பொங்கல் வாழ்த்து!

**பார்த்திபன்** · 24/07/2011

First topic message reminder :

பொலிவுடனே பொங்கட்டும் இவ்வாண்டுப் பொங்கல்!
நிரந்தரமாய் தங்கட்டும் நிம்மதி நம் வீட்டில்!

பொல்லாத குணத்தை எல்லாம் போகியிலே தீ வைப்போம்!
இல்லாத நற்குணங்கள் இரவல் வாங்கி சேமிப்போம்!

உழவு இன்றி உலகம் இல்லை என்ற உண்மை உணருவோம்!
உழவர் வாழ்வு உயர்ந்திடவே உறுதியேற்று உதவுவோம்!

கதிரவனின் கருணைக்கு நன்றி கூறும் நாளிது!
கரும்பு மென்று கவலை துப்பும் களிப்புமிகு நாளிது!

குறைந்த செலவில் சிறந்த உணவு பொங்கல் தவிர வேறில்லை!
வெங்காயமும் வெள்ளைபூண்டும் இதற்குமட்டும் தேவையில்லை!

தைமகளின் பிறந்தநாளை தமிழ் மணக்க போற்றுங்கள்!
குதுகலமாய் கொண்டாட பொங்கல் வாழ்த்துகள்!

நிலவை.பார்த்திபன்

மு.வித்யாசன் wrote:பொங்கலோ பொங்கல்...!!

தை பிறந்தால் புது வழி பிறக்கும்
இது சத்தியமாகட்டும்;

குனிபவர் நிமிர்ந்தால் கூரை கோபுரமாகும்
இது சடுதியில் நிகழட்டும்;

உழுவதே தொழிலென கொண்டவர் வாழ்வு
அழுவதே என்ற நிலை மாறட்டும்;

இமைகளை மூடிக் கொண்டே பிறக்கும் குழந்தைகள்
இனி, விழித்துக் கொண்டே வெளியே வரட்டும்;

காற்று தொட்டதும் கரையும் கற்பூரமாய்
எழும் தோல்விகள் தோற்கட்டும்;

துளிநீர் பட்டதும் உருகும் உப்புக்கல்லாய்
நம் துன்பங்கள் மூழ்கட்டும்;

மண்ணை முட்டி துளைக்கும் விதையாய்
நாளும் முயற்சிகள் முளைக்கட்டும்;

வானம் எட்டி கிழியும் அளவு
கைகளில் வெற்றிகள் குவியட்டும்;

பசும் பாலில் நீரை கலக்கும் எண்ணம்
இன்றைய தினத்திலாவது மறக்கட்டும்;

எங்கும் ஏழை சாதி எரிந்ததென்று
இந்த சர்க்கரை பொங்கல் பொங்கட்டும்...!!

பொங்கலோ பொங்கல்...!!

ஈகரை உறவுகளுக்கும்
உங்களது குடும்பத்தினருக்கும்

இனிய பொங்கல் நல்வாழ்த்துக்கள்

$பொங்கல் வாழ்த்து! - Page 5 C:\Documents and Settings\Administrator\Desktop\eegarai pongal$

**Dr.சுந்தரராஜ் தயாளன்** · 03/09/2011

மிகவும் நன்றி...வித்யாசன் அவர்களே...ஒரு வித்யாசமாக இருக்கட்டும் என்று பொங்கலோடு சேர்த்து புத்தாண்டு நல் வாழ்த்துக்களையும் சொல்லிவிடுகிறேன். உண்மையிலேயே நாளை தமிழர்களுக்குப் புத்தாண்டு தான். மகிழ்ச்சி

bala871 · bala871 Sat Jan 14, 2012 9:01 pm

எல்லாருக்கும் எனது இனிய பொங்கல் நல்வாழ்த்துகள்

Guest · Guest Sat Jan 14, 2012 9:02 pm

தமிழன் என்று சொல்லடா ... தமிழன் திருநாளை மகிழ்வுடன் கொண்டாட எனது வாழ்த்துகளும் ,,, நன்றி

தை திருநாள் பல தடைகளை உடைக்கட்டும் ... வழி பிறக்கட்டும்

12 கோடி தமிழர்களுக்கும் , தேசிய தலைவருக்கும் தை திருநாள் வாழ்த்துக்கள் ...

**Dr.சுந்தரராஜ் தயாளன்** · 03/09/2011

புரட்சி wrote:தமிழன் என்று சொல்லடா ... தமிழன் திருநாளை மகிழ்வுடன் கொண்டாட எனது வாழ்த்துகளும் ,,, நன்றி

தை திருநாள் பல தடைகளை உடைக்கட்டும் ... வழி பிறக்கட்டும்

12 கோடி தமிழர்களுக்கும் , தேசிய தலைவருக்கும் தை திருநாள் வாழ்த்துக்கள் ...

அருமை...தம்பி புரட்சி...நிச்சயம் வழி பிறக்கும் பாருங்கள் மகிழ்ச்சி