ஏர்-அறிவும் ஏடு-அறிவும் !! (கவிதை - எம்.ஆர்.கே)

கார்த்திக்.எம்.ஆர் · 26/11/2011

First topic message reminder :

ஏடு பிடித்து எழுத்தறியும் நேரம்
ஏர் பிடித்து உழுதறிகிறேன்
ஏழையாக நான் பிறந்தது காரணமா?
இல்லை என் பெற்றோர்
ஏழையாய் இறந்தது தான் காரணமா?
காரணம் நானறியேன் !
பட்டறிவு பெறவும் பணம் பத்தவில்லை,
பட்டுப்பட்டு பகுத்தறிவு அதனாலே!

சூரியன் கிழக்கிலுதித்து மேற்கிலே மறைவான் என
உருத்தட்டி மார்தட்டும் கற்றோர் சிலருக்கு,
பழகிய இடத்திலும் பழக்கமில்லை
கிழக்கும் மேற்கும் !

வீரியமாய் வெய்யிலெனைச் சுட்டபோதும்
மழைத்துளிகள் பொய்த்துப் போனபோதும்
மண்ணைப் படித்துப் பின்னர்
பயிரிட்டிருக்கலாம் எனத் தோன்றும்
எனக்குத்தான் வாய்ப்பில்லை,
வரும் காலமாவது வளமாகட்டும் !

கற்றோரே, பெற்றோர் தேடினால்
கணினியில் காணாமல் போகாமல்
வெளியே சென்று
கல்லாதான் கண்ணில் பட்டால்
கற்கச் செய்யுங்கள் !
பட்டறிவும் பகுத்தறிவும் சேர்ந்து
பதிக்கட்டும் புதிய சாதனைகள் !

கார்த்திக்.எம்.ஆர் · 26/11/2011

பிஜிராமன் wrote:நல்ல சிந்தனைச் சிதறல் தம்பி......அருமையாய் கோர்த்துக் கொடுத்திருக்கிறாய்........

நன்றி பிஜி அண்ணா.. புன்னகை

இளமாறன் wrote:
பட்டறிவும் பகுத்தறிவும் சேர்ந்து
பதிக்கட்டும் புதிய சாதனைகள் !

இரண்டும் சேர்ந்து கிடைப்பது அரிது

கவிதை நன்று

அரிது தான்.. நன்றி அண்ணா.. புன்னகை

ஏர்-அறிவும் ஏடு-அறிவும் !! (கவிதை - எம்.ஆர்.கே)

ஏர்-அறிவும் ஏடு-அறிவும் !! (கவிதை - எம்.ஆர்.கே)

Re: ஏர்-அறிவும் ஏடு-அறிவும் !! (கவிதை - எம்.ஆர்.கே)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக