கைபேசிகள் --கோபுரம் --சுற்றுசூழல் கேடுகள்

**T.N.Balasubramanian** · **T.N.Balasubramanian** Wed Jan 11, 2012 6:11 pm

கைபேசிகள் --கோபுரம் --சுற்றுசூழல் கேடுகள்.

இந்தியாவின் ஜனத்தொகை 121 கோடி. ஆனால் இந்தியாவில் உபயோகத்தில் உள்ள கைபேசியின் எண்ணிக்கை 77 கோடி.சைனா முதலிடம்.இந்திய ரெண்டாமிடம். இந்த 77 கோடி நகர்புறம்,கிராமங்கள்,மலைப்ரதேசம்,வயல்வெளி , பாலைவனம், என பல இடங்களில் பரவி உபயோகத்தில் உள்ளன. அந்த காலத்து ராஜாக்கள் கோவில் ,கோபுரங்கள் கட்டினார்கள்.இந்த காலத்து ராஜாக்கள் மொபைல் கோபுரம் கட்ட உதவுகிறார்கள்.

இந்த மொபைல் கோபுரங்கள்/ கைபேசிகள் முறையாக செயல்பட மின்சாரம் மிக மிக முக்கியம். ஆனால் நம் நாட்டில் மின்சார தட்டுப்பாட்டைப் பற்றி குழந்தைகளுக்குக் கூடத் தெரியும். மின்தடைகளும் அடிக்கடி ஏற்படுகின்றன. ஆனால் கைபேசி கோபுரங்களும்,அவற்றின் கண்ட்ரோல் ரூம்கள் தடையின்றி சேவை செய்ய மின்சாரம் தேவை. மின்சக்தி கிடைக்காத இடங்களுக்கும்,நேரங்களுக்கும் கைபேசி
நிறுவனங்கள் டீசல் ஜெனேரடர்கள் மூலம் மின் உற்பத்தி செய்கின்றன. அதற்கு வேண்டிய டீசலை மத்ய அரசு குறைந்த விலையில் அந்த தனியார் கம்பெனிகளுக்கு தருகின்றது. டீசலை உபயோகிப்பதில் இந்தியாவில் இந்திய ரயில்வே முதல் இடத்திலும் கைபேசி நிறுவனங்கள் இரெண்டாம் இடத்திலும் இருக்கின்றன. இந்திய ரயில்வேயாவது அரசாங்க நிறுவனம்.அதற்கு கொடுக்கும் மான்யம் மக்களுக்கு கொடுப்பதற்கு சமானம். ஆனால் தனியார் நிறுவனங்களுக்கு கொடுக்க வேண்டிய அவசியம் என்ன என்று தெரியவில்லை. அதை உபயோகபடுத்தும் போழ்து , டீசலை எரிக்கும் போது அது வெளிபடுத்தும் கார்பன் மோனாக்ஸ்ய்டு சுற்று சூழலை கெடுக்கிறது. 2010 ஆம் ஆண்டு மொபைல் கம்பனிகள் உபயோகித்த டீசல் 2 பில்லியன் லிட்டர்கள்.வெளிப்படுத்திய கார்பன் மோனாக்சைடு 5.3 மில்லியன் டன் . 2015 ஆண்டு 2 .8 பில்லியன் லிட்டர் டீசலை உபயோகித்து 7 .4 மில்லியன் டன் கார்பன் மோனாக்சைடு வெளிப்படுத்தி சுற்று சூழலை கெடுக்கப் போகிறது. ஏற்கனவே கதிர் வீச்சின் தாக்கம் கைபேசி கோபுரம் /கைபேசியால் அவதி பெறும் ஜனங்களுக்கு விடிவு காலம் வர அரசாங்கம் ஆவன செய்யவேண்டும்.
சைனாவில், கைபேசி நிறுவத்தினர் என்ன செய்கிறார்கள்? மின்சார தேவையை எப்படி பூர்த்தி செய்துக் கொள்கிறார்கள் ? . பசுமை புரட்சி தான். சூரிய ஒளி மூலம் மின்சாரம் தயாரிக்கிறார்கள். ஆரம்ப கால முதலிடு அதிகமாக இருந்தாலும்,தொடரும் லாபம் அதிகம். அதற்கும் மேலாக சுற்றுசூழல் சுத்தம் பாதுகாக்கப்படுகிறது. டீசலும் போக்குவரத்துக்கு கிடைக்கும். நம் நாட்டு பாரதி மிட்டலும்,டாட்டாவும் சொந்த லாபங்களை சிறிதே தள்ளிப்போட்டு நாட்டு நலம் கருதினால் சமுதாயத்திற்கு நல்லது. அரசாங்கமும் லைசன்ஸ் கொடுக்கும் போது இதை ஒரு அடிப்படை தேவையாக்கலாம்.
( புள்ளி விவரம் ,நன்றி. :டைம்ஸ் ஆப் இந்தியா) -

ரமணியன்.

கைபேசிகள் --கோபுரம் --சுற்றுசூழல் கேடுகள்

கைபேசிகள் --கோபுரம் --சுற்றுசூழல் கேடுகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக