அரசு மருத்துவமனைகளில் சிகிச்சை தர மறுப்பு: சாலையில் 2 குழந்தைகளை பெற்ற தாய் பலியான பரிதாபம்

**ந.கார்த்தி** · **ந.கார்த்தி** Sat Jan 14, 2012 11:56 am

கோல்கட்டா: மருத்துவக் காப்பீட்டு அட்டை வைத்திருந்தும், பிரசவத்திற்காக வந்த பெண்ணை அரசு மருத்துவமனைகளில் அனுமதிக்க மறுத்ததால், அந்தப் பெண், ரோட்டிலேயே இரு குழந்தைகளைப் பெற்றெடுத்து விட்டு, உயிரை விட்டார்.

மேற்குவங்க தலைநகர் கோல்கட்டாவில் உள்ள சித்தரஞ்சன் சேவா சதன் மருத்துவமனைக்கு, நேற்று முன்தினம் இரவு, 40 வயது மதிக்கத்தக்க கர்ப்பிணிப் பெண் ஒருவர், தன் கணவருடன் சென்றார். அங்கிருந்த ஊழியர்கள், அப்பெண்ணை மருத்துவமனையில் அனுமதிக்க மறுத்து விட்டனர். பின்னர் அந்தப் பெண்ணை, சம்புநாத் பண்டிட் மருத்துவமனைக்கு அவரது கணவர் அழைத்துச் சென்றார். அங்கும் அவரை அனுமதிக்க டாக்டர்களும், ஊழியர்களும் மறுத்து விட்டனர். இந்நிலையில், பிரசவ வலியால் துடித்த அப்பெண், சாலையிலேயே இரு குழந்தைகளை பிரசவித்தார். அடுத்த சில நிமிடங்களில் உயிரை விட்டார்.

கர்ப்பிணிப் பெண்ணை மருத்துவமனையில் அனுமதிக்க மறுத்த சம்பவம் தொடர்பாக விசாரணை நடத்த, மூன்று பேர் கமிட்டி அமைக்கப்பட்டுள்ளது என, மேற்கு வங்க மாநில சுகாதாரத் துறை இயக்குனர் பிஸ்வாரஞ்சன் சத்பதி கூறினார். சம்பவத்தை கடுமையாக சாடியுள்ள, மாநில எதிர்க்கட்சித் தலைவர் சூரியகந்தா மிஸ்ரா கூறுகையில், "முதல்வர் மம்தா தான் சுகாதாரத் துறையை கவனித்து வருகிறார். அவரால் துறையை சரியாக கவனிக்க முடியவில்லை எனில், மற்றொருவரிடம் பொறுப்பை ஒப்படைக்க வேண்டும்' என்றார்.

மேற்குவங்க மருத்துவமனைகளில் சமீபத்தில், ஏராளமான குழந்தைகள் இறந்ததை அடுத்து, அரசால் நிர்வகிக்கப்படும் மருத்துவமனைகளை மாற்றி அமைக்க, முதல்வர் மம்தா பானர்ஜி உத்தரவிட்டார். அத்துடன் அரசு மருத்துவமனைகளின் குறைகளை, உள்கட்டமைப்பு குறைபாடுகளை கண்டறிந்து அறிக்கை தரவும், நிபுணர் குழு ஒன்றை அமைத்தார் என்பது குறிப்பிடத்தக்கது.
தினமலர்

**இளமாறன்** · **இளமாறன்** Sat Jan 14, 2012 1:07 pm

அட பாவிகளா ஆயுதம் எடுக்குறதுல தப்பே இல்ல என்ன கொடுமை சார் இது

உதயசுதா · உதயசுதா Sat Jan 14, 2012 1:15 pm

அட பாவிகளா. இவனுக எல்லாம் மனுஷங்களா இல்லை மிருகங்களா
இவனுகளுக்கு எந்த தண்டனை தந்தாலும் போதாது

**கேசவன்** · **கேசவன்** Sat Jan 14, 2012 2:57 pm

இனிமேல் கமிட்டி அமைத்து என்னசெய்வது என்ன கொடுமை சார் இது

Sponsored content · Sponsored content

அரசு மருத்துவமனைகளில் சிகிச்சை தர மறுப்பு: சாலையில் 2 குழந்தைகளை பெற்ற தாய் பலியான பரிதாபம்

அரசு மருத்துவமனைகளில் சிகிச்சை தர மறுப்பு: சாலையில் 2 குழந்தைகளை பெற்ற தாய் பலியான பரிதாபம்

Re: அரசு மருத்துவமனைகளில் சிகிச்சை தர மறுப்பு: சாலையில் 2 குழந்தைகளை பெற்ற தாய் பலியான பரிதாபம்

Re: அரசு மருத்துவமனைகளில் சிகிச்சை தர மறுப்பு: சாலையில் 2 குழந்தைகளை பெற்ற தாய் பலியான பரிதாபம்

Re: அரசு மருத்துவமனைகளில் சிகிச்சை தர மறுப்பு: சாலையில் 2 குழந்தைகளை பெற்ற தாய் பலியான பரிதாபம்

Re: அரசு மருத்துவமனைகளில் சிகிச்சை தர மறுப்பு: சாலையில் 2 குழந்தைகளை பெற்ற தாய் பலியான பரிதாபம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக