இனிய புத்தாண்டு வாழ்த்துக்கள்

**மு.வித்யாசன்** · 19/03/2010

இனிய புத்தாண்டு வாழ்த்துக்கள்

நினைத்த காரியம் இந்த நிமிடமே நிகழட்டும்
ஜெகத்தில் அன்பு ஒன்றே கடவுளாகட்டும்
யாவரும் வேறல்ல ஓரினம் என்றாகட்டும்
தோல்விகள் மயிலிறகாய் மாறி வருடட்டும்
வெற்றிகள் உள்ளங் கை ரேகையாய் பதியட்டும்
கொடுமையும், மடமையும் கிழிந்த தேதியாகட்டும்
உழைப்பவர்களின் நரம்புகளில் பூக்கள் இன்னிசை மீட்டட்டும்
துயரங்கள் யாவும் எட்டிபோகும் வானமாகட்டும்
இயலாமை மட்டும் தட்டி விழும் தூசியாகட்டும்
இல்லாதோர் இனி இல்லை என்று
இந்த புத்தாண்டு உதிக்கட்டும் !!

வாழ்த்துகளுடன்
வித்யாசன்
(ரமேஷ்)