அடுத்த கட்ட போராட்டம்: டாக்டர்கள் நாளை முடிவு

**சிவா** · **சிவா** Sat Jan 07, 2012 8:21 am

சென்னை : தூத்துக்குடி பெண் டாக்டர் சேதுராமலட்சுமி கொலை சம்பவத்தையடுத்து, மருத்துவமனைகளுக்கு பாதுகாப்பு அளிக்க வலியுறுத்தி, அடுத்த கட்ட போராட்டம் குறித்து டாக்டர்கள், நாளை முடிவு செய்ய உள்ளனர். தவறான சிகிச்சை அளித்ததாக, டாக்டர் சேதுராமலட்சுமி கொலை செய்யப்பட்டதால், தமிழகம் முழுவதும் டாக்டர்கள் போராட்டத்தில் குதித்தனர். கடந்த 4ம் தேதி, அரசு மருத்துவமனை டாக்டர்கள் போராட்டம் செய்தனர். இதனால், அரசு மருத்துவமனைகளில், வெளிநோயாளிகள் சிகிச்சைப் பிரிவு முற்றிலும் பாதிக்கப்பட்டது; அறுவை சிகிச்சைகள் நடக்கவில்லை. 5ம் தேதி, தனியார் மருத்துவமனைகள் செயல்படவில்லை. டாக்டர்களின் வேலை நிறுத்தத்தால், தமிழக மருத்துவத் துறை ஸ்தம்பித்துப் போனது. இதனால், அப்பாவி மக்கள் பாதிக்கப்பட்டனர்.

"மருத்துவமனை பாதுகாப்புக்கான அரசு உத்தரவை, உடனடியாக அமல்படுத்த வேண்டும். மருத்துவமனைகளை, பாதுகாக்கப்பட்ட பகுதிகளாக அறிவிக்க வேண்டும்' என்பது உள்ளிட்ட டாக்டர்களின் கோரிக்கைகள் மீது, அரசு தரப்பில் இதுவரை எந்த உறுதிமொழியும் கிடைக்கவில்லை. இந்நிலையில், அடுத்த கட்ட போராட்டம் குறித்து முடிவு செய்ய இந்திய மருத்துவச் சங்க நிர்வாகிகள் கூட்டம், சென்னையில் நாளை நடக்கிறது.

தினமலர்

**பிஜிராமன்** · **பிஜிராமன்** Sat Jan 07, 2012 9:55 am

இவங்க எல்லாம் டாக்டர் ஆ பொறுப்பேற்கும் போது என்ன உறுதி மொழி எடுத்தாங்க. ஒண்ணுமில்லை தன் மரியாதையை தானே பாழாக்கி கொள்வது தான் இது.

இந்த செயல் எதை தெளிவாக காட்டுகிறது என்றால், யாரு எப்படி போனா என்ன, எங்களுக்கு எங்க வேலை தான் முக்கியம், என்று ஒரு வணிகம் செய்பவனைப் போல செயல்பட்டுள்ளனர்.

ஐயா கடவுளுக்கு அடுத்த எடத்துல மக்கள் உங்கள தான் கடவுளா நினைக்கிறாங்க. நீங்க போற போக்க பார்த்தா, களவாணி மாதிரி ஆயிருவாங்க போல.

எப்படி, சட்டம் ஒழுங்கை எங்களாலும் சீர்குழைக்க முடியும் நு சொன்னாங்கணு தான் எனக்கு புரியல. இவங்க நியாயம் கேட்டு போராடுனாங்களா, இல்ல சட்டம் ஒழுங்க சீர் குழைக்க போராடுனாங்களா......

இன்னைக்கு சட்டம் ஒழுங்கு, நாளைக்கு கிரிமினல் குற்றங்களும் செய்வோம் என்று கூட்டம் போட்டு அறிக்கை விடுவாங்களா........