கொலவெறி உச்சம்! மன்மோகன் சிங் விருந்தில் தனுஷ்...!

jesudoss · jesudoss Wed Dec 28, 2011 12:18 pm

ஜப்பான் பிரதமருக்கு, பிரதமர் மன்மோகன் சிங் அளிக்க இருக்கும் விருந்தில், நடிகர் தனுஷூம் பங்கேற்க அழைப்பு வந்துள்ளது. தேசிய விருது வாங்கிய போது கூட தனுஷ் இந்தியா முழுக்க பிரபலமாகவில்லை. ஆனால் தற்போது அவர் நடித்து வரும் 3 படத்தில் அவரே எழுதி, பாடியிருக்கும் கொ‌லவெறி... பாடல், அவரை எங்கேயோ கொண்டு போய் விட்டுள்ளது. இந்தியாவையும் கடந்து உலகம் முழுக்க, இந்தபாடல் பிரபலமாகியுள்ளது. தமிழ் மற்றும் ஆங்கிலம் கலந்த தங்கிலீஷில் உருவாகியிருக்கும் இப்பாடல் உலகின் டாப்-10 ஆல்பங்களில் இடம்பெற்றுள்ளது. அதுமட்டுமின்றி யூ டியூப்பில் அதிகம் பேர் இந்த பாடலை பார்த்துள்ளதால் இந்த பாடலுக்கு யூ டியூப்பின் கோல்ட் விருதும் கிடைத்துள்ளது. பலரும் அவரை தங்களுடைய ஆல்பங்களில் பாட வைக்க முயற்சி செய்து வருகின்றனர்.

இப்படி ஒரே பாட்டில் தனது ரேஞ்சை மாற்றியிருக்கும் தனுஷ்க்கு மேலும் ஒரு கவுரவம் கிடைக்க போகிறது. ஜப்பானிய பிரதமர் யோசிகோ நோடாவிற்கு 28ம் தேதி தனது இல்‌லத்தில் வைத்து விருந்து கொடுக்கிறார் நமது பாரத பிரதமர் பிரதமர் மன்மோகன் சிங். அந்த விருந்தில் பங்கேற்க வரும்படி நடிகர் தனுஷூக்கும் அழைப்பு வந்திருக்கிறது.

ஒருவேளை கொலவெறி... பாடல் மன்மோகன் சிங்கையும் கவர்ந்து விட்டதோ...!

dinamalar

ரேவதி · ரேவதி Wed Dec 28, 2011 12:25 pm

jesudoss wrote:

ஜப்பானிய பிரதமர் யோசிகோ நோடாவிற்கு 28ம் தேதி தனது இல்‌லத்தில் வைத்து விருந்து கொடுக்கிறார் நமது பாரத பிரதமர் பிரதமர் மன்மோகன் சிங். அந்த விருந்தில் பங்கேற்க வரும்படி நடிகர் தனுஷூக்கும் அழைப்பு வந்திருக்கிறது.

ஊரே பத்திக்கிட்டு எரியுது ஆனா அதையெல்லாம் கண்டுக்காமல் விருந்து சாப்பிடுங்க....இதெல்லாம் ரொம்ப ஓவர் என்ன கொடுமை சார் இது