அருள்மிகு கருமாரியம்மன் திருக்கோயில், செபராங் ஜெயா

**ந.கார்த்தி** · **ந.கார்த்தி** Sat Jan 14, 2012 11:44 am

ஆலய வரலாறு : மலேசியாவில் மிகப் பெரிய ராஜகோபுரத்தை கொண்ட தென்னிந்திய இந்துக் கோயில், செபராங் ஜெயா பகுதியில் அமைந்துள்ள அருள்மிகு கருமாரியம்மன் திருக்கோயிலாகும். இக்கோயில் ராஜகோபுரம் தரையிலிருந்து 72 அடி உயரத்தில் அமைந்துள்ளது. ஆலயத்தின் நுழைவு வாயிலில் கம்பீரமாக தோற்றமளிக்கும் ராஜகோபுரம் 21 அடி உயரமும், 11 அடி அகலமும் கொண்டதாகும். நூறு ஆண்டுகளுக்கு முன்பு பெனாங் பகுதியில் வாழ்ந்த பதும எஸ்டேட்டில் வேலை செய்த பணியாளர்களால் கருமாரியம்மன் ஆலயம் கட்டப்பட்டது. எஸ்டேட் நிலமாக இருந்த இப்பகுதி 1970 களில் மிகப் பெரிய நகராக வளர்ச்சி அடையத் துவங்கியது. இதன் விளைவாக இப்பகுதியில் 2 ஆலயங்கள் நிறுவப்பட்டன. இப்பகுதியில் வாழ்ந்த பக்தர்களின் கோரிக்கையை ஏற்ற பெனாங் மாநில அரசு, இப்பகுதியில் புதிய கோயில் கட்டுவதறர்காக நிலம் ஒதுக்கியது. அதன் பின்னர் புதிய கோயில் அமைப்பதற்கான பணிகள் 1996ம் ஆண்டு துவங்கப்பட்டது. 1997ம் ஆண்டு பிப்ரவரி மாதம் 16ம் தேதியன்று தொழிலாளர் நலத்துறை அமைச்சர் டத்தோ ஸ்ரீ எஸ்.சாமி வேல், புதிய ஆலயம் அமைப்பதற்காக அடிக்கல் நாட்டினார். சுமார் 2.3 மில்லியன் ரிங்கிட் செலவில் அருள்மிகு கருமாரியம்மன் ஆலயம் கட்டி முடிக்கப்பட்டது.

ஆலய முகவரி : Arulmigu Karumariamman Temple,
Jalan Todak, Seberang Jaya, 13700 Perai, Penang, Malaysia.
நன்றி தினமலர்