? உண்மை அப்படியிருக்கும்போது உறுதியாக இருக்க வேண்டிய விக்ரமே சொதப்பினால், தயாரிப்பாளர் யாரிடம் போய் முறையிடுவதாம்?


கொஞ்ச நாட்களாகவே குழம்பிதான் போயிருக்கிறார் பிதாமகன்.
சில்வர்லைன் தயாரிப்பில் வேகமாக வளர்ந்து வரும் "கரிகாலன்" திரைப்படத்தின் கதையும் தலைப்பும் தனக்கு சொந்தமானது என்று போரூரை சேர்ந்த ராஜசேகர் படத்தின் கதாநாயகன் விக்ரம் உட்பட இயக்குநர் மற்றும் தயாரிப்பாளர்கள் மீது நீதிமன்றத்தில் வழக்கு பதிவு செய்துள்ளார். இது குறித்து படத்தின் தயாரிப்பாளர்களிடம் கேட்ட போது...


ராஜசேகர் என்பவர் தொடுத்த வழக்கை தயாரிப்பாளர்கள் என்கிற முறையில் நாங்கள் சந்திக்கத் தயார் நிலையில் இருக்கிறோம். திரைப்பட தயாரிப்பு சம்மேளனத்தில் முறையாக பதிவு செய்யப்பட்டு தகுந்த ஆவணங்களோடு இத்திரைப்படம் தயாரிக்கப்பட்டு வருகிறது. மேலும் இத்திரைப்படத்தின் கதை திரைப்பட எழுத்தாளர்கள் சங்கத்திலும் இயக்குநரின் பெயரில் முறையாக பதிவு செய்யப்பட்டிருக்கின்றது.
இந்த உறுதியான நிலையில் தான் நாங்கள் தயாரிப்பு பணியில் ஈடுபட்டோம். இந்நிலையில் ராஜசேகர் எனும் அந்த நபர் வழக்கு தொடுத்துள்ளார்.


வழக்கை சந்திக்க வேண்டியது இயக்குநர் மற்றும் தயாரிப்பாளர்களாகிய எங்களின் கடமை. இவ்வழக்கில் படத்தின் கதாநாயகனாகிய விக்ரமை சம்மந்தப்படுத்துவது முற்றிலும் முறைகேடான செயல். இதனால் அவரின் புகழ் நற்பெயருக்கு பங்கம் விளைவதோடு அவருக்கு மன உளைச்சலும் ஏற்பட வாய்ப்பிருக்கிறது. இதனால் சம்பந்தப்பட்ட அந்த நபர் ராஜசேகர் மீது நாங்கள் மான நஷ்ட வழக்கு தொடுக்க ஆலோசித்து வருகிறோம். வழக்கு நிலுவையில் இருக்க அதை எதிர்கொள்ளும் சூழலில் மேலும் விளக்கம் அளிக்கும் நிலையில் நாங்கள் இல்லை.நேர்மையான முறையில் வழக்கை சந்தித்து நீதிமன்றத்தின் நிலைப்பாட்டை சந்திக்க தயார்நிலையில் இருக்கிறோம். என கரிகாலன் திரைப்படத்தின் தயாரிப்பாளர்கள் திரு S.பார்த்திபன். திரு S.S.வாசன் கூறுகின்றனர்


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
தகவல் பகிர்வு - தமிழ் வாரஇதழ் செய்திகள் மற்றும் இணையதளத்தில் கிடைத்த தொகுப்புகள்.ARRKAY BLOGSPOT
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~