காது குடையாதே... சூர்யாவின் அட்வைஸ்

**பிரசன்னா** · **பிரசன்னா** Wed Jan 11, 2012 12:32 pm

மரத்திற்கு ஊற்றுகிற ஒரு வாளி தண்ணீரை விட உயர்ந்தது விதைக்கு ஊற்றுகிறஒரு சொட்டு தண்ணீர். விளையும் போதே திருத்தினால், வளர்ந்த பின்பு வருந்த வேண்டாம் என்ற தத்துவத்தை போதிக்காத முன்னணி ஹீரோக்களே இல்லை.

இதுபோன்ற தத்துவங்களை இவர்கள் எடுத்துச் சொல்லும்பபோது கப்பென்று மனதில் ஏற்றிக் கொள்வார்கள் குழந்தைகள் என்பதால்தான் 'சின்னப்பயலே சின்னப்பயலே சேதி கேளடா' என்றார் எம்ஜிஆர். குழந்தைகளுக்காக ரஜினியும் அவ்வப்போது அட்வைஸ் பாடல்களை இடம்பெற செய்திருக்கிறார் தனது படத்தில்.

இப்போது இன்னும் ஒரு படி மேலேறி குழந்தைகளின் உலகத்தில் ஒரு குதூகலத்தை விளைத்திருக்கிறார் சூர்யா. அவர்கள் எப்படியிருக்க வேண்டும் என்பதை டி.வி.டி பதிவு மூலம் சென்னை மற்றும் தமிழகத்தில் இருக்கிற பள்ளிகளுக்கு தந்திருக்கிறார்கள். இதில் சூர்யாவே தோன்றி தனது குரலில் நிறைய பேசியிருக்கிறார்.

பென்சிலால் காது குடையக் கூடாது. ஷார்ப்னரில் விரலை விட்டு சுற்றக் கூடாது உள்ளிட்ட அடிப்படை எச்சரிக்கைகளையும், நல்ல பழக்க வழக்கங்களையும் அதில் கூறியிருக்கிறார் அவர்.

சினிமாவில் அவரை பார்த்து ரசிக்கும் குழந்தைகள், இந்த அட்வைசையும் சட்டென்று பின்பற்றுகிறார்களாம். தனிப்பட்ட முறையில் சூர்யா எப்படியோ, இதுபோன்ற விஷயங்களை செய்வதால் அவருக்கு நமது மனப்பூர்வமான சல்யூட்.

தகவல் பகிர்வு - தமிழ் வாரஇதழ் செய்திகள், ARRKAY

**சிவா** · **சிவா** Wed Jan 11, 2012 12:35 pm

சரிங்க சூர்யா, இனிமேல் நானும் காது குடைய மாட்டேன்!

உதயசுதா · உதயசுதா Wed Jan 11, 2012 12:38 pm

நல்ல விஷயம் தான் சூர்யா பண்ணிட்டு இருக்கறது
என் பாராட்டுகள்

உதயசுதா · உதயசுதா Wed Jan 11, 2012 12:41 pm

சிவா wrote:சரிங்க சூர்யா, இனிமேல் நானும் காது குடைய மாட்டேன்!

இப்ப எதுக்கு நீங்க இத சொல்றீங்க.
ஓ பள்ளிக்கூடத்துல படிக்கிற பிள்ளைகளுக்கு சூர்யா சொன்னதை உங்களுக்கு என்று எடுத்துகிட்டீங்களா.
ஐயம் சரி யுவர் ஆனர். இது படிக்கிற பிள்ளைகளுக்கு வயசான அங்கிள்களுக்கு இல்லை