ஆதரவற்ற விடுதி மாணவிகளிடம் பாலியல் தொல்லை

**இளமாறன்** · **இளமாறன்** Sat 7 Jan 2012 - 16:22

சனிக்கிழமை, 7, ஜனவரி 2012 (9:12 IST)
ஆதரவற்ற விடுதி மாணவிகளிடம் பாலியல் தொல்லை:
கிளைச்சிறை காவலர் மனைவியுடன் கைது: மகன் தலைமறைவு

கிருஷ்ணகிரி மாவட்டம், ஓசூர் மூக்காண்டபள்ளியில் உள்ள ஆதரவற்ற மாணவ மாணவியர்கள் விடுதியை நடத்திவந்த பெண் நிர்வாகி மற்றும் அவரது கணவர் இருவரும் கைது செய்யப்பட்டுள்ளனர்.

மூக்கண்டபள்ளியில் அரசு நடுநிலைப்பள்ளி அருகில் அன்னை சந்தியா ஆதரவற்றோர் இல்லம் என்ற பெயரில் செயல்பட்டு வரும் ஒரு விடுதியில் 14 வயதுக்கு உட்பட்ட மாணவ மாணவியர்கள் தங்கிப்படித்து வருகிறார்கள்.

இதில் படிக்கும் சில மாணவிகளிடம் இந்த காப்பகத்தை நடத்தி வரும் ஊத்தங்கரை கிளைச்சிறை காவலர் தியாகராஜன் (வயது 56) மற்றும் அவரது மகன் தேசூரி கிருஷ்ணன் (வயது 18) இருவரும் பாலியல் தொல்லைக்கு உட்படுத்தி, மாணவிகளை சித்தரவதை செய்கிறார்கள். அதற்கு உடன்படாத மாணவிகளை அடித்து உதைத்து சித்தரவதை செய்கிறார்கள் என்று பாதிக்கப்பட்ட மாணவிகள் பக்கத்து வீட்டு பெண்களிடம் சொல்லியுள்ளனர்.

அவர்கள் எனக்கு தகவல் சொன்னதின் பேரில் நானும் அங்கு சென்று மாணவிகளிடம் விசாரணை செய்தேன், அப்போது இந்த விடுதியின் நிர்வாகி அவரது மகன் இருவரும் மாணவிகளை பாலியல் கொடுமைக்கு உள்ளாக்கி வருகிரார்கள் என்பது தெரிகிறது, எனவே கிளைச்சிறை காவலர் மீதும், அவரது மகன் மீதும் உடனடியாக நடவடிக்கை எடுக்கவேண்டும் என்று கிருஷ்ணகிரி மாவட்ட அனைத்திந்திய ஜனநாயக மாதர்சங்கத்தின் தலைவர் அஞ்சலாமேரி, மாவட்ட ஆட்சியரிடம் ஒரு மனுவை கொடுத்தார்.

இந்த மனுவின் மீது உடனடியாக நடவடிக்கை எடுக்கும்படி ஓசூர் காவல்துறை கூடுதல் கண்காணிப்பாளர் ரம்யாபாரதிக்கு மாவட்ட ஆட்சியர் உத்தரவிட்டார்.

சிப்காட் காவல் நிலைய உதவி ஆய்வாளர்கள் முனிகிருஷ்ணன, சாவித்திரி மற்றும் கிராமநிர்வாக அலுவலர் வெங்கிடசாமி ஆகியோர் அடங்கிய ஒரு குழுவை அமைத்து உடனடியாக மாணவிகளை மீட்கவும், விசாரணை செய்யவும், உடனடியாக நடவடிக்கை எடுக்க உத்தரவிட்டார் காவல்துறை கூடுதல் கண்காணிப்பாளர் ரம்யாபாரதி.

இந்த அணியினர் அன்னை சந்தியா காப்பகத்தில் இருந்த மாணவர்கள் மற்றும் மாணவிகளிடத்தில் விசாரணை செய்தனர். அப்போது ஒன்பதாம் வகுப்பு மாணவிகளிடம் இந்த காப்பகத்தின் நிர்வாகியும் அங்கன்வாடி மையத்தில் பணியாற்றிவரும் வெங்கிடலட்சுமியின் கணவரான தியாகராஜன், மற்றும் அவரது மகன் தேசூரி கிருஷ்ணன் ஆகிய இருவரும் பாலியல் தொல்லை கொடுத்து, மாணவிகளிடத்தில் தகாத நடவடிக்கைகளில் ஈடுபட்டது உண்மை என்று தெரியவந்துள்ளது.

உடனடியாக கிளைச்சிறை காவலர் தியாகராஜன், அவரது மனைவி வெங்கிட லட்சுமி மகன் தேசூரி கிருஷ்ணன் ஆகிய மூவர் மீதும் ஓசூர் சிப்காட் போலீசார் வழக்கு பதிவு செய்தனர். அந்த காப்பகத்தில் தங்கியிருந்த 12 மாணவர்கள், 11 மாணவியர்களையும் மீட்டு ஓசூரில் உள்ள நம்பிக்கை நட்ச்சத்திரம் என்ற விடுதியில் சேர்த்தனர்.

போலீசார் வழக்கு பதிவு செய்துள்ளது குறித்து தகவல் தெரிந்துகொண்ட தியாகராஜன், வெங்கிடலட்சுமி, தேசூரி கிருஷ்ணன் ஆகிய மூவரும் தலை மறைவாகி விட்டனர்.

ஜனவரி முதல் தேதி வரை மருத்துவ விடுப்பில் இருந்த கிளைச்சிறை காவலர் தியாகராஜன் விடுப்பு முடிந்தும் பணிக்கு வருவார் என்று போலீசார் ஊத்தங்கரையில் காத்திருந்தனர், ஆனால் அவர் பணிக்கு திரும்பாமல் தலைமாரைவாகவே இருந்து வந்துள்ளார்.

இந்த நிலையில், நேற்று தியாகராஜன், அவரது மனைவி வேங்கடலட்சுமி இருவரும் உறவினர் வீட்டிலிருந்து வழக்குரைஞரை பார்க்க ஓசூர் செல்லும்போது போலீசார் இருவரையும் கைது செய்துள்ளனர். தலைமாறைவாக உள்ள மாகன் தேசூரி கிருஷ்ணனை தேடிவருகிறார்கள்.

நக்கீரன்

நேரு · நேரு Sat 7 Jan 2012 - 17:10

அறக்கட்டளை என்ற பேரில் நடக்கும் அநாதை இல்லங்கள் மற்றும் தொண்டுநிறுவனகளை அரசு கண்காணிக்கவேண்டும இல்லையேல் இந்த கொடுமைகள் தொடரும் கடுமையான தண்டனைசட்டம் உருவாக்கவேண்டும்

அ.அலெக்ஸ் ப்ளேட்டோ · 07/01/2012

இன்னும் எத்தனை நாளைக்கு இது போன்ற திருந்தாத மனித உடல் கொண்ட விலங்குகள் வாழும் என்று தெரியவில்லை?

உதயசுதா · உதயசுதா Sat 7 Jan 2012 - 19:01

இது மாதிரி மனித விலங்குகளை எல்லாம் கடுமையான தண்டனை கொடுத்து மிருக காட்சி சாலையில் மனித விலங்குகள் என்ற பெயரில் அடைத்து வைத்து மற்ற மனிதர்களுக்கு காட்சி பொருளாக ஆக்க வேண்டும்

**இளமாறன்** · **இளமாறன்** Sat 7 Jan 2012 - 19:10

அ.அலெக்ஸ் ப்ளேட்டோ wrote:இன்னும் எத்தனை நாளைக்கு இது போன்ற திருந்தாத மனித உடல் கொண்ட விலங்குகள் வாழும் என்று தெரியவில்லை?

சரியான வார்த்தை அன்பு மலர்

**ஜாஹீதாபானு** · **ஜாஹீதாபானு** Sat 7 Jan 2012 - 19:38

**சிவா** · **சிவா** Sat 7 Jan 2012 - 21:44

இதுபோன்றவர்கள் பிடிபடும் பொழுது கடுமையான தண்டனை விதிக்க வேண்டும். அப்பொழுதுதான் அடுத்து இந்தக் குற்றங்களை யாரும் செய்யத் தயங்குவார்கள்!

அசுரன் · அசுரன் Sat 7 Jan 2012 - 23:19

இளமாறன் wrote:
அ.அலெக்ஸ் ப்ளேட்டோ wrote:இன்னும் எத்தனை நாளைக்கு இது போன்ற திருந்தாத மனித உடல் கொண்ட விலங்குகள் வாழும் என்று தெரியவில்லை?

சரியான வார்த்தை