யார் மீது குற்றம்..

nhchola · nhchola Mon Dec 26, 2011 11:42 am

நடுங்கும் என் விரல்பிடித்து நடக்கிறது காலம். இருள் சூழ் பாதையில் இருவருமே நடக்கின்றோம்...! தான் தடுமாறி என்னையும் விழச்செய்கிறது காலம், காலத்தின் மீது குற்றமில்லை! உரத்து முழங்குகிறேன் என் குரல் கூக்குரலாய் கேட்கிறது, குரல் மீது குற்றமில்லை! உண்மை அம்மணமாய் இருக்கிறது, பொய் ஆடை உடுத்தி போகிறது, உண்மையின் மீதும் குற்றமில்லை! தொலைத்த மண்ணிற்காகவும் தொலையும் தண்ணீருக்காகவும் கிளர்ந்து எழுகிறேன், கிளர்ச்சியின் மீது குற்றமில்லை! கவசமாய் இருக்கவேண்டிய அரசு என்னை காலடியில் போட்டு மிதிக்கிறது, அரசின் மீதும் குற்றமில்லை! இனப்படுகொலை, மூவர் தூக்குத்தண்டனை, மீனவப்படுகொலை, கூடங்குளம் அணுவுலை, முல்லைபெரியாரு அணை, தேவாரம், நியூட்ரினோ ஆய்வகம், தொடர்ந்து துரத்தப்படுகிறேன் தொடர்ந்து ஓடிக்கொண்டிருக்கிறேன் துரத்தலிலும் குற்றமில்லை, ஓட்டத்திலும் குற்றமில்லை, நான் தமிழனாய் பிறந்த பிழை தவிர்த்து எதிலும் குற்றமில்லை!! எதுவும் பிழையுமில்லை!!!!