116 ஆண்டுகள் பழமையும் இயற்கையும் ஒருங்கே அமைந்த நீர்வீழ்ச்சி முருகன் பினாங்கு மலேசியா

116 ஆண்டுகள் பழமையும் இயற்கையும் ஒருங்கே அமைந்த நீர்வீழ்ச்சி முருகன்



தலவரலாறு : மலேசியவின் பினாங் மாநிலத்தில் அமைந்துள்ள இயற்கை எழில் சூழ்ந்த பகுதியில் அமைந்தள்ளது, நீர்வீழ்ச்சி சன்னதி முருகன் ஆலயமாகும். தைப்பூச திருநாளில் மக்கள் அதிகளவில் கூடும் சிறிய கோயிலானாலும் மிகுந்த சக்தி வாய்ந்த ஆலயம் இந்த நீர்வீழ்ச்சி ஆலயமாகும். கடந்த இரு நூற்றாண்டுகளாக குறைந்த அளவு மக்களாலேயே அறியப்பட்டு, அடர்ந்த வனப்பகுதியிலான மலையின் பின்புறம் தாவரவியல் தோட்டத்திற்கு அருகே இக்கோயில் அமைந்துள்ளது. ஒவ்வொரு ஆண்டும் தைப்பூசத்திற்கு ஒரு வாரத்திற்கு முன்னதாக ஒரு சிறு குழுவிலான இந்துக்கள் இக்கோயிலில் வழிபாடு நடத்துகின்றனர்.

அழகிய மலைப்பகுதிகளுக்கு நடுவே இக்கோயில் அமைந்துள்ளது. தொலைவில் இருந்து பார்ப்பவர்களுக்கு அழகிய பிரம்மாண்டமான நீர்வீழ்ச்சி மட்டுமே தெரிகிறது. கடந்த இரண்டு ஆண்டுகளுக்கு முன்பிருந்தே இக்கோயிலில் தைப்பூச விழா கொண்டாடப்படுகிறது. இவ்விழாவின் போது 25 வித்தியாசமான பாரம்பரிய கருவிகள் பக்தர்களால் இசைக்கப்படுகிறது. சில ஆண்டுகளுக்கு முன் வரை இக்கோயிலுக்கான பூஜைக்கு தேவையான அனைத்து பொருட்களும் மலை அடிவாரத்திலிருந்தே கொண்டு வரப்படுகின்றன. கடல்மட்டத்திலிருந்து 232 அடி உயரத்தில் உள்ள இக்கோயில் 1892-ம் ஆண்டு ஆங்கிலேய பொறியாளரால் கட்டப்பட்டது. 60 ஆண்டுகளுக்கு பின்னர் இக்கோயில் மாற்றி அமைக்கப்பட்டது. தற்போது இக்கோயில் பினாங் குடிநீர் வாரியத்தால் நிர்வகிக்கப்படுகிறது. இக்கோயிலின் முக்கிய தெய்வமாக முருகன் போற்றப்படுகிறார். இங்குள்ள நீர்வீழ்ச்சிக்கு அருகில் உள்ள சிறிய மரத்தாலான பாலத்தின் மூலமே இக்கோயிலுக்கு செல்ல முடியும். சிறிய மேடை மீது வேலுடன் நின்ற கோலத்தில் முருகப் பெருமான் காட்சி அளிக்கிறார்.

1780-ம் ஆண்டு இந்தியர்களால் கொண்டு வரப்பட்ட வேல் உடனான முருகன் விக்ரகம் பெரிய அளவில் ஸ்தாபிக்கப்பட்டது. ஜார்ஜ் டவுனிலிருந்து இந்தியர்கள் மாட்டுவண்டிகளின் மூலமாகவே இக்கோயிலுக்கு வருகின்றனர். சன்னியாசிகள் தங்கி பூஜைகள் நடத்துவதற்காக இக்கோயிலுக்கு அருகே மடம் ஒன்று கட்டப்பட்டுள்ளது. 1830-ம் ஆண்டு ஆங்கிலேய அதிகாரி ஜேம்ஸ் லோ என்பவர் இக்கோயில் பற்றிய கட்டுரை ஒன்றை எழுதி உள்ளார்.

நீர்வீழ்ச்சியின் அடியில் இக்கோயில் பற்றிய பழமையான ஓவியங்களும், படங்களும் காணப்படுகின்றன. இக்கோயில் இந்திய முறைப்படி காணப்பட்டாலும், இஸ்லாமிய கல்லறையான சென்னான்னா என்ற பெயராலேயே பதிவு செய்யப்பட்டுள்ளது. இந்த நீர்வீழ்ச்சியும் இப்பெயராலேயே அழைக்கப்படுகிறது. 1805-ம் ஆண்டுகளில் நீர்வீழ்ச்சிக்கு நடுவே இக்கோயில் கட்டப்பட்டிருப்பது வரலாற்று சுவடாகவே இப்பகுதியில் கருதப்படுகிறது. இயற்கையான சூழலில் அமைந்துள்ள இக்கோயில் பக்தியின் அடையாளமாகவும், இயற்கையின் சின்னமாகவும் மற்றும் வரலாற்றின் மைல்கல்லாகவும் இக்கோயில் விளங்குகிறது. இயற்கை சூழலுக்கு இடையே இயற்கை அழகுடன் பிரதிபலிக்கும் குறிப்பிட்ட சில கோயில்களில் இதுவும் ஒன்றாகும்.

பகிர்வுக்கு மிக்க நன்றி , புகைப்படங்கள் இருந்தால் இன்னும் நன்றாக இருக்கும் ..

அடுத்த முறை பினாங்கு சென்றால் , பார்த்து வருகிறேன்.
தகவலுக்கு நன்றி.

பகிர்வுக்கு மிக்க நன்றி

வை.பாலாஜி wrote:பகிர்வுக்கு மிக்க நன்றி , புகைப்படங்கள் இருந்தால் இன்னும் நன்றாக இருக்கும் ..

பினாங்கு வில் வசிக்கும் நண்பர்கள் இடம் கேட்டு அனுப்ப சொல்கிறேன் ..

இளமாறன் wrote:

வை.பாலாஜி wrote:பகிர்வுக்கு மிக்க நன்றி , புகைப்படங்கள் இருந்தால் இன்னும் நன்றாக இருக்கும் ..

பினாங்கு வில் வசிக்கும் நண்பர்கள் இடம் கேட்டு அனுப்ப சொல்கிறேன் ..