கேரள அரசை கண்டித்து தீக்குளித்த தேனி டிரைவர் மரணம்

மகா பிரபு · மகா பிரபு Sun Jan 01, 2012 9:53 pm

First topic message reminder :

கேரள அரசை கண்டித்து, தேனி பஸ் ஸ்டாண்ட் அருகில் உள்ள நேரு சிலையைக் கட்டிப்பிடித்தபடி, பெட்ரோல் ஊற்றி தீக்குளித்த வேன் டிரைவர், ஜெயபிரகாஷ் நாராயணன்,32, இன்று மரணமடைந்தார். தேனி பங்களாமேட்டைச் சேர்ந்தவர், ஜெயபிரகாஷ் நாராயணன்; திருமணமாகவில்லை. தாயுடன் வசித்து வந்தார். முல்லைப் பெரியாறு அணை பிரச்னை தொடர்பாக, தேனியில் நடந்த பல்வேறு போராட்டங்களில் இவர் பங்கேற்று வந்தார்.இந்நிலையில், கடந்த டிசம்பர் 19ம் தேதி மாலை, பெட்ரோல் கேனுடன் தேனி பஸ் ஸ்டாண்ட் அருகில் உள்ள நேரு சிலையை கட்டிப்பிடித்தபடி, ""சுப்ரீம் கோர்ட் உத்தரவை மதிக்காத, கேரள அரசை கண்டிக்கிறேன்'' என கூறி, தனக்குத்தானே பெட்ரோலை ஊற்றி தீவைத்துக் கொண்டார்.இவர் சிகிச்சைக்காக, மதுரையில் உள்ள அப்பல்லோ மருத்துவமனையில் சேர்க்கப்பட்டார். இந்நிலையில், இன்று இரவு 7.30 மணியளவில் மரணமடைந்தார்.

dinamalar :வணக்கம்:

உதயசுதா · உதயசுதா Tue Jan 03, 2012 11:03 am

[quote="மகா பிரபு"]
அவர்கள் தற்கொலை செய்துகொண்டார்கள் என்று நானும் சொல்லவில்லை. உயிர் மட்டுமே முக்கியம் என்று நினைத்து தன குடும்பம் முக்கியம் என்று நினைக்காது, நாட்டுக்காக உயிர் நீத்ததை தான் நான் அங்கே குறிப்பிட்டுள்ளேன். இறந்தவர்கள் யாரும் போற்றபடுவதில்லை என்று சுதா அக்கா கூறிய கருத்திற்கு தான் நான் இதை பதிவிட்டேன். நீங்களே சொல்லுங்கள் இறந்தவர்கள் யாரும் பெயர் எடுக்கவில்லையா?

நான் சொல்ல வந்த கருத்தை தவறாக நீ புரிந்து கொண்டு என்னை எதற்கு குற்றம் சொல்கிறாய் பிரபு.நான் சொல்ல வந்தது உயிரோடு இருந்து கடைசி வரை போராடியவர்களுக்கு கிடைக்கும் மதிப்பு இது போல தற்கொலை செய்து கொண்டு தான் நினைத்தது தான் மரணத்துக்கு பிறகு நடக்கும் என்று நினைப்பவர்களுக்கு கிடைக்காது என்றுதான்.அதற்காக அவர்கள் உயிருக்கு மதிப்பு இல்லை என்பது அர்த்தம் கிடையாது.நான் ஏற்கனவே சொன்ன மாதிரி எல்லாருக்கும் முத்து குமார் செய்த காரியம் அன்னிக்கு பெரிதாக இருந்தது.இன்னிக்கு இவர்.நாளைக்கு இவரை போல இன்னொருவர்.

“இன்னொரு பக்கத்தையும் நாம் மறந்துவிடக்கூடாது ......
இவர்களை இழந்து தவிக்கு குடும்பத்தினருக்கு மட்டுமே புரியும் இழப்பின் வலி ....இதுபோன்ற மரணங்களை பார்த்து ...இன்னும் பலரும் தங்கள் உயிரை இழந்து விடக்கூடாது என்ற ஆதங்கம் ...சார்லசின் ,உதயசுதாவின் வாதத்தில் உள்ள அடிநாதம் ...இதை முழுமையாக ஆதரிக்க வேண்டும் !”

இந்த கருத்தைதான் நான் அன்றும்,இன்றும் சொல்லி வருகிறேன்.முதலில் உங்கள் குடும்பத்தை பாருங்கள்.குடும்பத்தை அனாதைகளாக தவிக்க விட்டு யாரும் இந்த மாதிரி முடிவு எடுக்க துணியாதிங்க.சாதாரண நிலையிலோ அல்லது விபத்தில் இறந்தாலோ ஏற்படும் தூக்கத்தை காட்டிலும் இந்த மாதிரி முடிவு எடுப்பது குடும்பத்தினருக்கு தரும் வலி மிக அதிகம்.
பேச்சின் மூலம் மக்களை தூண்டிவிடும் தலைவர்களும் அவர்கள் குடும்பமும் நன்றாகவே இருக்காங்க. ஏன்னா அவர்களுக்கு தெரியும் தற்கொலை செய்து கொண்டு இறந்தால் ஆக போவது ஒன்றும் இல்லை என்று.
நம்மை போல இருப்பவர்கள் அவர்கள் மரணத்துக்கு ஒரு இரங்கல் சொல்லி விட்டு போய்விட்டால் பிரச்சினை இல்லை.ஆனால் அவரை ஒரு ஹீரோ ரேஞ்சுக்கு உயர்த்தி பேச பேச இதை கேக்கும் நாலு பேர் இதே மாதிரி முடிவு எடுக்க துணிந்தால் நிலைமை என்ன ஆகும்?
ஒரு முத்துகுமாரை இழந்துவிட்டு அவர் குடும்பம் படும் பாடு போதும்.
இனி இந்த திரியில் வாதம் செய்யுமுன்,இந்த மாதிரி தற்கொலை செய்து கொள்பவர்களை ஆதரிப்பவர்கள் வேறு யார் குடும்பத்தையும் போய் பார்க்க வேண்டாம்,உங்கள் எல்லாருக்கும் தெரிந்த முத்துக்குமார் குடும்பத்தை பார்த்துவிட்டு வந்து பேசுங்க ,பிளீஸ்

மகா பிரபு · மகா பிரபு Tue Jan 03, 2012 11:42 am

உதயசுதா wrote:நான் சொல்ல வந்த கருத்தை தவறாக நீ புரிந்து கொண்டு என்னை எதற்கு குற்றம் சொல்கிறாய் பிரபு.

உங்களை நான் குற்றம் சொல்லவில்லை சுதா அக்கா.

இங்கு யாரும் அவரை ஹீரோவாக போற்றவில்லை அக்கா. அதேசமயம் இறந்து போன ஒருவரை விமர்சிப்பது எவ்வகையில் நியாயம்? இதுபோல இன்னொருவர் செய்யகூடாது என்ற உங்கள் கருத்து ஏற்புடையது. அது போல் அவரை தயவு செய்து யாரும் விமர்சிக்க வேண்டாம். :வணக்கம்: