வேண்டாம் உலக வாழ்வு! (கவிதை)

**kirikasan** · **kirikasan** Fri Dec 30, 2011 2:29 pm

சிலையாகக் கல்லாகச் செங்கதிர் ஒளியாகச்
சிவந்ததோர் மாலைவிண்ணின்
அலையும்வெண் முகிலாக அதனூடு மதியாக
அடங்காத திமிரெடுத்த
மலையாகக் குயிலாக மரம்மீது துணைகூடும்
மகிழ்வான குருவியாக
இலைபூவைத் தழுமோர் இளந்தென்றற் காற்றாக
எம்மையும் படைக்காத தேன்?

நிலையாக ஒர்நேரில் நிற்கின்ற மரமாக,
நில்லாமற் தடம்புரண்டு
அலைந்தோடும் காட்டாற்று அருவியாய் அதுசேரும்
ஆழியென் றாக்கலின்றி
தொலையாத துயரோடு தோன்றிடும் பிணியாலே
தூரமென் றின்பங்கொண்டு
கொலைபாதகர் கையின் கொடும்வாளில் உயிர்போகும்
கோலமும் ஏன் படைத்தாய்?

குலையான கனியாக கூடிடும்கொத்தான
குறுவாழ்வு மலர்கள்போலும்
தலைசாய வீழ்ந்துமண் தழுவுநெற் கதிராக
தன்மானங் கூனலிட்டு
இலையென்ற துன்பங்கள் எதிர்வந்து மனதோடு
இழையவும் தளதளத்து
புலையுண்டு மதிகெட்டு பிறழ்கின்ற வாழ்வாகப்
பிறவியுந் தந்ததேனோ?

கிளை தூங்கு சிறுமந்தி யெனஓடி வீழ்ந்துமோர்
கீழ்மையில் சிந்தைவாட
வளைகின்ற முதுமையோ வாவென்று கூறிமேல்
வானத்தின் திசைகாட்டிட
நுளைகின்ற காற்றாலே நுண்துளைக் குழலூதும்
நேரிலே உடலூதியும்
விளைகின்ற உயிர்க்காற்று விதிகொள்ள வீழுமிவ்
வெற்றுடல் தந்ததேனோ?

மழைகொண்ட வான்மீதில் மறுகோடி உறையுமென்
மாதேவி சக்திதாயே !
பிழைகொண்ட வாழ்வீது பேர்மட்டு முயர்வான
பிறவியாம் மனிதமென்றே
துளைகொண்ட மேனியுந் துடிக்கின்ற வேளைகள்
துஞ்சிடுந் நெஞ்சம் வைத்து
விளைகின்ற மேனியில் விஷம் வைத்து மீந்தனை
வேண்டாமிவ் வுலகவாழ்வு!

dhilipdsp · dhilipdsp Fri Dec 30, 2011 2:54 pm

**சிவா** · **சிவா** Fri Dec 30, 2011 3:11 pm

**kirikasan** · **kirikasan** Mon Jan 02, 2012 4:09 pm

சிவா wrote:

தங்கள் பாராட்டுகளுக்கு மிக்க நன்றிகள்! பெருமதிப்புள்ளவை நன்றிகள்!

**kirikasan** · **kirikasan** Mon Jan 02, 2012 4:11 pm

dhilipdsp wrote:

மிக்க நன்றிகள் தங்கள் பாராட்டுக்கு!

**உமா** · **உமா** Mon Jan 02, 2012 4:12 pm

மிகவும் அருமை. அருமையிருக்கு

Sponsored content · Sponsored content

வேண்டாம் உலக வாழ்வு! (கவிதை)

வேண்டாம் உலக வாழ்வு! (கவிதை)

Re: வேண்டாம் உலக வாழ்வு! (கவிதை)

Re: வேண்டாம் உலக வாழ்வு! (கவிதை)

Re: வேண்டாம் உலக வாழ்வு! (கவிதை)

Re: வேண்டாம் உலக வாழ்வு! (கவிதை)

Re: வேண்டாம் உலக வாழ்வு! (கவிதை)

Re: வேண்டாம் உலக வாழ்வு! (கவிதை)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக