சுவை அறிந்து சாப்பிடுகிறோமே சுவையிலே என்ன இருக்கு தெரியுமா

வாய்க்கு ருசியா சாப்பிடுகிறோமே அந்த சுவை எத்தனை
வகை தெரியுமா
ஆறு வகை ,சரி அந்த ஆறு சுவைகளிலும் என்னங்க இருக்கு

கல்யாண சமையல் சாதம் ,காய்கறிகளும் பிரமாதம் ,
இதுவே எனக்கு போதும்

ஹா ஹஹா ஹஹா ஹா , ஹா ஹஹா ஹஹா


நீங்க இந்த வார்த்தையை கேட்டு இருப்பீங்க அறு
சுவையோட உனக்கு விருந்து படைக்கிறேன் என்று
.
அறுசுவை என்றால் என்னன்ன சுவை அப்பிடின்னு தெரியுமா?


இனிப்பு


புளிப்பு


உவர்ப்பு (உப்பு)


கசப்பு


காரம்


துவர்ப்பு


இது தாங்க அந்த அறுசுவை என்பது
.
இது எங்களுக்கு தெரியாதா ?


பெருசா சொல்ல வந்துட்ட அப்பிடீங்கிறீங்களா !!!


சரிங்க


இந்த ஆறு சுவைகளின் தன்மை அதாவது குணம்
என்னன்னு தெரியுமாங்க .



இனிப்பு :


இனிப்பு சாப்பிட்டா என்ன ஆகும் தெரியுமா ?


உடலைப் பெருக்க வைக்கும் .


சதை, எலும்பு, இரத்தம், கொழுப்பு, சுக்கிலம் ஆகிய
உடல் தாதுக்களுக்கு ஊட்டம் அளிக்கும்.


வாத ,பித்த இடங்களில் தீய செயல்களைத் தடுத்து
உடலுக்கு பாதுகாப்பளிக்கும்


இனிப்பால் பாதிப்பு இல்லையா ?


இருக்கே !


இனிப்பு அதிகமானால் :-


இனிப்பு அதிகம் சாப்பிட்டால் கொழுப்பும் ,கபமும்(சளி),
மிகுதியாகி சர்க்கரை நோய் தோன்றும் .


இனிப்பு குறைந்தால் :-


இனிப்பு குறைந்தால் மயக்கம் வரும் .


புளிப்பு :-


உணவில் விருப்பத்தையும் ,சுவையுணர்வையும்
ஏற்படுத்தும்


பசியைத் தூண்டும் ,


ஜீரணத்துக்கு உதவும்.


புளிப்பால் என்னென்ன பாதிப்புகள் :-


புளிப்பு அதிகமானால் :-


புளிப்பு சுவை அதிகப்பட்டால் உடல் உறுப்புகள் தளர்ச்சி
அடையும் .தலைசுற்றல் ,கண் இருட்டல், உடலில் அரிப்பு ,
வெளுப்பு அக்கி ,அம்மை தோன்றும் .


நீர் வேட்கை அதிகரிக்கும் .உடல் வீங்கும் .


புளிப்பு குறைந்தால் :-


புளிப்பு குறைந்தால் ஜீரணம் குறையும்
.



உவர்ப்பு ( உப்பு ) :-


உடல் உறுப்புகளுக்கு கசிவையும் ,இசிவையும் ஏற்படுத்தும் .


வியர்வையை வெளியேற்றும்
.
உப்பால் பாதிப்பு:-


உப்பு அதிகமானால் :


உப்பை அதிகம் சேர்த்துக் கொண்டால் இளமையில்
நரை ,திரை ,மூப்பு ஏற்படுத்தும் ( இளமையில் முதுமை ) .


சிறு நீரகக் கோளாறு வரும் .கிட்னியில் கல் உருவாகும் .
நீரடைப்பு .நீர் எரிச்சல் உண்டாகும் .


உப்பு குறைந்தால் :-


உப்பு குறைந்தால் சோர்வு உண்டாகும் .


கசப்பு :-


உடலுக்கு உறுதுணையாகும் .பூச்சிகளை கொல்லும் .
விஷத்தை முறிக்கும் தோல் நோய்களை குணமாக்கும் .
எரிச்சல் ,குமட்டல் குணமாகும் .


கசப்பால் பாதிப்பு :-


கசப்பு அதிகமானால் :-


கசப்பு அதிகமானால் உடல் தாதுக்கள் குறையும் .வாத
நோய்கள் வரும் .


கசப்பு குறைந்தால்:-


கசப்பு குறைந்தால் இரத்தம் கெடும் .
வயிற்றில் புழுக்கள் தோன்றும் .







காரம் ( எரி):


உணவில் நாட்டம் ,செரிமானம் உண்டாகும் .உயிர்ச்சத்தை
உறிஞ்ச உதவும்.


தொண்டை நோய் ,உடல் துடிப்பு ,வீக்கம் ,குமட்டல்
ஆகியவற்றை குறைக்கும் .


காரத்தால் பாதிப்பு:-


காரம் அதிகமானால் :-


காரம் அதிகமானால் தாகம் மிகும் .
உடல் ஆற்றல் குறையும் .உடல் நடுக்கம் ,வலிப்பு நோய் வரும் .


காரம் குறைந்தால் :-


காரம் குறைந்தால் ஜீரண சக்தி குறையும்


துவர்ப்பு :-


பித்தத்தையும் ,கபத்தையும் போக்கும் .இரத்தத்தை
உற்பத்தியாக்கும் இரத்த சுத்தி உண்டாக்கும் .கொழுப்பை
வளரச் செய்யும் .புண்களை ஆற்றும் .தோலுக்கு
வலுவையும் தரும் .
உடலுக்கு குளிர்ச்சியை தரும் .


துவர்ப்பால் பாதிப்பு :-


துவர்ப்பு அதிகமானால்:-


துவர்ப்பு மிகுதியானால் வயிறு பொருமும் .செரிமானம் குறையும் . .நீர் வேட்கை மிகும் .


துவர்ப்பு குறைந்தால் :


துவர்ப்பு குறைந்தால் மார்பு வலி ஏற்படும்.
ஆண்மை , பெண்மை குறையும் .


உறுப்புகளின் உந்தும் ஆற்றல் குறையும். இரத்தம் கெடும் .







நம்முடைய உடல்களை மூன்று வகையாக பிரித்துள்ளனர் .


வாத உடம்பு


பித்த உடம்பு


கப (சிலேத்தும )உடம்பு


அ ) வாத உடம்பை பெற்றவர்கள் கசப்பு ,காரம் ,துவர்ப்பு
ஆகியவற்றை குறைத்து இனிப்பு ,புளிப்பு ,உப்பு ஆகியவற்றை
கொஞ்சம் அதிகமாக்கிக் கொள்ளலாம் .


ஆ ) பித்த உடம்பினை பெற்றவர்கள் புளிப்பு,உப்பு ,காரம்
குறைத்து கசப்பு,துவர்ப்பு, இனிப்பை சற்று அதிகமாக உண்ணலாம்
.
இ ) கப ( சிலேத்தும ) உடம்பினை பெற்றவர்கள் இனிப்பு ,
புளிப்பு,உப்பு குறைத்து கசப்பு ,காரம் ,துவர்ப்பு உணவுகளை
சற்று அதிகமாக உண்ணலாம் .


குறிப்பு :


எல்லாரும் எல்லா காலத்திலும் அறுசுவை உணவுகளை
அளவோடு உண்ணுதல் உடல் நலத்திற்கும் ,வளத்திற்கும்
ஏற்றதாகும்

நன்றி http://thulithuliyaai.blogspot.com/2011/08/blog-post_13.html

நல்ல தகவல்.

நல்ல பயமுறுத்தல்