குழந்தை பாக்கியம் தாமதமாகிறதா?

இன்றைய விஞ்ஞான உலகிலும் குழந்தைச் செல்வத்துக்காக ஏங்கும் தம்பதியர் பலர் இருக்கத்தான் செய்கிறார்கள். இவர்கள் சுக்ர வார விரதம் இருந்தால் குழந்தை பாக்கியத்தை பெறலாம்.

சுக்ர வார விரதத்தை வரலட்சுமி விரதம் என்றும் சொல்வார்கள். பொதுவாக, வெள்ளிக்கிழமை விரதத்தையே சுக்ர வார விரதம் என்கிறோம்.

வெள்ளிக்கிழமை முருகப்பெருமானுக்கு உகந்த நாள். எனவே, முருக பக்தர்களுக்கு இந்த விரதம் சிறப்பானதாகும். தேவியை, அதாவது அம்மனை வழிபாடு செய்பவர்களுக்கும் இந்த விரதம் சிறப்புடையது. வாராவாரம் வெள்ளிக்கிழமை வந்தாலும், மாதத்தின் கடைசியில் வரும் வெள்ளிக்கிழமை மிகவும் விசேஷம்.

எனவே, இந்த கடைசி வெள்ளிக்கிழமை அன்று, அருகே உள்ள முருகன் கோவில்களுக்கு நடந்தே சென்று வழிபாடு செய்து வரலாம். பணப் பிரச்சினை காரணமாக குடும்பத்தில் அமைதியின்மை காணப்பட்டால், இந்த வழிபாட்டினை மேற்கொள்ளலாம்.

மேலும், மன அமைதி பெறவும், மாங்கல்ய பலம் கிடைப்பதற்கும் இந்த விரதத்தை பெண்கள் மேற்கொள்வது சிறப்பு.

வெள்ளிக்கிழமை விரதம் இருப்பவர்கள், இதர விரதங்களை மேற்கொள்வது போல் அதிகாலையிலேயே குளித்துவிட்டு ஆரம்பிக்க வேண்டும். காலை உணவாக பால், பழம் மட்டும் சாப்பிட்டுவிட்டு முருகன் கோவிலுக்கு செல்ல வேண்டும். வெண்மை நிற மலர்களான முல்லை, பிச்சி, மல்லிகை போன்ற மலர்களால் ஆன மாலைகளை முருகப் பெருமானுக்கு அணிவித்து வழிபாடு செய்ய வேண்டும். நண்பகல் மட்டும் ஒருவேளை உணவு உட்கொள்ள வேண்டும்.

இந்த விரதத்தை குழந்தை பாக்கியம் இல்லாத பெண்கள் மேற்கொண்டால், அவர்கள் கூடிய விரைவிலேயே கர்ப்பம் தரிப்பார்கள் என்பது நம்பிக்கை.

சட்டியில் இருந்தால் அகப்பையில் வரும் என்ற பழமொழியை மேலெழுந்தவாரியாக படித்து சமைத்த உணவு சட்டியில் மீதம் இருந்தால் அகப்பை (கரண்டி)யில் வரும் என்ற உண்மையை சிறிதே தள்ளிவைத்து
சட்டியில் ( சஷ்டி திதியில் முருகனுக்கு விரதம் ) இருந்தால் அகப்பையில் (அகப் பையில் --கருப் பையில்-சிசு ) வரும்,என்ற தத்துவம் புரிந்து கொள்வோம் .
ரமணியன்.

T.N.Balasubramanian wrote:சட்டியில் ( சஷ்டி திதியில் முருகனுக்கு விரதம் ) இருந்தால் அகப்பையில் (அகப் பையில் --கருப் பையில்-சிசு ) வரும்,என்ற தத்துவம் புரிந்து கொள்வோம் .ரமணியன்.

அருமையான விளக்கம் ஐயா , இன்று தான் தெரிந்து கொண்டேன் ,நன்றி