எஸ்.எம்.எஸ். ல் ரூ 5.5 கோடி பரிசு விழுந்ததாக கூறி வாலிபரிடம் ரூ.5 லட்சம் மோசடி!!!

kitcha · kitcha Tue Jan 10, 2012 2:47 pm

செல்போன் எண்ணுக்கு ஐந்தரை கோடி ரூபாய் பரிசு விழுந்திருப்பதாக கூறி வாலிபரிடம் 5.10 லட்ச ரூபாயை மோசடி செய்த கும்பலை மதுரை குற்றப்பிரிவு போலீசார் தேடி வருகின்றனர்.

மதுரை விஸ்வநாதபுரத்தைச் சேர்ந்தவர் செந்தில் கிருஷ்ணன்(27). இவரது செல்போனுக்கு சில நாட்களுக்கு முன்பு ஒரு எஸ்எம்எஸ் வந்தது. அதில் உங்களது செல்போன் எண் அதிர்ஷ்ட எண்ணாக தேர்வு செய்துள்ளோம்.

பல கோடி பரிசாக காத்திருக்கிறது. பரிசுத் தொகையை பெற இதிலுள்ள செல்போன் எண்ணில் தொடர்பு கொள்ளவும் என கூறப்பட்டிருந்தது.

இதைக்கண்டு மகிழ்ந்த செந்தில் கிருஷ்ணன் அந்த எண்ணில் தொடர்பு கொண்டபோது அவரிடம் 3 நபர்கள் பேசினர். அவரது செல்போன் எண்ணுக்கு ஐந்தரை கோடி ரூபாய் பரிசு கிடைத்துள்ளதாகவும், அதற்கு வரியாக ரூ.5.10 லட்சத்தை 3 வங்கிகளில் செலுத்தினால் சில நாட்களில் பரிசு பணம் அவரது கணக்கிற்கு மாற்றப்பட்டு விடும் என்று கூறினர்.

இதை உண்மை என நம்பிய செந்தில் கிருஷ்ணன், அக்கம்பக்கத்தில் பணம் திரட்டி அவர்கள் குறிப்பிட்ட 3 வங்கிகளில் ரூ.5.10 லட்சத்தை உடனடியாக செலுத்தினார்.

ஆனால் பல நாட்களாகியும் செந்தில் கிருஷ்ணனுக்கு பணம் எதுவும் கிடைக்கவில்லை. இதையடுத்து வங்கியில் சென்று பார்த்த போது அவர் செலுத்திய பணம் எடுக்கப்பட்டிருந்தது.

பணத்தை எடுத்துச் சென்ற மர்ம நபர்கள் குறித்து எந்த விவரமும் தெரியவில்லை. தான் பேசிய எண்ணிற்கு போன் செய்தபோது அது தொடர்பு கொள்ள முடியாத நிலையில் இருந்தது.

இதையடுத்து எஸ்எம்எஸ் தகவல் மூலம் தான் ஏமாற்றப்பட்டதை அறிந்த செந்தில்கிருஷ்ணன் போலீசில் புகார் கொடுத்தார். மதுரை மத்திய குற்றப்பிரிவு போலீசார் வழக்குப்பதிவு செய்து விசாரிக்கின்றனர்.

தமிழ் சிஎன்என்

**ஹிஷாலீ** · **ஹிஷாலீ** Tue Jan 10, 2012 2:50 pm

சும்மா வந்த பணம் நிலைக்காது இதை புரிந்தால் இந்த மாதிரியான ஏமாற்றம் நடக்காது. மிகவும் பயனுள்ள பதிவு நன்றி அண்ணா

எஸ்.எம்.எஸ். ல் ரூ 5.5 கோடி பரிசு விழுந்ததாக கூறி வாலிபரிடம் ரூ.5 லட்சம் மோசடி!!!

எஸ்.எம்.எஸ். ல் ரூ 5.5 கோடி பரிசு விழுந்ததாக கூறி வாலிபரிடம் ரூ.5 லட்சம் மோசடி!!!

Re: எஸ்.எம்.எஸ். ல் ரூ 5.5 கோடி பரிசு விழுந்ததாக கூறி வாலிபரிடம் ரூ.5 லட்சம் மோசடி!!!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக