சாலையில் பறந்த 500, 1000 ரூபாய் நோட்டுகள்

**இளமாறன்** · **இளமாறன்** Sun Jan 01, 2012 12:26 am

காரைக்குடி: சாலையில் பறந்த 500, 1000 ரூபாய் நோட்டுகள்

காரைக்குடி பெரியார்சிலை அருகே உள்ள 100 அடி ரோடு எப்போதும் பரபரப்பாக காணப்படும். இந்த நிலையில் நேற்று காலை 10 மணி அளவில் ஏராளமானபேர் கார்கள், மோட்டார் சைக்கிள் உள்ளிட்ட வாகனங்களில் சென்று கொண்டிருந்தனர். அப்போது திடீரென்று ரோட்டில் ரூ.100, 500, ஆயிரம் என ரூபாய் நோட்டுகள் பறந்து சென்றது.

இதனையடுத்து ரோட்டின் அருகே சிங்கப்பூர் ஷாப்பிங் சென்டர்நடத்தி வரும் கணேசன் மற்றும் ராஜா என்பவர்கள் அந்த ரூபாய் நோட்டுகளை சேகரித்து, யாருடைய பணம் என்று கேட்டனர்.

அதற்கு அங்கிருந்தவர்கள் தங்களது பணம் இல்லை என்று கூறி விட்டனர்.

அந்த நோட்டுக்களை சேகரித்து எண்ணிபார்த்ததில் 12 ஆயிரத்து 500 ரூபாய் இருந்தது. யாராவது மோட்டார் சைக்கிளில் செல்லும்போது தவறி விழுந்து இருக்கலாம். காற்று அடிக்கும்போது, அந்த பணம் பறந்து இருக்கலாம். பணத்தை தவறவிட்டவர்கள் கவனிக்காமல் சென்று இருக்கலாம் என தெரிகிறது.

இதனையடுத்து கணேசனும், ராஜாவும் அந்தபணத்தை காரைக்குடி வடக்கு போலீஸ் சப்-இன்ஸ்பெக்டர் ராஜ் குமாரிடம் ஒப்படைத்தனர்.

அவர் அந்த பணத்தை தொலைத்தவர்கள் யார் என விசாரணை நடத்தி வருகிறார். பணத்தை ஒப்படைத்த இருவரையும் பாராட்டினார். திடீரென்று ரோட்டில் பணம் பறந்துசென்றதால் அந்த பகுதியில் பரபரப்பு ஏற்பட்டது.

நக்கீரன்