"வரப்போற தேர்தல்ல . . ."

கவினா · கவினா Wed Jan 18, 2012 11:00 am

வெள்ளை வேஷ்டிகள் சரசரக்க
வீடு வீடாய்
ஏறி இறங்கியது அந்த கூட்டம்.

"வரப்போற தேர்தல்ல . . ."
என்று தொடங்கும்
வழக்கமான விண்ணப்பங்கள்.

வாக்குறுதிகளை அள்ளிவீசி
வலைக்குள்ளே சிக்கவைத்தார்கள்
சில ஓட்டுப்பறவைகளை.

விதவிதமாய்
வேட்பாளர் வீசிய தூண்டிலில்
மாட்டிகொண்டன நிறைய ஓட்டு மீன்கள்.

வேட்பாளர்
நம்ம சாதிதானென்று தெரிந்ததும்
தானாகவே
வந்து சிக்கி கொண்டன
சில சாதி மிருகங்கள்.

ஒரு நூறு ரூபாய் நோட்டை
இறுதி உபசரிப்பாய்
ஏற்றுக் கொண்டன
சில பலியாடுகள்.

சொந்தகாரனென்று சொல்லியே
சுட்டு வீழ்த்தினார்கள்
நிறைய ஓட்டு மான்களை.

இப்படியே
ஒவ்வொன்றாய்
சுட்டும்
கொன்றும்
வீழ்த்தியயும்
சிறை வைத்தும் . . .

அதுசரி
பெயர் கூட
பொருத்தமாய் தானே
வைத்திருக்கிறார்கள்
ஓட்டு வேட்டையென்று.

**M.Jagadeesan** · **M.Jagadeesan** Sun Jan 31, 2016 12:44 pm

இறுதியாகத் தப்பிப் பிழைத்த
...தன்மான முள்ள சிங்கங்களை
இலவசம் என்னும் குண்டுகளால்
...அடித்து மூச்சை நிறுத்த

ஜனநாயகம் செத்து விழுந்தது
...இறுதி யாத்திரை நடத்த
புதிய சர்வாதிகாரம் பொறுப்பேற்க
...ஐந்து ஆண்டுகளுக்கு அமைதி !

**T.N.Balasubramanian** · **T.N.Balasubramanian** Sun Jan 31, 2016 1:12 pm

காலத்தே வந்துள்ளது . அருமை .
பலியாடு ஆவது மக்களுக்கு புதிது அல்ல .
எல்லாமே ஒரே குட்டையில் ஊறிய மட்டைகள் என்றாலும் ,
மிக மோசத்தை தவிர்க்கிறோம் என்பதே அவர்கள் வியாக்கியானம் .

ரமணியன்

**ayyasamy ram** · **ayyasamy ram** Sun Jan 31, 2016 2:34 pm

-

"வரப்போற தேர்தல்ல . . ." 4y11QGIkQK214ZdmNguU+5b74823e-c12d-4a1f-9c79-7d254190fb36_S_secvpf.gif

-
உற்சாக பானம் கொடுத்தும்....

K.Senthil kumar · K.Senthil kumar Sun Jan 31, 2016 9:28 pm

சிவனாசான் · சிவனாசான் Sun Jan 31, 2016 10:56 pm

ஜனநாயகத்தை பணநா(ய)கம் வெல்லுது....வேண்டாம் இனி எந்நாயகமும்.

Sponsored content · Sponsored content

"வரப்போற தேர்தல்ல . . ."

"வரப்போற தேர்தல்ல . . ."

Re: "வரப்போற தேர்தல்ல . . ."

Re: "வரப்போற தேர்தல்ல . . ."

Re: "வரப்போற தேர்தல்ல . . ."

Re: "வரப்போற தேர்தல்ல . . ."

Re: "வரப்போற தேர்தல்ல . . ."

Re: "வரப்போற தேர்தல்ல . . ."

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக