குருவாயூர் திருப்பதி

திருமலை வாசனாகிய திருப்பதி வெங்கடாசலபதிக்கு குருவாயூரிலும் ஒரு கோயில் இருப்பது உங்களுக்குத் தெரியுமா?

இந்தத் திருக்கோயில் அமைந்துள்ள இடமும் திருவேங்கடம் என்றே அழைக்கப்படுவது கூடுதல் சிறப்பு.

வெங்கட என்றால் பாவத்தை அழித்தல். அதாவது சொர்க்கவாசத்திற்கு தகுதியடைதல் என்பது பொருளாகும். திருவேங்கிடம் என்றால் பாவத்தை அழித், சொர்க்கத்திற்கு நம்மை உயர்த்தும் இடம் என்று பொருள்.

சுமார் ஆயிரத்து நூறு வருடங்களுக்கு முன், திருமலை திருப்பதியின் அன்றாட மடாதிபதியான யதிவர்யன் என்ற ஆசார்யரால், திருப்பதி வெங்கடாசலபதிப் பெருமானின் அனுக்ரஹத்தோடு இந்த ஆலயம் கட்டப்பட்டிருக்கிறது. பிரயாண வசதிகளும், தொலைத் தொடர்பு சவுகர்யங்களும் இல்லாத அந்தக் காலத்தில், திருப்பதி மடாதிபதி குருவாயூரில் உள்ள இந்த புண்ணிய தலத்தைத் தேர்ந்தெடுத்து திருவேங்கடம் என நாமகரணமும் செய்து வைத்ததைப் பார்க்கும்போது இது சாட்சாத் விஷ்ணுவின் ஆக்ஞையல்லாது வேறென்னவாக இருக்க முடியும்?

காலங்கள் கடந்தபின் திப்புவின் படையெடுப்பால் இங்குள்ள பெருமாள் விக்ரகம் சிதிலமடைந்தது. ஆயினும் திருவேங்கடவாசிகள் சிதிலமடைந்த விக்ரகத்தை பூஜித்து வந்தனர். பின்னர் 1977ம் வருடம் ஆனி மாதம் குருவாயூர் ÷க்ஷத்திர தந்திரியான பிரம்ம ஸ்ரீசேனாஸ் நம்பூதிரி, திருப்பதி பெரிய ஜீயர் சுவாமிகள் ஆகியோரது முன்னிலையில் புனர்பிரதிஷ்டை செய்யப்பட்டது.

ஆலயத்தில் கிழக்கு நோக்கி தரிசனம் தரும் பகவானின் திருஉருவைக் காணும்போது சாட்சாத் திருமலைவாசனைக் கண்டால் வரும் பேரின்பம் ஏற்படுவது நிஜம். பெருமாளை சேவித்தவிட்டு இடதுபுறம் வந்தால், பத்மநாபப் பெருமானின் சகோதரி பகவதி மேற்கு நோக்கி அமர்ந்து அருள் வழங்கிக் கொண்டிருக்கிறார்.

இங்குள்ள மக்கள் பகவதியை திருவேங்கடத்தம்மா என பக்திப் பரவசத்துடன் அழைத்து வருகிறார்கள். பகவதி அம்மனை கண்குளிரக் கண்டு வலம் வரும் போது, கன்னிமூல கணபதி பக்தர்களுக்கு அருள் தந்து கொண்டிருக்கிறார். கணபதி சன்னதியின் எதிரில் சரஸ்வதி மண்டபம் அமைந்துள்ளது. சரஸ்வதி பூஜை இங்கு சிறப்பு விழாவாக கொண்டாடப்படுகிறது. பெருமாள் சன்னதிக்கு இடப்புறம் ஐயப்பனின் சன்னதி அமைந்துள்ளது. கலியுகவரதனுக்க நல்லெண்ணெய் வாங்கி, அங்குள்ள அணையா விளக்கில் ஊற்றி வலம் வந்தால் சனிதோஷம் நீங்கி, வாழ்வில் வசந்தம் வீசும் என்பது அசைக்க முடியாத நம்பிக்கை.

திருவேங்கடப் பெருமாளுக்கான இஷ்ட வழிபாடுகள் மஹா சுதர்சன புஷ்பாஞ்சலி, சகஸ்ரநாம புஷ்பாஞ்சலி, திருமதுரம், பால்பாயசம் முதலியனவையாகும். பகவதிக்கான பிரதான வழிபாடுகள் முட்டிறக்கலும், பூமூடலும் ஆகும். முட்டிறக்கல் வழிபாடு மூலம் பக்தர்கள் தங்கள் கஷ்டங்கள் நீங்கப் பெற்று, பூமூடல் வழிபாட்டிற்கான முன்பதிவு 2020-ம் வருடம் வரை கடந்துள்ளது என்பது இதன் முக்கியத்துவத்தையும் அதன் பலன்களையும் நமக்கு உணர்த்துகிறது.

காலை மணி 4.30 முதல் 12.30 வரையும்; மாலை 4.30 முதல், இரவு 8.30 வரையும் தரிசனத்திற்காக திறக்கப்படுகிறது ஆலயம்.

இனி குருவாயூர் செல்லும்போது, திருவேங்கடாசலபதியையும் மறக்காமல் தரிசித்து வருவீர்களல்லவா!

குருவாயூரப்பனின் திருமுற்றத்தில் இருந்து வடகிழக்கில் சுமார் 4 கிலோ மீட்டர் தொலைவில் திருவேங்கடம் அமைந்துள்ளது.

- செ. ஆதிபகவன், திருவனந்தபுரம்

நல்ல தகவல் சிவா அடுத்தமுறை குருவாயூர் போகும்போது
கண்டிப்பாக பார்க்கிறேன் நன்றி

பகவதிக்கான பிரதான வழிபாடுகள் முட்டிறக்கலும், பூமூடலும் ஆகும். முட்டிறக்கல் வழிபாடு மூலம் பக்தர்கள் தங்கள் கஷ்டங்கள் நீங்கப் பெற்று, பூமூடல் வழிபாட்டிற்கான முன்பதிவு 2020-ம் வருடம் வரை கடந்துள்ளது என்பது இதன் முக்கியத்துவத்தையும் அதன் பலன்களையும் நமக்கு உணர்த்துகிறது.

இதில் முட்டிறக்கலும், பூமூடலும் பற்றி விளக்க முடியுமா சிவா? அப்படி என்றால் என்ன?

அக்கா அப்படி செல்லும் போது, ஈகரைக்காகவும் இங்குள்ள நல்ல உள்ளங்களுக்காகவும் வேண்டிக்கொள்ளுங்கள்.

மாணிக்கம் நடேசன் wrote:அக்கா அப்படி செல்லும் போது, ஈகரைக்காகவும் இங்குள்ள நல்ல உள்ளங்களுக்காகவும் வேண்டிக்கொள்ளுங்கள்.

கண்டிப்பாக ! நீங்க சொல்லனுமா என்ன?

மிக்க நன்றி அக்கா.
தெங் யூ,
தெரிமா காசே (மலாய் மொழியில் நன்றி என்று பொருள்)