ரயில் கட்டணம் உயரலாம்: அமைச்சர் திரிவேதி

**ந.கார்த்தி** · **ந.கார்த்தி** Sat Jan 14, 2012 11:58 am

புதுடில்லி:"ரயில்வே துறையில் அரசியல் தலையீடு இருக்கக் கூடாது' என, ரயில்வே அமைச்சர் தினேஷ் திரிவேதி தெரிவித்துள்ளார். ரயில்வே துறை அமைச்சர் தினேஷ் திரிவேதி இது குறித்து கூறியதாவது:ரயில்வே துறையில் செலவினங்கள் அதிகரித்த போதும், கடந்த எட்டு ஆண்டுகளாக, பயணிகள் கட்டணம் உயர்த்தப்படாமல் உள்ளது. எனவே, இந்த பட்ஜெட்டில் ரயில் கட்டண உயர்வு குறித்து பரிசீலிக்க உள்ளோம். எனினும், ஏழை மக்களின் நலனையும் கருத்தில் கொண்டுள்ளோம். ரயில்வே துறையில் அனைத்து கட்டமைப்புகளும் மாற்றி அமைக்கப்பட வேண்டியதுஅவசியம்.ரயில்வேயில் தொழில்நுட்ப குறுக்கீடு இருக்கலாமேயொழிய, அரசியல் குறுக்கீடுகள் இருக்கக் கூடாது. இதற்காக அனைத்து எம்.பி.,க்களையும் நான் குறை கூறவில்லை. ரயில்வே அமைச்சர் மாறினால், திட்டங்களும் மாறி விடுகின்றன. இந்த நிலை இருக்கக் கூடாது.இவ்வாறு திரிவேதி கூறினார்.
தினமலர்

**ராஜா** · **ராஜா** Sat Jan 14, 2012 12:14 pm

இது போல மக்களின் வயிற்றில் அடிப்படை விட்டு அரசியல்வாதிகளின் ஊதாரிதானமான செலவுகளை கட்டுபடுத்தலாம் , வெளிநாடுகளில் பதுக்கியுள்ள கருப்புபணத்தை மீட்டு எடுத்து கருவூலத்தில் சேர்க்கலாம்

**ந.கார்த்தி** · **ந.கார்த்தி** Sat Jan 14, 2012 12:29 pm

ராஜா wrote:இது போல மக்களின் வயிற்றில் அடிப்படை விட்டு அரசியல்வாதிகளின் ஊதாரிதானமான செலவுகளை கட்டுபடுத்தலாம் , வெளிநாடுகளில் பதுக்கியுள்ள கருப்புபணத்தை மீட்டு எடுத்து கருவூலத்தில் சேர்க்கலாம்

**உமா** · **உமா** Sat Jan 14, 2012 12:39 pm

எல்லாத்தையுமே ஏத்துங்க.....
என்ன கொடுமை சார் இது

உதயசுதா · உதயசுதா Sat Jan 14, 2012 12:50 pm

மாநிலத்துல பஸ் கட்டணம் ஏத்துனாங்க என்று ரயில் போக்குவரத்தை நிறைய பேர் தேர்ந்தெடுத்தாங்க இப்ப அதுக்கும் ஆப்பு வைக்கிறாங்கப்பா.
அடுத்து விமான கட்டணத்தையாச்சும் மிச்சம் வைங்கப்பா

சார்லஸ் mc · சார்லஸ் mc Sat Jan 14, 2012 3:29 pm

உதயசுதா wrote: மாநிலத்துல பஸ் கட்டணம் ஏத்துனாங்க என்று ரயில் போக்குவரத்தை நிறைய பேர் தேர்ந்தெடுத்தாங்க இப்ப அதுக்கும் ஆப்பு வைக்கிறாங்கப்பா.
அடுத்து விமான கட்டணத்தையாச்சும் மிச்சம் வைங்கப்பா

சமத்துவம் வரவேண்டுமானால் அனைத்திலும் ஒரே மாதிாி கட்டணம் ஏத்தவது முறைதானே. தரை வான், கடல் அனைத்திலும் ஏற்றினாலும் எதிா்ப்பவா் ஒரவரையும் காணோம். வாய்விட்டு புலம்புபவா்கள்தான் அதிகம்.