தேன் விழுதுகள்

**ரா.ரா3275** · **ரா.ரா3275** Sun Dec 25, 2011 9:53 am

First topic message reminder :

“இன்று
கொளுத்தும் வெயில்”
-நாளிதழ் எச்சரிக்கை
முதல் பக்கத்தில்

இயக்கத்தில் மின்விசிறி
தெப்பமாக்கும் வேர்வை
எரிச்சலில்லை

எல்லோருடைய குரல்களையும்
நசுக்கித் தேய்த்துச் செல்லும்
பேருந்து இரைச்சல்

இருக்கின்ற ஏழெட்டு தொலைபேசிகளில்
ஐந்தாறில்
அழைப்புமணி கேட்கும் சிலர்

மீதமுள்ளவற்றில்
எச்சில் தெறிக்க சிலர்

கேட்கவில்லை எதுவும் எனக்கு

அழுகை-கண்ணீர்-சோகம்
மகிழ்ச்சி-சந்தோஷம்-துள்ளல்
இவை கடந்த
இனிப்புணர்ச்சி விழுதுகளில்
ஊஞ்சலாடும் நான்

மெல்லிய குரல்களின்
ஓசையில்
சப்த உலகைக்
கட்டிப்போடும்
உன் தொலைபேசி இணைப்பு