கிளார்க் இரட்டை சதம் * இந்திய பவுலர்கள் திணறல்

சிட்னி: சிட்னி டெஸ்டில் ஆஸ்திரேலிய அணி கேப்டன் கிளார்க் இரட்டை சதம் அடித்து அசத்தினார். இந்திய வீரர்கள் திணறலான பவுலிங்கை வெளிப்படுத்த, ஆஸ்திரேலிய அணி, முதல் இன்னிங்சில் 291 ரன்கள் முன்னிலை பெற்றது.
இந்தியா, ஆஸ்திரேலிய அணிகள் இடையிலான இரண்டாவது டெஸ்ட் சிட்னியில் நடக்கிறது. இந்திய அணி முதல் இன்னிங்சில் 191 ரன்கள் எடுத்தது. முதல் நாள் ஆட்டநேர முடிவில், ஆஸ்திரேலிய அணி முதல் இன்னிங்சில், 3 விக்கெட்டுக்கு 116 ரன்கள் எடுத்திருந்தது. பாண்டிங் (44), கிளார்க் (47) அவுட்டாகாமல் இருந்தனர்.
"சூப்பர் ஜோடி:
இன்று இரண்டாவது நாள் ஆட்டம் நடந்தது. பாண்டிங், கிளார்க் இருவரும் தொடர்ந்து சிறப்பான ஆட்டத்தை வெளிப்படுத்தினர். இவர்களை பிரிக்க தோனி எடுத்த முயற்சிகள் பலிக்கவில்லை. கிளார்க், சர்வதேச அரங்கில் 18வது சதம் கடந்தார். 40வது சதம் அடித்த பாண்டிங், 134 ரன்கள் எடுத்து அவுட்டானார்.
தொடர்ந்து அசத்திய கிளார்க், சர்வதேச அரங்கில் முதன் முதலாக இரட்டை சதம் அடித்து மிரட்டினார். ஹசி 28வது அரைசதம் கடந்தார். இரண்டாம் நாள் ஆட்டநேர முடிவில் ஆஸ்திரேலிய அணி முதல் இன்னிங்சில் 4 விக்கெட்டுக்கு 482 ரன்கள் எடுத்து, 291 ரன்கள் முன்னிலை பெற்றிருந்தது. கிளார்க் 251, ஹசி 55 அவுட்டாகாமல் இருந்தனர்.

தினமலர்

சிட்னி: இந்தியா, ஆஸ்திரேலியா அணிகளுக்கு இடையிலான 2வது டெஸ்ட் போட்டியி்ன் 2வது நாள் முடிவில், ஆஸ்திரேலியா முதல் இன்னிங்க்ஸ்சில் 482 ரன்கள் எடுத்து வலுவான நிலையில் உள்ளது. மைக்கேல் கிளார்க் இரட்டை சதமும், மைக்கேல் ஹசி அதிரடியாக அரைசதமும் அடித்து களத்தில் உள்ளனர்.

இந்தியா, ஆஸ்திரேலியா அணிகளுக்கு இடையிலான பார்டர்-கவாஸ்கர் டெஸ்ட் தொடர் ஆஸ்திரேலியாவில் நடந்து வருகின்றது. 4 போட்டிகள் கொண்ட இந்த டெஸ்ட் தொடரில் 1-0 என்ற கணக்கில் ஆஸ்திரேலியா முன்னிலையில் உள்ளது.

இந்த நிலையில் 2 அணிகளுக்கு இடையிலான 2வது டெஸ்ட் போட்டி சிட்னியில் நேற்று துவங்கியது. டாஸ் வென்று முதல் இன்னிங்க்சை துவக்கிய இந்தியா, சொதப்பலான பேட்டிங்கை வெளிப்படுத்தி 191 ரன்களுக்கு ஆல்-அவுட்டானது. அதன்பிறகு ஆஸ்திரேலியா முதல் இன்னிங்க்சை ஆடியது. முதலில் மளமளவென 3 விக்கெட்களை இழந்து தடுமாறிய ஆஸ்திரேலியா பின்னர் சுதாரித்து கொண்டது.

முதல் நாள் ஆட்ட முடிவில் ஆஸ்திரேலியா 3 விக்கெட் இழப்புக்கு 116 ரன்களை எடுத்திருந்தது. ரிக்கி பான்டிங்(44), கிளார்க(47) ஜோடி களத்தில் அவுட்டாகாமல் இருந்தனர்.

இன்று காலையில் 2ம் நாள் ஆட்டத்தை துவக்கிய ஆஸ்திரேலியா வீரர் ரிக்கி பான்டிங் 2 ஆண்டுகளுக்கு பிறகு டெஸ்ட் தொடரில் சதம் அடித்து, இழந்த 'பார்மை' மீட்டுக் கொண்டார். 14 பவுண்டரிகளுடன் 134 ரன்கள் எடுத்த பான்டிங், இஷாந்த் சர்மா பந்தில் சச்சினிடம் கேட்ச் கொடுத்து வெளியேறினார்.

பான்டிங் உடன் ஜோடி சேர்ந்து ஆடிவந்த மைக்கேல் கிளார்க் இரட்டை சதம் அடித்தார். மொத்தம் 31 பவுண்டரிகளும், 1 சிக்சரும் அடித்து 251 ரன்கள் எடுத்து ஆட்டமிழக்காமல் உள்ளார். கிளார்க்கிற்கு ஜோடியாக ஆடிய மைக்கேல் ஹசி 1 சிக்ஸ், 7 பவுண்டரிகளுடன் 55 ரன்கள் எடுத்து களத்தில் உள்ளார்.

2வது நாள் முடிவில் ஆஸ்திரேலியா முதல் இன்னிங்க்சில் 4 விக்கெட் இழப்புக்கு 482 ரன்கள் எடுத்து உள்ளது. மைக்கேல் கிளார்க்(251), மைக்கேல் ஹசி(55) உள்ளிட்டோர் களத்தில் உள்ளனர். ஆஸ்திரேலியா தற்போது 291 ரன்கள் லீட் பெற்று உள்ளது. இந்திய தரப்பில் இன்று இஷாந்த் சர்மாவுக்கு மட்டும் ஒரே ஒரு விக்கெட் கிடைத்தது. மற்ற பந்து வீச்சாளர்கள் சொதப்பி விட்டனர்.