பகவானின் ஐந்து நிலைகள்

**சிவா** · **சிவா** Fri Jan 06, 2012 6:37 pm

அன்புடைய பக்தர்தம் அகத்தில் உறையும் ஆண்டவன், அவர்களுக்கு அருள்வதற்காக ஐந்து நிலைகளை எடுக்கிறான் என்கின்றன புராணங்கள்...

பரம்: பரம் என்ற நிலையானது வைகுந்தத்தில் ஸ்ரீமந் நாராயணன் பூமிதேவி, நீளாதேவி உடன் அலங்கார ரூபனாய் கருடன், அநந்தர், விஸ்வக்÷க்ஷனர் முதலியோரால் சூழப்பட்டு இருக்கும் நிலை. சுத்த சத்துவமான ஞான, திவ்ய மங்கள வாசுதேவர் வடிவம் இது.

வ்யூகம்: வாசுதேவன், பிரத்யும்னன், அநிருத்தன், ஷங்கர்ஷணன் ஆகிய நான்கு வடிவங்களாக அவதரித்த நிலை. உலகத்தைப் படைக்க, காக்க, அழிக்க, தியானிக்க, பூஜை செய்யப்படவுமானவை இவை.

விபவம்: இது பகவான் எடுத்த அவதாரங்களைக் குறிப்பது. தன்வந்திரி, ஹயக்ரீவர், மச்சம், கூர்மம், வராகம், நரசிம்மம், வாமனம், பரசுராமர், ராமர், பலராமர், கிருஷ்ணர், இப்படிப் பல அவதாரங்களை உலகில் ஒவ்வொரு சமயத்திற்கும் ஏற்ப ஒவ்வொரு வடிவில் அவதரித்தது. தருமத்தைக் காப்பாற்றவும், நல்லோர்க்கு அருளவும், தீயோரை தண்டிக்கவுமே அவதாரங்கள் நிகழ்த்தப்படுகின்றன.

அந்தர்யாமி: பரமாத்மாவாக எல்லா ஜீவராசிகளுக்கு உள்ளேயும் உறைபவராகவும், ஜீவாத்மாவாக உடலினுள் உயிர்போல இதயத்துள் வாழ்பவராயும், ஜீவனின் குற்றங்கள், குறைகளால் பாதிக்கப்படாதவராயும் இருக்கின்ற நிலை.

அர்ச்சாரூபம்: நாம் கோயில்களில் வணங்கும் கல், பொன், செம்பு, ஐம்பொன், மரம், சுதை போன்றவற்றால் செய்யப்பட்ட பலப்பல விக்ரஹங்களாக, அடையாள மூர்த்தங்களாய் இருப்பது.

கோயிலில் வணங்கப்படும் இந்த சில வடிவங்களில், முழுமையாக கடவுள் வாசம் செய்கிறார். அர்ச்சாவதாரத்தில்தான் கடவுளின் தன்மை முழுமை அடைகிறது. எனவே ஆலயம் சென்று வழிபடுவது ஆண்டவனையே தரிசித்துப் பார்ப்பதற்குச் சமம்.

- தி. மங்களம்

செல்ல கணேஷ் · செல்ல கணேஷ் Fri Jan 06, 2012 9:03 pm

தோழமைக்கு,
ரொம்ப பிடுச்சிருக்கு.

பகவானின் ஐந்து நிலைகள்

பகவானின் ஐந்து நிலைகள்

Re: பகவானின் ஐந்து நிலைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக