தடையையும் மீறி ஆங்கில விக்கிபீடியாவைப் பார்ப்பது எப்படி? _

பது · பது Wed Jan 18, 2012 4:47 pm

அமெரிக்க அரசாங்கத்தால் நடைமுறைப்படுத்தப்படவுள்ள புலமைச் சொத்துத் தொடர்பான புதிய சட்டத்துக்கு எதிர்ப்புத் தெரிவித்து தகவல் களஞ்சியமான விக்கிபீடியா இன்று காலை முதல் தனது சேவையினை 24 மணித்தியாலங்களுக்கு முடக்கியுள்ளது.

இதனை இன்று நீங்கள் விக்கிபீடியா ஆங்கிலப் பக்கங்களை பார்வையிட முனைந்திருந்தால் தெரிந்திருக்கும்.

கறுப்பு நிறத்திலான பக்கமொன்றினை நீங்கள் அவதானித்திருப்பீர்கள்.

இந்நிலையில் அதனையும் மீறிப் பக்கங்களை பார்வையிடுவதற்கு ஒருசுலபமான வழியை நாம் உங்களுக்குக் கூறுகின்றோம்.

இதற்கு நீங்கள் செய்யவேண்டியது ஒரு சிறிய விடயமே, விக்கிபீடியா ஆங்கிலத்தில் நீங்கள் பார்வையிட வேண்டிய பக்கத்தினை தெரிவு செய்து அப்பக்கம் முழுதாக 'Load' ஆகுவதற்கு முன்னர் 'ESC' பட்டனை அழுத்தினால் மட்டும் போதுமானது.

நீங்கள் பார்வையிடவேண்டிய பக்கம் மாறாமல் வழமை போல காணப்படுவதுடன் அதனைப் பார்வையிடவும் முடியும்.

இதனை நாம் வெற்றிகரமாக குரோம், ஒபெரா, பயர்பொக்ஸ், இண்டர்நெட் எக்ஸ்புளோரர் ஆகிய உலாவிகளில் பரீட்சித்து பார்க்க முடிந்தது.

நீங்களும் ஒரு தடவை முயற்சித்துப் பாருங்களேன்!