பெண்களே...வாங்க சேர்ந்து நடக்கலாம்!

உலக அளவில் 30 முதல் 60 சதவீத பெரியவர்களுக்கு சிறுநீரை அடக்க முடியாமல், அது தானே வெளியேறும் பிரச்னை உள்ளது.
குறிப்பாக இந்தப் பிரச்னை காரணமாக பெண்கள் அதிகம் பாதிக்கப்படுகின்றனர். தயக்கம், கூச்சம் காரணமாக பெண்கள் மிகவும் தாமதமாக டாக்டரிடம் செல்கின்றனர். முதுமை காரணமாக இந்தப் பிரச்னை ஏற்படுவதாக பெண்கள் தவறாக நினைப்பதும் இதற்குக் காரணம்.
பயம் காரணமாக...: தானாகவே சிறுநீர் வெளியேறும் பிரச்னை இருப்பதையடுத்து, நினைத்தவுடன் வெளியில் செல்வதற்கும் வெளியூர் பயணங்கள் மேற்கொள்வதற்கும் பெண்கள் பயப்படுகின்றனர்.
இனி பயம் வேண்டாம்: இவ்வாறு சிறுநீர் வெளியேறும் பிரச்னைக்கு நவீன மருத்துவத்தில் சிகிச்சை உள்ளது. இதற்காக உயர் சிறப்பு மருத்துவத் துறை உள்ளது. "யூராலாஜி' (சிறுநீரக அறுவை சிகிச்சை மருத்துவர்கள்) மற்றும் "யூரோ கைனாகாலஜி' (மகளிர் சிறுநீர் பிரச்னை சிறப்பு மருத்துவர்கள்) இருக்கின்றனர்.
இனி சிறுநீர் தானாக வெளியேறும் பிரச்னை இருப்பது தெரிய வந்த உடனேயே, தயக்கமோ கூச்சமோ இன்றி இத்தகைய சிறப்பு மருத்துவர்களிடம் பெண்களும் ஆண்களும் சென்று சோதனை செய்து கொண்டு பிரச்னையைத் தீர்த்துக் கொள்ளலாம்.
நடைப் பயணம்: சிறுநீர்ப் பிரச்னைகள் குறித்து பொது மக்களிடையே, குறிப்பாக முதியோரிடையே விழிப்புணர்வு ஏற்படுத்த நடைப் பயணத்துக்கு சென்னை தி.நகரில் உள்ள‘GAURI - Guna Associates in Urogynecology and Research for Incontinence மையம் ஏற்பாடு செய்துள்ளது. இது உலகத் தரம் வாய்ந்த சிறுநீர்க் கசிவு பிரச்னை சிகிச்சை மையமாகும். இந்த விழிப்புணர்வு நடைப் பயணம் சென்னை மெரீனா கடற்கரை கலங்கரைவிளக்கம் ("லைட் ஹவுஸ்') பின்புறம் காலை 6.30 மணிக்கு நடைபெறுகிறது.
உலக முதியோர் தினத்தை (அக்டோபர் 1) முன்னிட்டு நடத்தப்படும் இந்த நடைப் பயணத்தில் சென்னை கல்லூரிகளைச் சேர்ந்த மாணவர்கள் கலந்து கொள்கின்றனர். இதில் அனைவரும் கலந்து கொள்ளலாம்.

இந்த தகவலை தந்த டாக்டர்...
மேலும் விவரங்களுக்கு...
டாக்டர் கார்த்திக் குணசேகரன்,

மகளிர் - சிறுநீரியல்
அறுவைச் சிகிச்சை நிபுணர்,
"குணா யூரோ கைனகாலஜி கிளினிக்',
கிரஸன்ட் பார்க் தெரு,
தி.நகர், சென்னை.
தொ.பே.: 32904166.
செல்: 98842 - 98666.

www.gauriindia.in

நன்றி தினமணி