தொண்டைக்குள் மீன்முள்ளாய்...

**ரா.ரா3275** · **ரா.ரா3275** Fri Jan 20, 2012 4:47 pm

First topic message reminder :

(இது எந்த இலக்கண வடிவமும் இல்லாமல்
எழுதப்பட்டது-எனவே இலக்கணம் தேடாதீர்!
முடிந்தால் இதயங்களைத் தேடுங்கள்
கிடைக்கும்!கிடைக்கும்!!)

அவிழ்ந்த குங்குமப் பொட்டலமாய்
அந்திவானம் ஓர் அழகுதான்-அதில்
அப்பிக்கொண்ட ரத்தமாய்
அந்திச் சூரியனும் அழகுதான்

மேனி யெல்லாம் கறுப்பாகி
மிதந்துவரும் ராவும் அழகுதான்-அதில்
வெள்ளை ராட்சஷியாய்
வேடம்பூணும் நிலவும் அழகுதான்

தூண்டில் புழுவுக்குத் தூதனுப்பா
விண்மீன்களும் அழகுதான்-அதை
எண்ணி எண்ணித் தோற்கும்
கண்மீன்களும் அழகுதான்

வெளிக்கூடத்தில் அமர்ந்துண்ணும்
வீராசாமி நாயக்கர் வீடும் அழகுதான்
அவர் குடும்பத்தின் அசைவொவ்வொன்றும்
அழகுதான் அழகுதான் பேரழகுதான்

அதிலே இதிலே குறைசொல்ல
அழகில் பிசிறில்லை;ஆதலால்
அக்கம் பக்கம் எல்லாம்-அதை
பக்கம் பக்கமாய் வாழ்த்தும்

ராத்திரிகள் நீளும் அவர்கள் பேச்சில்
ரகசியங்கள் தோற்கும்-அடடா!
இப்படிக் குடும்பத்தில் இருந்திடோமாவென
ஏங்கும் மனங்கள் ஏராளம் ஏராளம்!

கறிச்சோறு விவகாரம் காரசாரமாகி
கந்தல் கந்தலாய்ப் போனதக் குடும்பம்
சந்தோஷம் வழிந்தக் கூடங்களில்-இன்று
சாவு துக்கமே சாகும் துக்கம்

விதியின் கக்கத்தில் வீணாய் சிக்கி
மதியைத் தொலைத்து மயானக் காடான

இந்த வீட்டைக் கடந்து செல்ல
எவர்க்கும் இல்லை இருதயம்
தூரத்தில் பார்க்கும் போதே
தொண்டைக்குள் மீன்முள் குத்தும்

எதிர்வீட்டு சிக்கக் கவுண்டர்
இப்போதெல்லாம் சொல்கிறார்:
அந்திவானமும் அழுக்கு!
ராத்திரியும் ரணம்!

கண்ணுக்குள் கட்டில் போடும்
கண்ணீரை வழித்துவிட்டு
அந்திவானம் பார்த்தால்
அவர் சொன்னது சரிதான்!

**ரா.ரா3275** · **ரா.ரா3275** Sat Jan 21, 2012 11:43 am

அதிபொண்ணு wrote:இலக்கணம் பார்க்க எனக்கு அது தெரியாது என்பதால் உங்கள் கவிதைப் படிக்க படிக்கவே எனக்கு இனிமையாக தான் தெரிந்தது.

நன்றி அதிப்பொண்ணு அவர்களே...
முற்றிய இலக்கணம் எனக்கும் முழுதாகத் தெரியாது...
எனவே சொல்லிவிடுவது என் கடமை...

**ரா.ரா3275** · **ரா.ரா3275** Sat Jan 21, 2012 11:44 am

உமா wrote:கவிதையிலே இலக்கணம் தேடுவதை விட கருத்தை தேடுவதை விட அதில் சொல்லி இருக்கும் வாழ்வின் யதார்த்தத்தை தேடினாலே அதன் இனிமை புரிந்துவிடும் ரா ரா அவர்களே. அது போல தான் இந்த கவிதை... யதார்த்தமாக உள்ளது.

உங்கள் கருத்து உண்மைதான்...
பாராட்டுக்கு நன்றி உமா அவர்களே...

Sponsored content · Sponsored content

தொண்டைக்குள் மீன்முள்ளாய்...

தொண்டைக்குள் மீன்முள்ளாய்...

Re: தொண்டைக்குள் மீன்முள்ளாய்...

Re: தொண்டைக்குள் மீன்முள்ளாய்...

Re: தொண்டைக்குள் மீன்முள்ளாய்...

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக