கல்லறையை தேடி ஜப்பான் அதிகாரிகள் ஆய்வு

அசாம் மாநிலத்தில் புதைக்கப்பட்ட ஜப்பானிய வீரர்களின் கல்லறையை தேடும் பணியில் ஜப்பானிய அதிகாரிகள் ஈடுபட்டுள்ளனர். கடந்த 1952-ம் ஆண்டு நடைபெற்ற இரண்டாம் உலகப் போரின் போது காயமடைந்த 324 இங்கிலாந்து படைவீரர்கள் , 143 இந்திய வீரர்கள் , 24 சீன வீரர்கள், 11 ஜப்பான் வீரரர்கள் , 4 கனடா மற்றும் தென்னாப்ரிகா நாட்டு வீரர்கள் உட்பட 521 வீரர்கள் இந்தியாவின் வடகிழக்கு பகுதியில் அமைந்த பல்வேறு மருத்துவமனையில் சிகிச்சைக்காக அனுமதிக்‌கப்பட்டனர். இதில் சிகிச்சை பலனளிக்காமல் உயிர் இழந்த ஜப்பானியவீரர்களின் உடல்கள் மாநில தலைநகர் கவுகாத்தி அருகே புதைக்கப்பட்டதாக கூறப்படுகிறது.

இந்நிலையில் இறந்த உறவினர்களின் வேண்டுகோளுக்கு இணங்கவும், மீண்டும் மத சடங்குகள் செய்வதற்காகவும் அடக்கம் செய்யப்பட்ட இடத்தில் சோதனை நடத்தப்பட்டுள்ளது. இதற்காக ஜப்பானின் வெளி விவகாரத்துறையின் துணை இயக்குனர் கென்மியாஷிடா தலைமையிலான மூன்று பேர் அடங்கிய குழு அசாம் மாநில தலைநகர் ‌கவுகாத்திக்கு(புதன்கிழமை) வந்தது. அவர்களுடன் மாநில நீதிபதி பத்காக், மற்றும் ஆராய்ச்சியாளர்கள் , கைரேகை நிபுணர்கள் முன்னிலையில் தொழிலாளர்கள் உதவியுடன் இரவு வரையில் சோதனை நடத்தினர் இருப்பினும் எதுவும் கிடைக்கவில்லை. இருப்பினும் இன்று (வியாழக்கிழமை) தொடர்ந்து சோதனை நடைபெறும் என ஜப்பான் குழு‌வின் தலைவர் தெரிவித்தார்.இறந்தபோன ஜப்பான் வீரர்கள் பற்றிய பெயர்கள் மற்றும் இறந்து போன தேதி போன்ற குறிப்புகள் எதுவும் கிடையாது.மேலும் இறந்த வீரர்களின் நினைவாக கட்டப்பட்ட நினைவு சின்னங்கள் இந்தியாவில் பல்வேறு பகுதிளில் ஒன்பது இடங்களில் உள்ளதாகவும் அவற்றில் ஐந்திற்கும் மேற்பட்ட நினைவு சின்னங்கள் வடகிழக்கு இந்திய பகுதியில் இருப்பதால் அப்பகுதிகளில் சோதனை நடத்தப்பட்டு வருவதாகவும் கூறப்படுகிறது. இது போன்ற சோதனை முதன் முறையாக கடந்த ஆண்டு நவம்பர் மாதத்தில் ஜப்பான் அரசு நடத்தியது.அப்பொழுதும் இது போன்‌றே மூன்று பேர் அடங்கிய குழுவினர் சோதனை நடத்தினர் என்பது குறிப்பிடத்தக்‌கது.

தினமலர்